Hebrews 2:17 - Patamuna New Testament Revised

¹⁷ Màlà kasa iwechi pàk màlà Jesus kupùppù tamù'nawolon yau itonpa yamùk ikàipùnù munkà yamùk kasa, tùusentuppasen pe molopai ailon kulu eke paatele pe iwettoppe Katù wotokoyi yau molopai tok makuyi pàk Katù usentuppatoppe.

Hebrews 2:17 ပူးပေါင်းရင်းမြစ်များ

Romans 15:17

Màlàpàk uchi Christ Jesus yau utauchinpa kulu sàlà, Katù wotokoyi yau we'wotokoma pàk.

Romans 5:10

Masapùla Katù yeyaton pe we'nàppà'nokon màlà, tùse kùkusak kon ya màlà tùwechi yakon non pe Tùmu Jesus Christ welittok yai. Màlàpàk sàlà pe Katù wechi yakonnon pe we'nà'nokon pàk, eke peiwa kulu wepùikattàntoppe iwechi màlà Christ wemapù winà.

Ephesians 2:16

Tùwelikù pulusuk po winà Christ uya esseyaton pàk we'nàtok yeleutanùpùppù màlà. Tùwelikù pulusuk po winà nàlà asa'lon kon tùpatalo'nan kon kappon yamùk kupùppù ya tewin molopai tok mùnappoppù ya Katù piyak.

Colossians 1:21

Pena mei ewechippù kon màlà Katù winàpai. Molopai iteyaton pe ewechippù kon àli pe eusenumenkatok kon winà.

Hebrews 10:21

Eke kulu paatele Katù yùwuk yennài, yesappe we'nà'nokon man.

Hebrews 2:11

Asakklàma, mùkkàlà esuken kappon yamùk konekanài molopai mùkyamlo inkonekassan esuken wechi màlà tewin Ikàipùnù. Màlàpàk uchi Jesus wekuli'ma pùla iwechi màlà tok yesatù tùuya pàk tùkàipùnù munkà pe.

Hebrews 2:14

Kùmyamlo kappon yamùk wechi màlà tùpun ke molopai tùmùnù ke, màlàpàk Jesus wenappù nàlà màlà kùkasa'nokon. Iwelikùppù màlà Makui mattanùttoppe tùuya, mùkkàlà, weli'nàtok meluntàlù yesak.

Hebrews 2:16

Masapùla ittu'nokon man, inchelù yamùk pùikattàse iyàpùppù pen màlà, tùse làkku Abraham payan pùikattàse iyàpùppù.

Hebrews 3:1

Màlàpàk utonpa yamùk, amyamlo esuken ikonekasak kon molopai ikà'masak kon Katù winà. Jesus yentàk kon, mùkkàlà yeunossak lùppù molopai eke kulu paatele, mùkkàlà ina nekamayai'nùk.

Hebrews 3:2

Ailon pe iwechippù màlà, Mùkkàlà, sàlà wotoko kuttoppe tùuya tanùnnàippù pàk. Moses wechippù ailon pe Katù yùwùk tau, tùwotokoyi yau kasa.

Hebrews 3:5

Molopai Moses wechippù màlà ailon pe apyoto pe Katù yùwùk tau tamù'nawàlà tùwettok yau. Ichelupappù màlà Katù uselupatok yenpoika pàk, ailon pe sàlà pe tùwekkupù woton yekama pàk.

Hebrews 4:14

Mùkkàlà eke kulu paatele yesappe we'nà'nokon man, mùkkàlà iitàsak lùppù Epùn pona, Jesus, Katù Mumu. Màlàpàk uchi meluntà pe utachinpai nokon, ailon tetok kùuya'nokon pàk.

Hebrews 4:15

Eke kulu mùkkàlà kùpaateleyi kon tùusentuppasen molopai attu'mùla we'nà ittunài. Tamù'nawàlà kùyittutok yekkwa ittuntok yawà iitàppù màlà, tùse àli kupùppù ya pen.

Hebrews 5:1

Eke kulu paatele mùkkàlà yanùnsak kappon yamùk kùlottapai iwe'wotokomatoppe kappon yamùk ponaloppe Katù pokonpe. Lepantok tùnai pe molopai kamo wànài pe, tùtùsen pe kappon yamùk makuyi ponaloppe.

Hebrews 5:10

Màlàyau Katù uya yanùmùppù màlà eke kulu paatele pe iwettoppe Melchizedek yekkwa pe.

Hebrews 5:2

Masapùla tùmàlà pe nàlà attu'mùla tùwechi pàk kappon yamùk pàlikanài mùkkàlà, pakko pe molopai iitassappe lànen tok wechi tùse.

Hebrews 5:5

Màlà kasa làma Christ uya namantok yanùmùppù pen tùpona eke kulu patele pe tùwena yau. Tùse Katù uya ipàk, “Umu àmàlà, sàlà pe Àkàipùnù pe wenasak man,” teppù.

Hebrews 6:20

Jesus wewomùppù màlà màlà motak kùpàkànsau'nokon. eke kulu paatele pe iwenappù màlà tàwàlàlà, Melchizedek yekkwa pe.

Hebrews 7:26

Jesus mùkkàlà eke kulu paatele iche kulu we'nàtok. Wakù, iwalai pen nà pùn, esukenan molopai yamasak mùkkàlà tùmakuyi kenan kon winàpai, molopai yanùnsak lùppù epùn yepoi.

Hebrews 7:28

Law màlà, tattu'mùnù kenan kon kappon yamùk yanùnnài eke patele pe tok wettoppe. Tùse Katù uselupatok meluntà pe uyàpùppù màlà Law ye'mappùtak, Tùmu yanùmùppù ya màlà tùwùk yesappe iwettoppe. Ikasa iwekonekasak tàwàlàlà.

Hebrews 8:1

Sàlàichi màlà ina wettok yekama iche. Pùsàlà, eke kulu paatele, yesappe we'nà'nokon man. Mùkkàlà chichiu pe tùwessen kamik pen winà Katù eke pe tùwessen yapon piyau epùn po.

Hebrews 8:3

Tamù'nawolon kon eketon kulu paatele yamùk pe tùwessan mùkyamlo yanùnsak kon, lepantok tùnnan pe, molopai kamo yamùk tùnnan pe Katù yemyak, màlàpàk uchi pùsàlà nàlà wechippù màlà yà'làlà yesappe tùntùlù woton.

Hebrews 9:11

Tùse Christ uyàpùppù man eke kulu paatele pe, wakù ton iyàssak nai'nannùk yepulu pe. Tappulin iwe'wotokomatok itau màlà penalok yentaino, molopai wakù kulu, kappon yamùk nùkonekappù pen. Ikonekasak pùkkù pe pùla iwechi sàlà wolù yau.