Hebrews 13:9 - Patamuna New Testament Revised

⁹ Tùpatalo'nan yà'là yekkwa ton nà enupantok kon ayatakù'nokon iwalai enupantok winàpai. Wakù pe iwechi màlà kùyewan kon wena meluntà pe Katù nùkupùppù wakù winà yau, kùyali tùnassen pe kappon nekama winà pùla. Masapùla mùkyamlo ina'nàinan nùssan pùikattànài pe pùla iwechi màlà.

Hebrews 13:9 ပူးပေါင်းရင်းမြစ်များ

Matthew 24:24

Masapùla ailon pen Christ molopai ailon pen itekale yenpoikannan usenpoika màlà. Eke ton wotoko molopai enumenkanài kupù tok uya màlà yanùnsak kon yennakatoppe tùuya'nokon, tok yennaka tùuya'nokon pe iwechi yau.

Matthew 24:4

Jesus uya yeikuppù, “Enpen mettàik, ànù'là eyennakatakù'nokon.

Luke 5:38

Kane! emennak tinchisen yemaika nen màlà emennak wai yak.

Yeunossak kon Wotokoyi 20:30

Àtonpa kon yamùk là wettok kasei pe woton, molopai Jesus ya'lon kon lattà tok uya màlà tùpàkàlà'nokon.

Yeunossak kon Wotokoyi 20:32

“Sàlà nen uchi ànonka kon uya Katù yemyak wakù pe imaimu wettok yak. Eyemokkanài pe iwechi màlà molopai elepaya màlà enepolo ke tamù'nawolon kon esuken iwekonkasak kon kùlottau.

Romans 14:17

Masapùla Katù wettok Itepulu pe màlà tùnassen nà wapùla tinchisen nà pen, tùse ikasa we'nàtok, molopai echitonpa pe we'nàtok molopai utauchinpantok Wakù Akkwalù nùtùlù.

Romans 14:2

Tewinannà kappon uya ailontetok màlà iku'nài yà'làlà nattoppe ya, tùse mùkkàlà atu'mùla nai'nùk ailontetok yau wechi màlà kamo pun yannài pe pùla ipànsak molopai tùyiwalà tùwattasen neken kùyali na'nài.

Romans 14:6

Mùkàlà pata weyu tonpa ittunài eke pe uya ikupù màlà Itepulu yapulàtok iwinà pe, mùkkàlà ta'mù'nawolon na'nài molopai yannài uya ikupù màlà Itepulu yapulàtok iwinà pe, masapùla tenki tawon mùkkàlà Katù pàk kùyali pona. Mùkkàlà tùulon nà kùyali nulunpanài uya ikupù màlà Itepulu yapulàtok iwinà pe, molopai tenki tawon mùkkàlà Katù pàk.

1 Corinthians 6:13

“Kùyali màlà lotta ponalok molopai lotta kùyali ponalok”, tùse Katù nùmattanùppù ton màlà asakklàma. Esak wannà màlà àli imakuyippù ponalok pen tùse Itepulu ponalok, molopai Itepulu esak wannà ponalok.

1 Corinthians 8:8

Tùse kùyali uya mei pùla Katù piyak kùnepù kon pen màlà. Yà'là kasa là ku'nà uta'letàn nokon pùla iwechi uya pen màlà, wapùla wakù peiwa là we'nà uta'letàn nokon yau pen.

2 Corinthians 1:21

Masapùla Katù mùkkàlà ina ku'nài ailon pe kulu ina wettoppe, àpokon pe'nokon, wema'nàtok kù'nokon Christ yau pàk. Katù uchi mùkkàlà kùyamanàippù tùponaloppe.

Galatians 6:1

Utonpa yamùk, ànù'là uya àli kupù yeposak yau, àsà pe pùla amyamlo akkwalù yawon kon uya innappo tukka màlà ikasa iwenatoppe. Molopai elanneppe mettàik, amyamlo nàlà usetaluipa àli ànkuppai tukaik.

Ephesians 4:14

Màlàyau mule yamùk kasa welaikan kùsettakù'nokon. Kappon yamùk ennakantakù'nokon ailon pen pàk enupan tùuya'nokon ke, yà'là yekkwa ton nà enupantok tùuya'nokon ke aimelunpantak tok, meluntà assetun uya tàntànman kasa.

Ephesians 5:6

Ànù'là eyenkuttàtakù'nokon ailon pen mayin ke pakko pe: sàlà yamùk pàkànsau uchi màlà Katù we'naikatok uyàpù mùkyamlo tùmaimu yawàlà pùla nai'nannùk pona.

Colossians 2:4

Màlàpàk uchi tekamayaik àpàkù'nokon. Ànù'là eyennakatàkù'nokon ailon pen pàk wesseippà'nàtok yau, wakù pe ikasa kasa lànen iwechi tùse.

2 Thessalonians 2:17

eyewan kon meluntàpai, molopai emeluntàlùttài'nokon wakù kupù kon pa, molopai wakù pe ikasa euselupa kon pa.

2 Thessalonians 2:2

asse'ne kulu là eusenumenkatok kon yau tùutaimelunpasan pe kettàu, wapùla, kettalipatàu Itepulu Weyu uyàssak man te pàk. Yattai pùla là Katù Yakkwalù nekamatai tawon pàk, wapùla yà'là yekkwa là panton pàk, wapùla ina nùmenukappù pe tukaik là ichekama pàk.

1 Timothy 6:20

Timothy, màlà itùsak lùppù eyemyak ikukkà wakù pe. Katù pùnon uselupatok yà'là pen nà kùsetai, wakù kasa nùsetayai'nùk tùse iwalai pen enupantok.

1 John 4:1

Utonpa yamùk, ailon kùkatàu tamù'nawolon kon, Katù yakkwalù yesappe tukaik tùusennakasan pàk, tùse yentàk kon sàlà akkwalù itesappe tok wettok wechi là Katù winàpaino pe. Masapùla tukke Katù Maimu yenpoikannan pe tukaik tùukaseitasan utàppù man mailàlà wolù yau.

Jude 1:12

Pùsamlo ku mùkyamlo echitonpa pe tamùkke tùwepiliche auta'letàtok kon yau, kuli'manài nan tùuta'letà kon yau. Tùpàkù'nokon neken tùusenumenkasan. Assetun uya katuppluk yalà konok pùla walainon mùkyamlo. Yei itepelu pùnon walainon mùkyamlo kùyali yemeikatok yattai; yei yamùk ikalakasak kon molopai iwaipùtakassak walai non.

Jude 1:3

Utonpa yamùk, tùusenumenkaik kulu kaleta menuka pàk wekkupùppù apyakù'nokon wepùikattàntok Katù nùtùlùppù kùponalok kon pe nai'nàk pàk, tùse emenuka uya làkku sàlà eumeluntàta kon pa ewepanta'ma kon pàk ewechi kon pa ailon tetok ipàk pàkànsau tewin itekkwa neken molopai tamù'nawolon pe Katù uya tùponalok kon lepatok ike.