Hebrews 13:3 - Patamuna New Testament Revised

³ Patikichi tawon kon mùttutàik tok tonpa pe patikichi tau ewechi kon kasa tiuchittuik. Molopai mùkyamlo tùtalumattàsan, tok pokonpe ewettalumattà kon kasa.

Hebrews 13:3 ပူးပေါင်းရင်းမြစ်များ

Matthew 25:36

Ipon pùla wechippù molopai upontàppù auya'nokon. Eneppe wechippù molopai umainanpappù auya'nokon. Patikichi tau wechippù molopai ukakklanpappù auya'nokon,’ te màlà Kin uya.

Matthew 25:43

Kaklan pe wechippù tùse uyanùmùppù auya'nokon apatassek kon yak pen. Ipon pùla wechi tùse upontàppù auya'nokon pen. E'neppe wechippù molopai patikichi tau wechippù tùse umainanpappù auya'nokon pen,’ te Kin uya màlà.

Yeunossak kon Wotokoyi 24:23

Soicha yamùk yepulu, Paul yesappe tùwessen kupùppù ya, yentoppe ya, tùse tùyiwalà Paul wettoppe ikupùppù ya molopai itonpa yamùk uya iche kulu iwettok yepotoppe.

Yeunossak kon Wotokoyi 27:3

Tùulon nà wei yattai ina welepamùppù Sidon pona. Julius wechippù màlà wakù pe Paul pàk molopai tùtonpa yamùk yense iitàtoppe ikupùppù ya, yà'làlà iche tùwettok ke tùlepa toppe.

Romans 12:15

Matauchinpatàik tùutauchinpasan pokonpe, mesewankono'matàik tùusewankono'masan pokonpe.

1 Corinthians 12:26

Tewin ipùkkù wechi e'neppe yau, tamù'nawàlà tùulon kon itonpa yamùk wechi màlà e'neppe ipokonpe, tewinan yapulàsak yau, tamù'nawàlà itonpa yamùk màlà tùutauchinpassan ipokonpe.

Ephesians 4:1

Eyekamappoyatàu uchi Iulà, Iulà yachichak nai'nùk masapùla Itepulu Jesus ponaloppe we'wotokoma pàk. Àkà'ma kon tùuya yau Katù nùkupùppù yawàlà we'nàtoppe, pàkàlà ayakkwalù kon yemakkwatàk kon.

Colossians 4:18

Uyemyatù ke sàlà tùmenukayaik: Iulà Paul,“Wakù pe na' messatàu?” nùkayan. Patikichi tau uchi tàwà wechi mùttutàik. Wakù pe we'nàtok Katù winàpaino apyau'nokon nechii.

Hebrews 10:34

Patikichi tawon kon pàk eusentupappù kon molopai itesak pe ewettok kon mokkasak ewinàpai'nokon yau, ipàlikappù auya'nokon tùutauchinpaik. Masapùla tàwàlàlà tùuko'mansen wakù ton lùiwa yesappe ewechi kon ittu auya'nokon pàk.

Hebrews 11:37

Tok wànàppù màlà tàk ke, tok sala'mopàtùppù màlà asa'là, kasupala walai ke tok wànàppù. Tok usalàppù màlà kamo pippà yak tùwepontàse, kalinilu pippà wapùla kaapala pippà yau. Yà'là pùla tok wechippù, italumattàsak pe molopai imottùnpasak pe.

1 Peter 3:8

Màlàyau sàlà yekama uya àpàkù'nokon: tamù'nawàlà tewin usenumenkantok yesappe mettàik molopai ekkaichalà usentupantok tùulon kon pàk; ànù'là kappon i'nùnmatàk kon àtonpa kon kulu pùnùnma auya'nokon kàsa, molopai tùusentuppasen pe ettàk kon molopai àsà'mùla, àsà pe pùla ànù'là kappon pokonpe.