Hebrews 13:1 - Patamuna New Testament Revised

¹ Euchi'nùnmakon pàk lùppùichi ettàk kon echitonpa ton pe.

Hebrews 13:1 ပူးပေါင်းရင်းမြစ်များ

John 15:17

Sàlà yamùk màlà enupantok uya, ‘Tùuchi'nùnmaik mettàik,’ tawon,” teppù Jesus uya.

Yeunossak kon Wotokoyi 2:1

Uta'lettàntok Weyu welepansak yau, tamù'nawolon kon ailon tawonnan wepilipùppù tamùkke tewin ipatassek.

Yeunossak kon Wotokoyi 4:32

Ailon tawonnan wechippù tewin ichenumenkatok molopai tewin itewan. Ànù'là uya temamin pàk uponalok sàlà teppù pen, tùse tok uya tamù'nawolon tùpyawon'nokon yekamùppù tùklottau'nokon.

Galatians 5:13

Amyamlo utonpa yamùk kà'mappù màlà apyoto pe pùla we'nàtok yak. Tùse sàlà apyoto pe pùla ewettok kon kùsapulàtàu àli ànkuppai ewettok yak ayanài'nokon pe. Tùse làkku tùwepùikattàse ettàk kon uchi'nùnmantok yau.

Galatians 5:22

Tùse wakù ton Akkwalù winàpai tùuyàssan màlà pùnùnmantok, utauchinpantok, echitonpa pe we'nàtok, pàlikantok, usentupantok, wakù pe we'nàtok, ailon pe we'nàtok,

Galatians 5:6

Masapùla Christ Jesus ponaloppe we'nà yau, Jew yamùk yattàtok yeselu yawàlà yattàsapspe we'nà wapùla yattàsappe pùla we'nà uya tùpatalà'ne ku'nàsak pen màlà. Tùse ailon tetok màlà tùttusen kulu tùusenpoikasen uchi'nùnmantok yai.

Ephesians 4:3

Ànùttu kon ikuttàk kon tewin ewettok kon Wakù Akkwalù nùtùlù kupù kon pa echitonpa pe we'nàtok ayachinài'nokon tamùkke winà.

Ephesians 5:2

uchi'nùnmantok ewemattok yau nechii, Christ uya kù'nùnmappù kon molopai iwettùlùppù kùponalok kon pe kasa, wakù pe tùkà'nùnsen tùtùsen Katù yauchinpanài pe kasa.

2 Thessalonians 1:3

Tenki te kulu sàlà ina uya Katù pàk àpàkànsau'nokon tàwàlà, utonpa yamùk! Sàlà wechi màlà ikasa, masapùla ailon tetok auya'nokon Christ pàk yawàlà ewettok kon nenayan meluntà pe, molopai eke pe, molopai euchi'nùnmatok kon nenayan tense eke peiwa.

Hebrews 10:24

Molopai uchi ittutàk kon iwalàwannà yà'là kasa là meluntàtantok kon pe, uchi'nùmantok molopai wakù kuttok winàkàik.

1 Peter 1:22

Masapùlaichi esuken ewenasak kon màlà ailon yawàlà ewechi kon winà, ailon uchi'nùnmantok yesappe ewechi kon tùulon kon ailon tawonan pàk pàk, echi'nùnmatàk kon eke pe tamù'nawàlà eyewan kon ke.

1 Peter 2:17

Tamù'nawolon kon kappon yamùk inamatàk kon, ànù'là kappon ailon tawonnan i'nùnmatàk kon, nalik pe ettàk Katù pàk, molopai eke kulu itepulu inamatàk kon.

1 Peter 3:8

Màlàyau sàlà yekama uya àpàkù'nokon: tamù'nawàlà tewin usenumenkantok yesappe mettàik molopai ekkaichalà usentupantok tùulon kon pàk; ànù'là kappon i'nùnmatàk kon àtonpa kon kulu pùnùnma auya'nokon kàsa, molopai tùusentuppasen pe ettàk kon molopai àsà'mùla, àsà pe pùla ànù'là kappon pokonpe.

1 Peter 4:8

Wapiya kulu kappon yamùk tù'nùnmaik ettàk kon eke pe kulu, masapùla uchi'nùnmantok màlà tukkan àli waputtànài.

2 Peter 1:7

wakù pe esuken Katù kasa ewettok kon pona tonpa pàk usentupantok molopai tonpa pàk usentupan pona pùnùnmantok.

1 John 3:23

Sàlàichi màlà Katù uya suwa ekkà tetok: ailon tetoppe Tùmu Jesus Christ yesek pàk, molopai uchi'nùnmantoppe, Christ uya suwa ekkà tetok kasa.

1 John 4:20

Ànù'là uya, “Katù tù'nùnmayaik,” te, tùse tùtonpa yeya'nomanài, mùkkàlà wechi màlà, kasei pe. Masapùla Katù tùneneppù pen pùnùnmatok ya pùla iwechi màlà tùtonpa tùnene pùnùnmai'ma pùla.

Revelation 2:4

Tùse sàlàichi màlà wakù pe pùla ewechi pàk usenumenkatok ewinàkàik, wapiya u'nùnmappù auya kasa u'nùnma auya pùla man.