Hebrews 12:3 - Patamuna New Testament Revised

³ Masa esenumenkatàk kon ipàk, yà'là kasa là tewanma'làtok imakuyippù ton kappon yamùk uya pàlikappù ya! Màlàpàk uchi attu'mùla kenatàu molopai ke'nonkatàu.

Hebrews 12:3 ပူးပေါင်းရင်းမြစ်များ

Matthew 11:19

Kàyik Mumu uyàpùppù, molopai iita'lettàppù molopai tinchisen inchippù ya, màlàyau tamù'nawolon kon uya, ‘Eke pe tùuta'lettàsen mùkkàlà molopai tùwetùnsen, pùlayatta pili'nàinan molopai àli ku'nàinan wechi yakon,’ teppù. Pukkeppe we'nàtok màlà tùusensen ailon pe inkupù winà,” teppù Jesus uya.

Matthew 12:24

Sàlà yetasak tùuya'nokon yau Pharisee yamùk uya yeikuppù, “Àli akkwalù yamùk yenpakkanài mùkkàlà masapùla tok yepulu Beelzebul uya màlà kuttoppe tùuya meluntà ke tùlepa pàk neken,” tukaik.

Matthew 15:2

“Ya'là pe ken iwechi pàk màlà aya'lon kon wechi kùtamo kon yamùk nùtùlùppù kùyemyakù'nokon enupantok maimu yawàlà pùla? Temyatù kon kukannan pen neichi mùkyamlo ko tùuta'lettà kon wapiya lù!” tukaik.

Matthew 21:23

Jesus wennappoppù màlà Katù yùwùk tak. Molopai kappon yamùk yenupa ya tùse, eke ton paatele yamùk yepulu molopai Jew yamùk yesak ton uyàpùppù Jesus piyak molopai tok uya yekamappoppù, “Yà'là yekkwa ken apàikkek yesak àmàlà sàlà yamùk kupù pa? Ànùk ken elepatai sàlà apàikkek ke?” tukaik.

Matthew 21:46

Màlàpàk tok wechippù Jesus yachiiche. Tùse tok usenalippù tukkan kon kappon yamùk, Jesus wechi Katù Maimu yenpoikanài pe ittunnan pàk.

Matthew 22:15

Pharisee yamùk utàppù màlà miya molopai tok wekkupùppù Jesus ittu pàk iichelupa winà.

Luke 14:1

Jew yamùk wàlàkkattok yattai Jesus utàppù màlà ata'lettàse eke ton tonpa Pharisee yùwùk tak. Molopai kappon yamùk wechippù itenupàkà kulu.

Luke 15:2

Pharisee yamùk molopai Law pàk enupannan tawonnan wessa'molùkappù màlà tùusàulàma kon pàk, “Pùsàlà mùkkàlà kàyik àli ku'nài nan yanùnnài molopai tùuta'lettàsen tok pokonpe!” tukaik.

Luke 16:14

Pharisee yamùk uya sàlà yamùk yetappù màlà, molopai tok wàkklàppù Jesus pàk italumattà pe, masapùla tùwakùli kon pe pùlayatta ku'nài nan pe tùwechi kon pàk.

Luke 2:34

Simeon uya tok pùlemappù, molopai ichan, Mary pàk. “Pùsàlà mule yanùnsak Katù uya màlà, tukkan kon Israel pon kon wettalumattà toppe, tùulon kon wepùikattà toppe, molopai yentok ipàkàlà pe iwinàkàik usàulàman toppe.

Luke 5:21

Law pàk enupannan molopai Pharisee yamùk tawonnan wepyattàppù tùuselupa kon pàk tùyiwalà'nokon. “Ànùk ken pùsàlà kàyik Katù winàkàik nùselupayai'nùk sàlà kasa? Ànù'là tùusentupasen pùn àli kuttok pàk, tùse Katù neken!” tukaik.

John 10:20

Tukkan kon uya, “Àli akkwalù yesappe iwechi màlà molopai iitayaupa màlà! Yà'là pe iwechi pàk yeta auya'nokon màlà?” teppù.

John 18:22

Jesus uya wa tesak yau, tewinan nà ennàinan tonpa uya Jesus mùta'moppù, “Màlà kasa ken na' uchi Eke kulu paatele yamùk yepulu maimu yeiku auya màlà?” tei'ma.

John 5:16

Màlà wenai Jew yamùk yepulu yamùk wessa'molùkappù Jesus talumattà pàk, masapùla màlà kussak ya Jew yamùk Wàlàkkattok yattai pàk.

John 7:12

Tukkan kon kùlottau ipàk tùuselupasan wechippù, “Wakù nen mùkkàlà,” tukaik. Tùse tùulon kon uya, “Kane, kappon yamùk yennakanài mùkkàlà,” teppù.

John 8:13

Màlàpàk Pharisee yamùk uya ipàk, “Eyiwalà, àponalok pe neken euselupa màlà, tùse euselupatok màlà ailon pen,” teppù.

John 8:52

Tok uya ipàk, “Ina nen uchi nùttuyan Makui wechi ayau pe. Abraham welikùppù molopai Katù Maimu yenpoikannan nàlà, tùse ‘Ànù'là umaimu yawàlà tùwessen welikù pen,’ te auya.

John 8:59

Màlàpàk tàk yanùmùppù tok uya ipona yenu'matoppe tùuya'nokon. Tùse Jesus uso'namùppù, molopai iwepakkappù Katù yùwùk tapai.

John 9:40

Molopai tùulon kon Pharisee yamùk ipyau tùwessan uya wate ya yetappù, màlàyau tok uya, “ ‘Yà'là? Ina wechi nàlà na'nai'nùk enpùla?’ ” teppù ipàk.

1 Corinthians 15:58

Màlàpàk uchi, u'nùn ton utonpa yamùk, meluntà pe ettàk kon, katamatàu. Tamù'nawàlà tàwàlàlà Itepulu wotokoyi yak ettùtàk kon. Masapùla Itepulu yau àwotokoyi kon wechi iwoton pe pùla là pen màlà.

2 Corinthians 4:1

Katù uya, tùusentuppatok yau ina lepasak man sàlà wotoko ke. Màlàpàk ina we'nonka pen.

2 Corinthians 4:16

Màlàpàk ina we'nonka pen màlà. Polopo lànen ina ukàta tùse, tau'nokon ina wena màlà emennappe wei kaichalà.

Galatians 6:9

Màlàpàk wakù kupù pàk usetakkan' nokon kùsettak, masapùla iwalai iweyu yattai ipànsak lùppù mokka màlà usemya'nùnpansak pùla iwechi yau.

2 Thessalonians 3:13

Tùse amyamlo, ina tonpa yamùk, wakù kupù pàk kesetakkatàu.

Hebrews 12:2

Jesus yenpai'nokon man. Mùkkàlà ailon tetok kùuya'nokon piyattànàippù molopai ikasa kulu iku'nài mùkkàlà. Masapùla mùkkàlà uya tùutauchinpatok yepolo tùuya ite'mappùtak ittu tùuya pàk, tùwelittok pàlikappù pulusuk pàk, wekuli'mantok pàk iichenumenka pùla. Molopai sàlà pe nen uchi chichiupe man Katù laitanù winà yapon piyau.

Hebrews 12:5

Molopai emeluntàpatok kon Katù uya tùmu yamùk pe eyesattok kon puttàka'nùssak auya'nokon man, “Umu itepulu uya atalumattàtok yannùnkà molopai attu'mùla kenai àyàulàma ya yau.

Hebrews 3:1

Màlàpàk utonpa yamùk, amyamlo esuken ikonekasak kon molopai ikà'masak kon Katù winà. Jesus yentàk kon, mùkkàlà yeunossak lùppù molopai eke kulu paatele, mùkkàlà ina nekamayai'nùk.

1 Peter 2:23

Tùmottùnpa yau, mottùnpan pe yeikuppù ya pen, tùwettalumattà yau, “Atalumattà kon uya,” te ya pùn, tùse enpen tùwettok tùlùppù ya Katù ikasa Ittunài winàkàik.

Revelation 2:3

Pàlikanài àmàlà. Ewettalumattàppù man uyesek pàkànsau, molopai ewe'nonkasak pùla man.