Hebrews 11:8 - Patamuna New Testament Revised

⁸ Ailon tetok winà Abraham wechippù màlà Katù Maimu yawàlà tùkà'masak ya yau, molopai iitàppù tùpata woton pe itùlù tùuya teppù Katù uya tùpàk yak. Tùpata nàmàppù ya i'nailà tùutà ittui'ma pùla.

Hebrews 11:8 ပူးပေါင်းရင်းမြစ်များ

Matthew 2:21

Màlàpàk Joseph we'wuluukappù, mule molopai ichan tawonnan yalàppù ya molopai tok wennappoppù Israel pona.

Romans 1:5

Mùkkàlà yai màlà Katù uya ukupùppù tùneunoko pe, Christ yesek pàkànsau, kappon yamùk tamù'nawolon pata yamùk yawolon kon Jew yamùk pen nà nen yatoppe uya ailon tetoppe tok uya, molopai Katù Maimu yawàlà tok wettoppe.

Romans 10:16

Tùse tamù'nawolon kon uya Wakù Itekale yanùnsak pùla iwechi màlà. Isaiah uya suwa teppù, “Uyepulu Katù, ànùk uya ken ailon tesak nai ina yekale pàk?” {Isa 53.1}

Romans 6:17

Tùse tenki tepai'nokon Katù pàk, masapùla pena àli yapyoto pe ewechippù kon màlà, tùse sàlà pe ailon, yeposak lùppù enupantok, enepoloppù kon yau, maimu yawàlà ewechi kon tamù'nawàlà eyewan kon ke.

2 Corinthians 10:5

Usàulàmantok kon molopai tamù'nawolon uselupantok Katù ittutok wakà'nài mattanù'nài nan ina. Tamù'nawàlà usenumenkantok yachinài nan ina, Christ maimu yawàlà iwettoppe.

Hebrews 11:33

Ailon tetok yai tok uya eke ton pata yamùk panta'mappù molopai yentaikappù tok uya. Ikasa nai'nùk kupùppù tok uya molopai ikupù tùuya teppù Katù uya yepoloppù tok uya. Palauya yamùk mùta yamùk yakkoloppù tok uya.

Hebrews 5:9

Ikasa kulu Jesus wekonekasak pàk, mùkyamlo tùmaimu yawolon kon nà pùikattà ya màlà tàwàlàlà.

1 Peter 1:22

Masapùlaichi esuken ewenasak kon màlà ailon yawàlà ewechi kon winà, ailon uchi'nùnmantok yesappe ewechi kon tùulon kon ailon tawonan pàk pàk, echi'nùnmatàk kon eke pe tamù'nawàlà eyewan kon ke.

1 Peter 3:1

Màlà kasa làma ichi amyamlo ulichamichi, tùtayappù kenan kon atayappù kon yentai kettàu, ailon te tok uya pùla iwechi Katù Maimu pàk yau, ailon tetoppe tok uya wakù eyeselu kon pàkàlà, euselupa pàkàlà kulu pùla,

1 Peter 4:17

Masapùla Ittuntok yattai weyu uyàssak man, ittuntok wepyattàtoppe; molopai Katù ponalok kon mùkyamlo wapiya ittu woton kon. Kùpàkù'nokon iwepyattà yau, atta ken iwenukapù mùkyamlo Wakù Itekale Katù winàpaino pàk ailon tawonnan pen pàk?