Hebrews 11:7 - Patamuna New Testament Revised

⁷ Ailon tetok winà iichene pùla tùse ewanawolok yau tùwekkuppù woton pàk tekamapposak yau Noah wechippù imaimu yawàlà. Kanau yamùppù ya molopai imàlà, itùwùk tawon kon tawonnan wepùikattàppù. Ailon tetok tùya winà wolù yawon kon wechi ikasa pùla yenpoikappù ya. Molopai Katù winàpai ikasa we'nàtok tùuyàssen yepoloppù ya.

Hebrews 11:7 ပူးပေါင်းရင်းမြစ်များ

Matthew 2:12

Katù uya tok yelupappù we'neppà'nàtok yau, “Herod piyak kennappotàu,” tukaik. Màlàpàk tok wennappoppù tùulon asanta tawà.

Matthew 24:15

“ ‘Àli kulu Katù yewanma pe nai'nùk mattantok ku'nài wà'mùssakkasak wakù pata yau’ yene auya'nokon yau, màlà, Daniel Katù Maimu yenpoikanài uselupappù ipàk lùppù, ànù'là kaleta yennài, tàwà nùttui,

Matthew 24:25

Yetatàk kon! Sàlà tekamapàsaik iweyu wapiya.

Matthew 24:38

Tuna'ma wapiya, kappon yamùk uta'lettàpàtùppù molopai tùwuku kon inchippù tok uya. Kàyik yamùk molopai nossan yamùk wemali'mapàtùppù, Noah wenuku kanau yak weyu tepose.

Matthew 3:7

Tùse tukke Pharisee yamùk molopai Sadducee yamùk uyàpù tùpyak tenpataukatok kon pe yensak tùuya yau, John uya tok pàk “Àkài yamùk, ànùk ken uchi epetàk kon Katù we'naikatok nùyàssai'nùk winàpai nùkai àpàkù'nokon,” teppù ya.

Luke 17:26

Noah yattai iwechippù kasa làma iwechi màlà, Kàyik Mumu weyu yattai.

Romans 1:17

Masapùla Wakù Itekale màlà Katù uya kappon yamùk yanùmù ikasa tùpokon pe yekamanài. Ailon tetok yawolon neken màlà, iwepyattàtok motapai iwenukapù ponalà. Katù Maimu uya, “Mùkkàlà iwekonekasak lùppù ikasa Katù pokonpe ailon tetok yai wemapù màlà,” te kasa. {Hab 2.4}

Romans 10:6

Tùse sàlà uchi màlà wa teppù lùppù ikasa anùnnàtok Katù pokonpe ailon tetok yai pàk. Eyewan kon yau uchi, ànùk utà epùn pona kùkatàu Christ nesse non pona, te ya.

Romans 3:22

Sàlà ikasa we'nàtok màlà Katù winàpai tùuyàssen Jesus Christ pàk ailon tetok yai tamù'nawolon kon ailon tawonnan piyak, masapùla tùpatalà we'nàtok pùla kulu iwechi màlà.

Romans 4:11

Màlà ye'mappùtak yattàppù màlà, molopai sàlà kupùppù màlà yentok ipàkàlà pe. Masapùla ailontetok Abraham uya pàk Katù uya yanùmùppù ikasa tùwessen pe yattà wapiya yekamanài. Màlàpàk Abraham mùkkàlà tamù'nawolon kon ailon tawonnan Katù pàk kàipùnù, tok yattàsak Jew yamùk yeselu yawàlà pùla lànen tùse. Mùkyamlo yanùnsak kon kàipùnù pe.

Romans 4:13

Katù uya Abraham molopai ipayan yamùk pàk wolù wechi màlà tok ponaloppe teppù màlà. Sàlà wekkupù màlà, Law yawàlà Abraham wechi pàk pùla, tùse ailon tesak ya pàk, màlà winà Katù uya nen uchi yanùmùppù ikasa tùwessen pe.

Romans 9:30

Yà'là te'nokon ken uchi? Jew yamùk pen ikasa tùwettùlùiche tùwessan Katù pokonpe pen, yanùmùppù màlà ikasa Katù pokonpe. Sàlà wekkussak wechippù màlà ailon tesak tok uya pàk.

Galatians 5:5

Tùse ailon tetok yai kulu imàmuku sàlà, ikasa we'nàtok Akkwalù winà enpen ipàk we'nà nai'nùk.

Philippians 3:9

Molopai iponaloppe wechi ittu uya. Law winà wakù pe ikasa wettok pàkànsau Katù uya uyanùmùppù pen màlà. Sàlà pe nen uchi wakù pe we'nàtok, ikasa, Katù winàpai teposen ailon tetok Christ pàk yai yesappe wessaik.

Hebrews 11:1

Ailon tetok màlà enpen we'nàtok kùnepolo kon pàk, ittutok kùuya'nokon ke lepanai yene pùla lànen tùse.

Hebrews 12:25

Elannek pe ettàk kon, mùkkàlà nùselupayai'nùk nulunpa auya'nokon tukaik. Mùkyamlo telupatok kon yetannan nùssan pen wepe pùla iwessak non po tùse, yà'là kasa ken kùmàlà wechi màlà ma'le pe mùttuyatau, mùkkàlà kùyelupanài'nokon epùn winàpaino winàpai welattànsak nokon yau?

Hebrews 5:7

Tùwemapù non po yau Jesus wàpùlemappù màlà molopai Katù pawanattàppù ya eke pe tùkalanse molopai tenupalu tùkkwanse, tùpùikattà toppe ya weli'nàtok winàpai. Katù uya imaimu yetappù màlà masapùla tùmaimu yawàlà iwettùssak tamù'nawàlà pàk.

Hebrews 8:5

Màlà tok we'wotokomatok itau, Katù yùwùk yesappe, wechi màlà epùn yau nai'nùk patakatok pe wapùla yakkwalùppù pe neken, wa iwechi pàk Moses yekamappoppù màlà iwekoneka tappulin kali'maya tùse, “Tamù'nawolon uchi mùkonekaik wùk po yenpoikasak lùppù àpàk kasa,” tukaik.

1 Peter 3:20

Pùsamloichi wechippù màlà akkwalùppà yamùk lùssan pe Katù Maimu yawàlà iwessak kon pen pe, tùusetakkaik pùla inmàmukussan Noah uya kanau koneka weyu yamùk yattai yau pe. Tukkan kon pen kappon yamùk wechippù kanau yau, 8 pan kon neken. Mùkyamlo wepùikattàppù màlà tuna winà.

2 Peter 1:1

Sàlà màlà kaleta Simon Peter, Jesus Christ yapyoto molopai ineunokoppù winàpaino, mùkyamlo wakù pe kùkatùyi wettok molopai pùikattànài Jesus Christ yai. Ilepasak kon ailon tetok wakù kulu, ina uya ailon tetok walai ke piyak inmenukappù.

2 Peter 2:5

Katù uya wapiyalok kon wolù yawon kon yempàtù pùn tok talumattàppù ya molopai tuna'ma nepùppù ya àli ton kappon yamùk pata pona; Noah pùikattàppù ya màlà, ikasa we'nàtok yekamanài, molopai 7 pan kon kappon yamùk.

2 Peter 3:6

molopai tuna winà nàlà, tuna'ma ke, penalok non molopai non pon kon kappon yamùk umattappù.