Hebrews 11:6 - Patamuna New Testament Revised

⁶ Ànù'là uya Katù yauchinpa ailon tetok pùla echii'ma pùla iwechi màlà. Masapùla ànù'là Katù piyak tùuyàssen wechi màlà ailon tawon pe molo iwechi pàk, molopai mùkyamlo tùwannnan ye'manài pe iwechi pàk.

Hebrews 11:6 ပူးပေါင်းရင်းမြစ်များ

Matthew 11:26

Ewaik, Ukàipùnù, sàlà kasa ayauchinpanài pe iwekkupù iche ewechippù lùppù sàlà.

Matthew 5:12

Molùk ettàk, atauchinpatàk kon kulu, masapùla eke epeppù kupù man àponalok kon pe epùn po. Sàlà kasa màlà kappon yamùk uya Katù Maimu yenpoikannan talumattàppù awapiya'nokon tùwemassan,” teppù ya.

Matthew 6:16

“Molopai tùuta'lettàik pùla ewechi kon yau, ichewankono'masappe itenpata kettàu, tùusennakasan kasa. Tùutàsan mùkyamlo iwan pe tùusense, tamù'nawolon kon uya kulu tùuta'lettàik pùla tùwechi kon yentoppe. Ailon kulu sàlà, tok uya màlà tamù'nawàlà tepeppù kon yeposak.

Matthew 6:33

“Tùse làkku, wapiya itepulu pe iwettok yemyak ettùtàk kon, molopai tamù'nawàlà iche iwettok kasa molopai tamù'nawolon sàlà yamùk tùlù ya màlà eyemyak kù'nokon.

Matthew 6:5

“Àwàpùlema kon yau, kappon yamùk uya eyene kon iche kettàu, tùusennakasan kasa! Àpùlemapai nokon mùkyamlo satippe Jew yamùk wepilittok itak tau, molopai asanta yena po. Sàlà ku'nàinan mùkyamlo tamù'nawolon kon uya tentok kon pe. Ailon kulu sàlà, tok uya màlà tamù'nawàlà tepeppù kon yepokasak.

Mark 16:17

Molopai ailon tawonnan lepasak wechi màlà yentok ipàkàlà kuttok ya yapàiketù ke. Uyesek yau àli akkwalù yenpakka tok uya màlà. Molopai tok uselupa màlà tùpatalo'nan mayin yau.

Luke 12:31

Tùse làkku Katù wettok iche ikuttàk kon wapiya molopai sàlà yamùk iche ewettok kon ke elepa kon ya màlà.”

Luke 6:35

Tùse làkku eyeyaton kon i'nùnmatàk kon, wakù ikuttàk kon tok winàkàik. Itesak pe ewettok kon itùtàk kon yapulà toppe molopai innappo pàk enpen kettàu. Eke pe iche ewettok kon yepolo auya'nokon màlà, molopai Eke Meluntà tùnamasen Katù ponalok kon pe ewechi kon màlà. Masapùla wakù mùkkàlà tenki tawonnan pen pàk molopai àli ton pàk.

John 14:6

Jesus uya, “Iulà mùkkàlà asanta, ailon molopai wema'nàtok. ànù'là uyàpù Ukàipùnù piyak pen màlà, tùse uwinà neken.

John 8:24

Ewelikù kon màlà amakuyi kon yau teuya nettainùk. ‘Mùkkàlà Iulà’ teuya pàk ailon te auya'nokon pùla ewechi kon yau, ewelikù kon màlà amakuyi kon yau,” tukaik.

Romans 10:14

Tùse atta ken tok uya itesek yesatù ailon tesak tùuya'nokon ipàk pùla echii'ma? Molopai atta ken ailon te tok uya ipàk, itekale yetasak tùuyanokon pùla echii'mai? Molopai atta ken tok uya yeta, itekale yekama ànù'là uya pùla là tùse?

Galatians 5:6

Masapùla Christ Jesus ponaloppe we'nà yau, Jew yamùk yattàtok yeselu yawàlà yattàsapspe we'nà wapùla yattàsappe pùla we'nà uya tùpatalà'ne ku'nàsak pen màlà. Tùse ailon tetok màlà tùttusen kulu tùusenpoikasen uchi'nùnmantok yai.

Hebrews 11:26

Iichenumenkappù màlà mottùnpantok pàlikatok Christ ponaloppe wechi tamù'nawolon Egypt pon mamin yentai kulu wakù pe pàk, masapùla ewanawolok e'mantok tùnepolo pàk tenu tùsak ya wechippù.

Hebrews 3:12

Utonpa yamùk, masa yentàk kon, àli pe eusenumenkatok kon wapùla ailon te pùla we'nàtok ànù'là lattàtak, tùwemassen Katù winàpai.

Hebrews 4:2

Wakù Itekale yetappù'nokon nàlà man, tok uya yetappù kasa làma. Itekale yetappù tok uya tùse yà'là pe pùla tok pona iwechippù màlà. Masapùla mùkyamlo yetannan nùssan uya ailon tesak pùla iwechi pàk.

Hebrews 4:6

Walùppù iwechi màlà, màlà wàlàkka'nàtok yak tùulon kon utàtoppe, masapùla mùkyamlo wapiya Wakù Itekale yetannan nùssan wechippù màlà imaimu yawàlà pùla, màlàpàk tok utàppù wàlàkkanàtok yak pen.

Hebrews 7:19

Masapùla Law uya yà'làlà konekasak ikasa kulu pùla iwechi màlà. Molopai sàlà pe wakùiwa enpen we'nàtok ke kùlepasakù'nokon man, màlà yai nen uchi tùuyàssan kùmyamlo mei pùla Katù piyak.

Hebrews 7:25

Màlàpàk mùkyamlo Katù piyak tùuyàssan tùwinà pùikattànài kulu mùkkàlà tamù'nawàlà. Masapùla tàwàlàlà tùwemassen mùkkàlà Katù pawanattàtoppe tùuya tok pàkànsau.

2 Peter 1:10

Màlàpàk uchi, utonpa yamùk, ànùttu kon ikuttàk kon Katù uya kà'mantok molopai ayanùntok kon ya ittu kon pa, masapùla sàlà kupù auya'nokon yau meluntà pe ewechi kon màlà ewekkawai'ma kon pen.

2 Peter 1:5

Sàlà kasaichi iwechi pàk, ànùttu kon mùkuttàik kulu ailon tetok auya'nokon tonpattà kon pa wakù pe we'nàtok ke; molopai wakù pe ewettok kon pona ittunài pe we'nàtok;

2 Peter 3:14

Màlàpàk uchi, utonpa yamùk, màlà wei màmukui'ma'nokon, ànùttu kon ikuttàk kon esuken molopai àli pe pùla ewechi kon pa Katù yenu yau, molopai echitonpa pe ewechi kon pa ipokonpe.

Revelation 21:8

Tùse tùusenalippasan molopai ailon tawonnan pen, mùkkyamlo àli pe tùwessan, wànnan, tesak ke àli ku'nàinan, mùkyamlo piyassan yeselu ku'nàinan molopai ikonekasak katù yapulànnan, molopai tamù'nawàlà kasei ton uya tùnepolo kon yepolo màlà eke kulu apok tùuyassen patassek molopai kulupala kasa tùkà'nùnsen yau, màlà yakon itekkwa pe weli'nàtok,” teppù ya nàlà.