Hebrews 11:4 - Patamuna New Testament Revised

⁴ Ailon tetok winà màlà Abel uya tùtùsen tùlùppù Katù yemyak wakù peiwa Cain nùtùlù yentai. Katù yauchinpappù ya màlà molopai intùlù lepantok ya ike uya, ikasa iwechi pe ittuppù Katù uya. Ailon tetok ya winà Abel uselupa lùppù màlà tùwelichak lànen tùse.

Hebrews 11:4 ပူးပေါင်းရင်းမြစ်များ

Matthew 23:35

Màlàpàk tamù'nawolon kon wakù ton kappon yamùk wànnannùssan talumattàtok uyàpù màlà àpona'nokon, Abel wànàppù motapai Zechariah, Berechiah mumu wànàppù motak. Ànwànàppù kon Katù yùwùk molopai itùsak lùppù pottàtok patassek yakkletau.

Luke 11:51

Abel wànàppù motapai Zachariah wànàppù motak, iwàsak lùppù wàpùlemantok patassek molopai wakù kulu, esukenan patassek tawon yakkletau. Ewaik, tekamayaik àpàkù'nokon kappon yamùk sàlà yattaino kon talumattà màlà, tamù'nawolon kon mùkyamlo wenai.

Titus 1:16

Tok uya, “Katù ittunài Iulà,” te màlà; tùse tok welaikatok uya yenpoika pùla iwechi màlà. Akùlù ton mùkyamlo, molopai mayin yawolon kon pen, wakù ku'nàinan pe tok wechi pùla iwechi.

Hebrews 11:2

Ailon tetok winà màlà penalok kon kappon yamùk pàk wakù pe Katù uselupappù.

Hebrews 12:1

Tukkan kon pùsamlo ennài nan kùwoi'nokon man. Màlàpàk tamù'nawolon kùwakkà'nài'nokon yenu'mapai'nokon. Màlà makui kùyachiyatài'nùk nàlà, molopai aitun pe utànpai'nokon pàlikantok pokonpe wapplùnnàtok kùyemloto kon po nai'nùk yak.

Hebrews 12:24

Jesus piyak àuyàssak kon man, emennak ikupù pàk tùwekkuttok ku'nài piyak. Molopai mùn yappasa'masak, wakù peiwa nùselupayai'nùk Abel mùnù yentai piyak.

Hebrews 5:1

Eke kulu paatele mùkkàlà yanùnsak kappon yamùk kùlottapai iwe'wotokomatoppe kappon yamùk ponaloppe Katù pokonpe. Lepantok tùnai pe molopai kamo wànài pe, tùtùsen pe kappon yamùk makuyi ponaloppe.

Hebrews 9:22

Ailon pe iwechi màlà, Law yau, tamù'nawolon lùiwa lànen konekappù màlà wakù pe mùn ke yappasa'ma winà. Molopai mùn tùkkwanse pùla àli kuttok pàk usentupantok pùlà iwechippù màlà.

2 Peter 2:8

Mùkkàlà wakù kàyik, tùwemassen tok kùlottau wei kaichalà uya, sàlà yekkwa ton yeneppù molopai yetappù, màlàpàk wakù itewan utaimelunpasak wechippù tùpanama kon yetannan pen yeselu winà.

Jude 1:11

Talumattàntok wechi màlà tok po! Masapùla tok utàsak Cain utàppù yawàlà lùppù yawà pàk; tok wettùsak man iwalai pen yak pùlayatta pàkànsau, Balaam wechippù kasa; molopai tok mattanùssak man mayin yawàlà pùla we'nàtok pàkàlà Korah wechippù kasa.