Hebrews 11:16 - Patamuna New Testament Revised

¹⁶ Tùse làkku wakùiwa pata iche kulu tok wechippù sàlà non po pùla. Màlàpàk Katù wekkuli'ma pùla iwechi màlà tok Katùyi pe tesatù pàk, masapùla pata konekasak ya màlà tok ponaloppe.

Hebrews 11:16 ပူးပေါင်းရင်းမြစ်များ

Matthew 25:34

Màlàyau nen uchi Kin uya kappon yamùk tùkamikù pen winon kon pàk, ‘Àittàk kon! Ukàipùnù nùpùlemassan. Àittàk kon itepulu pe ewettok kon patassek yepotanùttàk kon, ikonekasak lùppù àponalok kon pe wolù wekonekappù motapai.

Mark 12:26

Iwelichak kon wewuluukasak yekamasak auya'nokon pàk, Moses nùmenukappù ken na uchi yene auyanokon pùla iwechi màlà apok ipokon yuk yekale? Màlà motau iwe'menukasak màlà Katù uya Moses pàk, ‘Iulà mùkkàlà Abraham Katùyi molopai Isaac Katùyi, molopai Jacob Katùyi,’ teppù.

Mark 8:38

Ànù'là upàk tùwekuli'masen molopai umaimu pàk nàlà sàlà pe nai'nannùk àliton kappon yamùk kùlottau, mùkkàlà pàk nàlà, Kàyik Mumu wekuli'ma màlà, tùkàipùnù yakkwayi yau tùuyàpù, wakù ton tùyinchelùyi yamùk pokonpe tùuyàpù yau,” teppù Jesus uya.

Luke 12:32

“Kesenalippatàu uchi umunkà yamùk lùkkwà! Masapùla Katù Akàipùnù kon utauchinpasak man elepa kon pàk itepulu pe tùwettok ke.

Luke 20:37

Molopai Moses uya yekamasak màlà iwelichak kon we'wuluuka màlà weli'nàtok yapai tukaik. Molopai, tùuyassen yuk pàk Katù Maimu uselupatok yau ichelupasak man Itepulu pàk, ‘Abraham Katùyi, Isaac Katùyi, molopai Jacob Katùyi pe iwechi pàk,’ teppù ya.

John 14:2

“Ukàipùnù yùwùk tau, tukke patassek yamùk man. Sàlà wa pùla iwessak yau yekamappù uya sàlà eppaino. Utà sàlà apatassek kon woton konekaik.

Yeunossak kon Wotokoyi 7:32

‘Atamo yamùk Katùyi Iulà, Abraham Katùyi, Isaac molopai Jacob Katùyi,’ tukaik. Moses wàplànài'nùmùppù, iwettalipasak molopai enenpai pùla iwechippù.

Philippians 3:20

Tùse kùmyamlo mùkyamlo epùn pon ipata ton. Molopai Kùpùikattànài uyàpù miyàlàpai màmuku pàk kulu we'nà'nokon man, Itepulu Jesus Christ.

2 Timothy 4:18

Molopai Itepulu uya upùikattà màlà tamù'nawolon àli ton winàpai, molopai uyalà ya wakù pe itepulu pe tùwettok yak epùn pon yak. Apulàntok ipyau nechii tàwàlàlà molopai tàwàlàlà. Emen.

Hebrews 10:34

Patikichi tawon kon pàk eusentupappù kon molopai itesak pe ewettok kon mokkasak ewinàpai'nokon yau, ipàlikappù auya'nokon tùutauchinpaik. Masapùla tàwàlàlà tùuko'mansen wakù ton lùiwa yesappe ewechi kon ittu auya'nokon pàk.

Hebrews 11:10

Masapùla pata yeneiche Abraham iwechippù màlà Katù nùttuppù molopai inkonekappù màmuku pàk, pata sa'man pata yamùtok ipo.

Hebrews 11:14

Mùkyamlo sàlà kasa tùuselupasan mùkyamlo tùpata kon iwa tùuya'nokon yekamannan.

Hebrews 11:40

Katù uya wakùiwa epeppù kussak man kùponalok kon pe. Tamùkke nen uchi tok pokonpe ikasa kulu kùmatok kon pe.

Hebrews 12:22

Tùse làkku, àuyàssak kon man Wùk Zion piyak tùwemassen Katù patassek pona, epùn yawon Jerusalem pona. Tukkan kon inchelù yamùk tùutauchinpaik tùwepilichan piyak àuyàssak kon màlà nai'nùk.

Hebrews 13:14

Masapùla tàwàlàlà tùuko'mansen pata pùla iwechi màlà sàlà non po, tùse ewanawolok yau tùuyàpù woton pata yeneiche we'nà'nokon sàlà.

Hebrews 2:11

Asakklàma, mùkkàlà esuken kappon yamùk konekanài molopai mùkyamlo inkonekassan esuken wechi màlà tewin Ikàipùnù. Màlàpàk uchi Jesus wekuli'ma pùla iwechi màlà tok yesatù tùuya pàk tùkàipùnù munkà pe.

Revelation 21:2

Molopai yeneppù uya wakù esukenan eke Pata, emennak Jerusalem uttà epùn yapai Katù piyapai, ikonekasappe ema'non wepontàsak wakù pe tùtayappù yepose tùutàtoppe kasa.