Hebrews 11:10 - Patamuna New Testament Revised

¹⁰ Masapùla pata yeneiche Abraham iwechippù màlà Katù nùttuppù molopai inkonekappù màmuku pàk, pata sa'man pata yamùtok ipo.

Hebrews 11:10 ပူးပေါင်းရင်းမြစ်များ

John 14:2

“Ukàipùnù yùwùk tau, tukke patassek yamùk man. Sàlà wa pùla iwessak yau yekamappù uya sàlà eppaino. Utà sàlà apatassek kon woton konekaik.

2 Corinthians 5:1

Masapùla ittu'nokon man sàlà tapùi itau wema'nà'nokon nai'nùk, kùyesak kon non po nai'nùk yalakkasak yau, Katù winàpaino tapùi tàwàlàlà tùwemassen epùn pon yesappe we'nà'nokon màlà, kappon yemyatù nùkonekappù pen.

Philippians 3:20

Tùse kùmyamlo mùkyamlo epùn pon ipata ton. Molopai Kùpùikattànài uyàpù miyàlàpai màmuku pàk kulu we'nà'nokon man, Itepulu Jesus Christ.

Hebrews 11:16

Tùse làkku wakùiwa pata iche kulu tok wechippù sàlà non po pùla. Màlàpàk Katù wekkuli'ma pùla iwechi màlà tok Katùyi pe tesatù pàk, masapùla pata konekasak ya màlà tok ponaloppe.

Hebrews 12:22

Tùse làkku, àuyàssak kon man Wùk Zion piyak tùwemassen Katù patassek pona, epùn yawon Jerusalem pona. Tukkan kon inchelù yamùk tùutauchinpaik tùwepilichan piyak àuyàssak kon màlà nai'nùk.

Hebrews 12:28

Màlàpàk uchi tenki tepai'nokon Katù pàk, masapùla tùutattù'masen pen Katù wettok itepulu pe yepolo'nokon pàk. Màlà yai Katù yapulàpai'nokon man iche iwettok yawàlà, namantok pokonpe molopai usenalipantok pokonpe.

Hebrews 13:14

Masapùla tàwàlàlà tùuko'mansen pata pùla iwechi màlà sàlà non po, tùse ewanawolok yau tùuyàpù woton pata yeneiche we'nà'nokon sàlà.

Hebrews 3:4

Tamù'nawolon tapùi màlà kappon namùppù tùse Katù mùkkàlà tamù'nawolon yà'làlà konekanàippù.

Revelation 21:2

Molopai yeneppù uya wakù esukenan eke Pata, emennak Jerusalem uttà epùn yapai Katù piyapai, ikonekasappe ema'non wepontàsak wakù pe tùtayappù yepose tùutàtoppe kasa.