Hebrews 11:1 - Patamuna New Testament Revised

¹ Ailon tetok màlà enpen we'nàtok kùnepolo kon pàk, ittutok kùuya'nokon ke lepanai yene pùla lànen tùse.

Hebrews 11:1 ပူးပေါင်းရင်းမြစ်များ

Yeunossak kon Wotokoyi 20:21

Asakklàma Jew yamùk molopai Jew yamùk pen panama pe kulu tok yelupappù uya, tok welattà toppe tùmakuyi kon winàpai Katù winàkàik, molopai ailon te toppe tok uya Kùyepulu kon Jesus pàk.

1 Corinthians 13:13

Molopai sàlà pe sàlà yamùk àsolùwawon molo man, ailon tetok, enpen we'nàtok, molopai uchi'nùnmantok. Tùse sàlà yamùk yentaino kulu màlà uchi'nùnmantok.

2 Corinthians 11:17

Sàlà yau utapulà pe uselupayai'nùk màlà pakko uselupatok walai, Itepulu yapàikketù kasa pùla nai'nùk.

2 Corinthians 4:18

Masapùla tensan pe nai'nannùk pàk tenu kon tùsak ina uya pen nai'nùk, tùse yene pùla nai'nannùk pàk làkku. Màlà tensan pe nai'nannùk màlà tùuko'mansan tachinpe pen, tùse tensan pe pùla nai'nannùk màlà tùuko'mansen tàwàlàlà.

2 Corinthians 5:17

Ànù'là wechi Christ ponaloppe yau emennappe iwechi màlà, tamù'nawàlà penalok utàppù màlà, emennak uyàssak màlà.

2 Corinthians 5:7

Masapùla wema'nà'nokon sàlà ailon tetok winà, yentok winà pùla.

2 Corinthians 9:4

Masapùla Macedonia pon kon uyàssak uya'là molopai iwekonekappù pùla eyeposak kon tok uya pe iwechi yau, ina wekkuli'ma kulu màlà! Masapùla enpen ina wechippù àpàkù'nokon. Ewekkuli'ma kon nàlà nen màlà.

Galatians 5:6

Masapùla Christ Jesus ponaloppe we'nà yau, Jew yamùk yattàtok yeselu yawàlà yattàsapspe we'nà wapùla yattàsappe pùla we'nà uya tùpatalà'ne ku'nàsak pen màlà. Tùse ailon tetok màlà tùttusen kulu tùusenpoikasen uchi'nùnmantok yai.

Titus 1:1

Sàlà màlà Paul, Katù yapyoto, Jesus Christ neunokoppù winàpaino. Uyanùmùppù màlà molopai uyeunokoppù Katù nanùmùssan uya ailon tetok pùikattàse, molopai tok yenupase yà'là kasa ailon pe kulu Katù ponaloppe wema'nàtok pàk,

Hebrews 10:22

Màlàpàk uchi mei pùla Katù piyak uyà'nàpai'nokon, ailon pe itewan molopai ailon tettok Katù pàk yau ittui'ma kulu, àli winàpai ikukasappe kùyewan kon, molopai kùyesak kon ikukasappe esukenan tuna ke.

Hebrews 10:39

Mùkkyamlo iwennapposak kon molopai iimattasak kon walainon pen kùmyamlo. Tùse làkku ailon tawonnan kùmyamlo molopai iwepùikattàsak kon.

Hebrews 11:13

Ailon tetok tùuya'nokon yau tamù'nawàlà pùsamlo kappon yamùk welikùppù màlà. Tok uya ikupù tùuya teppù Katù uya lùppù yepoloppù pen. Tok uya neken yeneppù meipai molopai tok utauchinpappù kulu ipàk. Tok uya kaklan yamùk pe molopai ipata pùnon pe tùwechi kon non po ittuppù nàlà màlà.

Hebrews 11:27

Ailon tetok winà Moses uya Egypt nàmàppù tùusenalippaik pùla kin we'naikatok pàk, masapùla tensen pen Katù yensak tùuya pàk sa'man pàlikappù ya.

Hebrews 11:7

Ailon tetok winà iichene pùla tùse ewanawolok yau tùwekkuppù woton pàk tekamapposak yau Noah wechippù imaimu yawàlà. Kanau yamùppù ya molopai imàlà, itùwùk tawon kon tawonnan wepùikattàppù. Ailon tetok tùya winà wolù yawon kon wechi ikasa pùla yenpoikappù ya. Molopai Katù winàpai ikasa we'nàtok tùuyàssen yepoloppù ya.

Hebrews 2:3

Yà'là kasa ken uchi wepen eke kulu wepùikattàntok yetapàtù kùuya'nokon yau? Sàlà wepùikattàntok yekamappù màlà Itepulu Jesus uya wapiya, molopai màlà yetannannùssan uya yekamasak màlà kùpàkù'nokon.

Hebrews 3:14

Masapùla uyà'nàsakù'nokon nai'nùk Christ pùkkù pe, utachinpai'nokon uchi meluntà pe wapiya ailon teppù kùuya'nokon nùppù pàk, iwenukapù tepose.

Hebrews 3:6

Tùse Christ mùkkàlà ailon, paatele, imu. Molopai kùmyamlo mùkyamlo itùwùk, meluntà pe tùusenalippaik pùla molopai enpen we'nàtok kon pàk tùutachiik we'nà'nokon yau.

Hebrews 6:12

Emya'nek pe ewena kon iche pùla ina man, tùse mùkyamlo ailon tawonnan molopai pàlikannan, Katù uya ikupù tùuya teppù lùppù yeponnan kasa làkku mettàik.

2 Peter 1:1

Sàlà màlà kaleta Simon Peter, Jesus Christ yapyoto molopai ineunokoppù winàpaino, mùkyamlo wakù pe kùkatùyi wettok molopai pùikattànài Jesus Christ yai. Ilepasak kon ailon tetok wakù kulu, ina uya ailon tetok walai ke piyak inmenukappù.