Hebrews 10:5 - Patamuna New Testament Revised

⁵ Màlàpàk, sàlà non pona tùuyàpù yau Christ uya Katù pàk, “Kamo yamùk tùwàse molopai tùpottàik eyemyak itùtok iche pùla messaik, tùse uyesak konekasak auya nai'nùk uponaloppe.

Hebrews 10:5 ပူးပေါင်းရင်းမြစ်များ

Matthew 11:3

“Ina pàk yekamakà, àmàlà ken na' mùkkàlà, wapùla ka' tùulon màmuku ina uya màlà lù?” tukaik Jesus yekamappoppù tok uya.

Luke 1:35

Inchelù uya yeikuppù, “Wakù Akkwalù, molopai Katù yapàikketù, uyàpù màlà àpona. Màlà pàk, pùsàlà wakù mule, yesatù màlà Katù Mumu, tukaik” teppù ya.

Luke 7:19

Molopai tok yeunokoppù ya Itepulu Jesus piyak yekamappose, “Àmàlà ken na' mùkkàlà iyàpù woton teppù lùppù John uya, wapùla ka' ina uya tùulon màmuku màlà lù?” tukaik.

John 1:14

Mayin wenappù màlà kappon pe, kùklottau'nokon iwemapùppù. Ailon, wakù pe iwettok yeneppù ina uya, mùkkàlà neken tewinan yapulàtok, iyàssak lùppù tùkàipùnù winàpai wakù pe tùwettok molopai ailon pokonpe.

Galatians 4:4

Tùse iwalai iweyu uyàssak yattai, Katù uya Tùmu yeunokoppù. Iwentuppù màlà nossan yai molopai law yo'no,

1 Timothy 3:16

Ewaik lù'na'mà lù tetok pùn màlà ailon tetok kùuya'nokon eke kulu. Ichenpoikappù kappon pun yau, ailon pe iwechi yenpoikappù Wakù Akkwalù uya, molopai inchelù yamùk uya yeneppù. Kappon yamùk kùlottau Jesus yekale yekamappù màlà, tukkan kon kappon yamùk, wolù yawolon kon uya ailon teppù ipàk, molopai yanùmùppù epùn pona.

Hebrews 1:6

Wapiya iwentusak lùppù Tùmu yeunoko pàk Katù wekkupù non pona yau, “Tàwà tamù'nawolon kon Katù inchelùyi yamùk nùnamai,” teppù ya.

Hebrews 10:10

Molopai Jesus Christ uya Katù wettok iche kussak pàk, esuken kùkussak kon màlà nai'nùk, tewin itekkwa tesak tùsak ya molopai itùtu'ma ya pen winà.

Hebrews 10:7

Màlàyau, ‘Talàichi wessaik, Katù, uyàssak man iche ewettok kuttoppe uya, Katù Maimu yau iwe'menukasak upàk kasa,” teppù uya.

Hebrews 10:8

Wapiya wateppù ya, “Kamo yamùk wàtok tok pottàtoppe molopai itùtok eyemyak iche pùla messaik, wapùla kamo pottàsak tamù'nawàlà ipottàtok po àli kuttok pàkànsau tùtùsen pàk autauchinpasak pùla man.” Sàlà teppù ya màlà Law yawàlà lànen sàlà yamùk wechi tamù'nawàlà tùtùsan pe tùse.

Hebrews 2:14

Kùmyamlo kappon yamùk wechi màlà tùpun ke molopai tùmùnù ke, màlàpàk Jesus wenappù nàlà màlà kùkasa'nokon. Iwelikùppù màlà Makui mattanùttoppe tùuya, mùkkàlà, weli'nàtok meluntàlù yesak.

Hebrews 5:7

Tùwemapù non po yau Jesus wàpùlemappù màlà molopai Katù pawanattàppù ya eke pe tùkalanse molopai tenupalu tùkkwanse, tùpùikattà toppe ya weli'nàtok winàpai. Katù uya imaimu yetappù màlà masapùla tùmaimu yawàlà iwettùssak tamù'nawàlà pàk.

Hebrews 8:3

Tamù'nawolon kon eketon kulu paatele yamùk pe tùwessan mùkyamlo yanùnsak kon, lepantok tùnnan pe, molopai kamo yamùk tùnnan pe Katù yemyak, màlàpàk uchi pùsàlà nàlà wechippù màlà yà'làlà yesappe tùntùlù woton.

1 Peter 2:24

Jesus Christ uya kùmakuyi kon yalàppù tùmàlà pe pulusuk pona, weli'nà tok kon pe àli kuttok pàk wema'nà tok kon pe wakù pe we'nàtok ponaloppe. Ippoppàtù winà euchipittàsak kon màlà.

2 John 1:7

Tukke ennakannan utàppù man sàlà wolù yau, pùsamlo Jesus Christ wemassak kappon pe pàk ailon tawonnan pen. Mùkkàlà yekkwa mùkkàlà ennakanài, Christ yeyaton mùkkàlà.