Hebrews 10:12 - Patamuna New Testament Revised

¹² Tùse pùsàlà, Christ, uya tewin itekkwa neken tùwenukassen pen tùtùsen tùlùpù màlà makui winàpai pùikattànài pe. Màlàyau iweleutappù Katù laitanù yak.

Hebrews 10:12 ပူးပေါင်းရင်းမြစ်များ

Mark 16:19

Itepulu Jesus uya tùnenupa ton nùssan yelupasak tùpo, yanùmùppù Ikàipùnù uya epùn pona. Màlàyau iweleutappù Katù yemyatù kamik pen winà.

Romans 8:34

Ànù'là uya ken na' uchi tok talumattà? Ànù'la pùla iwechi màlà masapùla Christ Jesus mùkkàlà iwelichak lùppù, molopai iwuluukasak lùppù weli'nàtok yapai molopai sàlà pe namantok patassek kamik pen Katù yemyatù winà man. Katù pawanattànài mùkkàlà kùponalok kon pe!

Ephesians 5:2

uchi'nùnmantok ewemattok yau nechii, Christ uya kù'nùnmappù kon molopai iwettùlùppù kùponalok kon pe kasa, wakù pe tùkà'nùnsen tùtùsen Katù yauchinpanài pe kasa.

Colossians 3:1

Àwuluukasak kon man wema'nàtok yak Jesus Christ pokonpe. Eyewan kon uchi itùtàk kon màlà yamùk epùn po nai'nannùk pàk, Christ wettok chichiupe tapon po kamik pen Katù yemyatù winon namantok patassek winà.

Hebrews 1:3

Katù Mumu mùkkàlà tùulenpansen Katù yakkwayi ke. Katù yenpoika ya tamù'nawàlà, molopai tamù'nawolon tùnkonekappù yachinài mùkkàlà apàikkek tùmaimu ke. Wakù pe, tok uya àli kuttok yapai kappon yamùk kupù tùpo, iweleutappù màlà epùn po wakù kulu patassek Eke kulu Katù laitanù winon yak.

Hebrews 10:10

Molopai Jesus Christ uya Katù wettok iche kussak pàk, esuken kùkussak kon màlà nai'nùk, tewin itekkwa tesak tùsak ya molopai itùtu'ma ya pen winà.

Hebrews 10:14

Tewinan uchi tùtùsen winà mùkyamlo kussak Christ uya man ikasa, esuken àli kuttok pùla tàwàlàlà.

Hebrews 5:1

Eke kulu paatele mùkkàlà yanùnsak kappon yamùk kùlottapai iwe'wotokomatoppe kappon yamùk ponaloppe Katù pokonpe. Lepantok tùnai pe molopai kamo wànài pe, tùtùsen pe kappon yamùk makuyi ponaloppe.

Hebrews 5:3

Sàlà wenai kamo wànài nàlà mùkkàlà tùmakuyi ponaloppe, kappon yamùk makuyi ponaloppe kamo wànà tùuya kasa.

Hebrews 7:27

Tùulon kon eketon kulu paatele yamùk walai pen mùkkàlà, iwotokoyi pen màlà kamo wànà wei kaichalà, wapiya tùmakuyi ponaloppe molopai kappon yamùk makuyi ponaloppe. Pùsàlà wettùlùppù màlà tewin itekkwa tamù'nawolon kon ponaloppe.

Hebrews 8:1

Sàlàichi màlà ina wettok yekama iche. Pùsàlà, eke kulu paatele, yesappe we'nà'nokon man. Mùkkàlà chichiu pe tùwessen kamik pen winà Katù eke pe tùwessen yapon piyau epùn po.

Hebrews 9:12

Itak iwewomùppù màlà tùmùnù winà. Kaapala mùnù molopai paka mule mùnù winà pùla. Tùse iwewomùppù màlà Wakù Kulu Patassek yak tewin itekkwa neken tamù'nawolon kon ponaloppe, tùmàlà pe là tàwàlàlà wepùikattàntok yepoloppù ya màlà kùponalok kon pe.

Hebrews 9:14

Màlà yentai Christ mùnù wechi màlà apàikkeppe! Tàwàlàlà tùwemassen Wakù Akkwalù yai iwettùlùppù màlà wakù kulu imattakù pùn tùtùsen pe Katù yemyak, kùmakuyi kon yepeppe. Imùnù uya usenumenkantok kù'nokon ma màlà wakù pe tapulàsen pen wotoko winàpai, tàwàlàlà tùwemassen Katù ponaloppe we'wotokoman toppe.