Hebrews 10:1 - Patamuna New Testament Revised

¹ Law màlà wakù ton nùyàssai'nannùk yakkwalùppù neken, tùse ikasa kulu pùla iwechi. Masapùla ikasa kulu ànù'là Katù yapulàse tùuyàssan konekanài pen màlà. Màlà yamùk iwàsak kon molopai ipottàsak kon kamo yamùk wechippù màlà, màlà lùppù pe tàwàlàlà kilichimochi kaichalà.

Hebrews 10:1 ပူးပေါင်းရင်းမြစ်များ

Romans 8:3

Law nùkupù yentaino kupùppù Katù uya masapùla Law wechi attu'mùla pàk kappon yeselu wechi attu'mùla pàk, ikupùppù ya màlà tùmu yeunoko tùuya winà, iyàssak lùppù kappon pe àli pàkànsau tùtùsen pe.Màlàpàk makui yattu'mùnkappù ya kappon pe tùwechi ke.

Colossians 2:17

Tamù'nawolon sàlà yamùk màlà ewanawolok kon yakkwalùppù neken. Jesus Christ nen mùkkàlà ailon.

Hebrews 10:22

Màlàpàk uchi mei pùla Katù piyak uyà'nàpai'nokon, ailon pe itewan molopai ailon tettok Katù pàk yau ittui'ma kulu, àli winàpai ikukasappe kùyewan kon, molopai kùyesak kon ikukasappe esukenan tuna ke.

Hebrews 7:11

Masapùla Levi yamùk yo'no Law yanùmùppù màlà Israel pon kon uya. Molopai ikasa kulu Levi wettok paatele pe wotokoyi wessak yau, tùpatalon paatele usenpoika iche we'nàppà pen sàlà eppaino. Pùsàlà mùkkàlà Melchizedek wettok walai paatele Aaron payan yai pùla.

Hebrews 8:5

Màlà tok we'wotokomatok itau, Katù yùwùk yesappe, wechi màlà epùn yau nai'nùk patakatok pe wapùla yakkwalùppù pe neken, wa iwechi pàk Moses yekamappoppù màlà iwekoneka tappulin kali'maya tùse, “Tamù'nawolon uchi mùkonekaik wùk po yenpoikasak lùppù àpàk kasa,” tukaik.

Hebrews 9:11

Tùse Christ uyàpùppù man eke kulu paatele pe, wakù ton iyàssak nai'nannùk yepulu pe. Tappulin iwe'wotokomatok itau màlà penalok yentaino, molopai wakù kulu, kappon yamùk nùkonekappù pen. Ikonekasak pùkkù pe pùla iwechi sàlà wolù yau.

Hebrews 9:23

Sàlà non pon yamùk wechi neken màlà epùn pon kon nai'nùk kasa. Màlàpàk kamo tùwàse tùtùsen pe iwechippù màlà. Tùse màlà yamùk epùn yawon kon wechi màlà wakùiwa tùtùsen iche.

Hebrews 9:25

Molopai Christ utàpàtùppù tukke itekkwa ettùse pen, eke kulu paatele utà Wakù Kulu Patassek yak kilichimochi kaichalà kamo mùnù pokonpe kasa.