Hebrews 1:4 - Patamuna New Testament Revised

⁴ Katù uya Tùmu kupùppù màlà eke pe inchelù yamùk yentai, itesek, Katù uya ilepappù lùppù ike wechi apàikkek pe tok yentai, kasa làma.

Hebrews 1:4 ပူးပေါင်းရင်းမြစ်များ

Ephesians 1:21

Christ Itepulu wechi màlà molo tamù'nawolon kon epùn pon kon itepulu yamùk yepoi, apàikketton, meluntà ton, molopai tamù'nawolon kon tùulon kon itepulu yamùk yepoi. Tamù'nawolon eke ton esek yamùk wolù yawon kon yepoino mùkkàlà molopai ewanawolok tùuyàssen pata yepoino.

Colossians 1:18

Ailon tawonnan sochi tukaik tesassan ippai mùkkàlà, mùkyamlo wechi màlà ipùkkù pe. Tamù'nawolon màlà iwinàpaino. Wapiya kulu iwe'wuluukasak lùppù mùkkàlà weli'nàtok yapai. Màlàpàk Jesus wechi màlà tamù'nawolon yentai.

Colossians 2:10

Màlàpàk tamù'nawolon Christ winàpaino yesappe ewechi kon màlà, iponaloppe ewechi kon pàk. Eke kulu mùkkàlà itepulu akkwalù yamùk yentaino molopai apàikkeppe we'nàtok yepoino.

2 Thessalonians 1:7

Molopai ewettalumattàtok kon yapai ewepùikattàtok kon ke elepa kon ya màlà, molopai ina lepa ya nàlà màlà. Sàlà kupù ya màlà Itepulu Jesus usenpoika epùn poi yau. Iyàpù màlà apok ulenpansak yau meluntà ton inchelù yamùk pokonpe, Katù ittunan pen talumattàik, molopai mùkyamlo Wakù Itekale Kùyepulu kon Jesus maimu yawolon kon pen talumattàik.

Hebrews 1:9

“Ikasa nai'nùk pùnùnmanài àmàlà molopai àli kuttok yeya'nomanài. Màlàpàk uchi Katù, Akatùyi uya ayanùmùppù màlà apatùnayi yamùk yepoi, utauchinpantok kalapayi ke akalapaima tùuya winà,”

Hebrews 12:17

Màlà ye'mappùtak ku, tùkàipùnù uya pùlemantok enepopai tùponaloppe iwechippù tùse inulunpappù. Tùnkupùppù mùyakanmatok tùuya yawà yepolo ya pùla iwechippù, tenu palu ke kulu lànen iwaya tùse.

Hebrews 2:9

Tùse Jesus yene'nokon man, malalà inchelù yamùk ma'le imasak lùppù, sàlà pe nen uchi apulàntok molopai namantok ke yalùkottàsak man, masapùla weli'nàtok yau iwettalumattàsak pàk. Màlàpàk Katù wettok wakù pe winà, tamù'nawolon kon kappon yamùk ponaloppe weli'nàtok ittutoppe ya.

1 Peter 3:22

Itàppù nai'nùk epùn pona, molopai namantok pata yau Katù yemyatù kamik pen winà nai'nùk. Tamù'nawolon kon inchelù yamùk yepulu mùkkàlà, tamù'nawolon kon apàikkek ton molopai tamù'nawolon kon meluntà ton yepulu.