Hebrews 1:3 - Patamuna New Testament Revised

³ Katù Mumu mùkkàlà tùulenpansen Katù yakkwayi ke. Katù yenpoika ya tamù'nawàlà, molopai tamù'nawolon tùnkonekappù yachinài mùkkàlà apàikkek tùmaimu ke. Wakù pe, tok uya àli kuttok yapai kappon yamùk kupù tùpo, iweleutappù màlà epùn po wakù kulu patassek Eke kulu Katù laitanù winon yak.

Hebrews 1:3 ပူးပေါင်းရင်းမြစ်များ

Matthew 22:24

“Enupanài, Moses uya nen kappon yamùk yenupàppù, Kàyik welichak imunkà pùla echii'ma yau, yakon wechi tùlùi noppù lùppù yak màlà, tok uya mule yamùk yepotoppe iwelichak lùppù munkà pe,” tukaik.

Mark 16:19

Itepulu Jesus uya tùnenupa ton nùssan yelupasak tùpo, yanùmùppù Ikàipùnù uya epùn pona. Màlàyau iweleutappù Katù yemyatù kamik pen winà.

John 1:14

Mayin wenappù màlà kappon pe, kùklottau'nokon iwemapùppù. Ailon, wakù pe iwettok yeneppù ina uya, mùkkàlà neken tewinan yapulàtok, iyàssak lùppù tùkàipùnù winàpai wakù pe tùwettok molopai ailon pokonpe.

John 1:29

Iwemassak yau John uya Jesus uyàpù tùpyak yeneppù. “Masa yentàk kon! Katù winàpaino mùkkàlà kalinilu mule sàlà wolù yawon kon kappon yamùk makuyi mokkanài.

John 1:4

Mayin yau wema'nàtok wechippù molopai sàlà wema'nàtok uya akkwa nepùppù kappon yamùk weyuttànài pe.

Yeunossak kon Wotokoyi 2:33

Iwuluukappù màlà kamik pen Katù yemyatù yak. Molopai Wakù Akkwalù yanùmùppù ya iwinàpai. Sàlà pe menyatài'nùk molopai metayatài'nùk màlà ilepatok ya eke pe.

Yeunossak kon Wotokoyi 7:56

“Yentàk kon! Epùn utakkokasak tenyaik molopai Kàyik Mumu satippe man kamik pen Katù yemyatù winà!” teppù ya.

Romans 1:16

Masapùla wekkuli'ma pùla man Wakù Itekale pàk. Masapùla Katù yapàikketù màlà tamù'nawolon kon ailon tawonnan tùpàk pùikattànài, wapiya Jew yamùk molopai nàlà Jew yamùk pen.

Romans 8:34

Ànù'là uya ken na' uchi tok talumattà? Ànù'la pùla iwechi màlà masapùla Christ Jesus mùkkàlà iwelichak lùppù, molopai iwuluukasak lùppù weli'nàtok yapai molopai sàlà pe namantok patassek kamik pen Katù yemyatù winà man. Katù pawanattànài mùkkàlà kùponalok kon pe!

2 Corinthians 4:4

Sàlà wolù yepulu uya ailon tawonnan pen usenumenkatok yewalumankasak màlà. Wakù Itekale yakkwayi Christ winàpaino yene tok uya tukaik, mùkkàlà uchi Katù usentok.

Colossians 3:1

Àwuluukasak kon man wema'nàtok yak Jesus Christ pokonpe. Eyewan kon uchi itùtàk kon màlà yamùk epùn po nai'nannùk pàk, Christ wettok chichiupe tapon po kamik pen Katù yemyatù winon namantok patassek winà.

Titus 2:14

Iwettùlùppù màlà kùponalok kon pe, kùpùikattàse tamù'nawolon àli winàpai molopai kùkonekase esukenan kon kappon yamùk tùponalok kon pe kulu neken molopai wakù ànkuppai nokon kulu pe neken.

Hebrews 1:13

Katù uya tùyinchelùyi yamùk tonpa pàk là, “Eleutakà talà ulaitanù winà, eyeyatonnon nonka uya atta yapon pe ponalà,” tesak pùla iwechi màlà.

Hebrews 10:12

Tùse pùsàlà, Christ, uya tewin itekkwa neken tùwenukassen pen tùtùsen tùlùpù màlà makui winàpai pùikattànài pe. Màlàyau iweleutappù Katù laitanù yak.

Hebrews 12:2

Jesus yenpai'nokon man. Mùkkàlà ailon tetok kùuya'nokon piyattànàippù molopai ikasa kulu iku'nài mùkkàlà. Masapùla mùkkàlà uya tùutauchinpatok yepolo tùuya ite'mappùtak ittu tùuya pàk, tùwelittok pàlikappù pulusuk pàk, wekuli'mantok pàk iichenumenka pùla. Molopai sàlà pe nen uchi chichiupe man Katù laitanù winà yapon piyau.

Hebrews 4:14

Mùkkàlà eke kulu paatele yesappe we'nà'nokon man, mùkkàlà iitàsak lùppù Epùn pona, Jesus, Katù Mumu. Màlàpàk uchi meluntà pe utachinpai nokon, ailon tetok kùuya'nokon pàk.

Hebrews 7:27

Tùulon kon eketon kulu paatele yamùk walai pen mùkkàlà, iwotokoyi pen màlà kamo wànà wei kaichalà, wapiya tùmakuyi ponaloppe molopai kappon yamùk makuyi ponaloppe. Pùsàlà wettùlùppù màlà tewin itekkwa tamù'nawolon kon ponaloppe.

Hebrews 8:1

Sàlàichi màlà ina wettok yekama iche. Pùsàlà, eke kulu paatele, yesappe we'nà'nokon man. Mùkkàlà chichiu pe tùwessen kamik pen winà Katù eke pe tùwessen yapon piyau epùn po.

Hebrews 9:16

Kappon uya kaleta menukasak tùtonpa yamùk yemyak tùtùsen pe tùse, ànù'là yà'làlà yeponài pen, kappon sàlà ku'nàippù welikù ponalà.

Hebrews 9:26

Màlà kasa iwechi yau, iwettalumattàppù sàlà epaino tukke itekkwa wolù wekonekappù motapai. Tùse làkku ichenpoikappù màlà tewin itekkwa neken, màlà wei wenukattok yattai tùwettùlù winà kappon yamùk makuyi winàpai tok pùikattàse.

1 Peter 1:21

Mùkkàlà yai ailon tawonnan amyamlo Katù pàk, iwuluukanàippù weli'nàtok yapai, molopai ilepanàippù apulàntok ke; màlàpàk ailon tetok auya'nokon molopai enpen ewettok kon wettoppe Katù pàk.

1 Peter 3:22

Itàppù nai'nùk epùn pona, molopai namantok pata yau Katù yemyatù kamik pen winà nai'nùk. Tamù'nawolon kon inchelù yamùk yepulu mùkkàlà, tamù'nawolon kon apàikkek ton molopai tamù'nawolon kon meluntà ton yepulu.

2 Peter 1:16

Ikuppàssak kon nà panton yekama ina uya pùn Kùyepulu kon Jesus Christ uyàpù meluntà pe yekama ina uya àpàkù'nokon yau. Tùse tenu kon ke ina uya itakkwayi yeneppù.

2 Peter 1:17

Molo ina wechippù wùk po namantok molopai itakkwayi ke ilepasak Katù Ikàipùnù uya yattai, mayin uyàpù ipyak eke itakkwayi yau epùn poi yattai, “Pùsàlà mùkkàlà u'nùn kulu Umu, uyauchinpanài kulu!” tukaik.

1 John 1:7

Tùse wema'nà akkwa yau, akkwa yau iwechi nai'nùk kasa yau, echitonpa pe we'nà màlà kùtonpa pokonpe, molopai Jesus Christ, Imu, mùnù uya kùkuka kon màlà tamù'nawàlà kùmakuyi kon winàpai.

1 John 3:5

Mùttuyatàik Christ uyàpùppù kappon yamùk makuyi mokkatoppe tùuya, molopai makui pùla iwechi màlà yau.

Jude 1:25

Tewinan Katù Kùpùikattànài'nokon Jesus Christ Kùyepulu kon yai piyau apulàntok nechii. Inamatok nechii. Itepulu pe we'nàtok meluntàlù nechii. Molopai apàikkek nechii, sàlà pe molopai tàwàlàlà molopai tàwàlàlà! Emen.

Revelation 3:21

Mùkyamlo àli yentaikannan nùssan kupù uya màlà upyau tok weleuta toppe uyapon po. Àli yentaikasak uya molopai sàlà pe weleutasak Ukàipùnù piyau yapon po kasa làma.

Revelation 4:11

“Ina Yepulu molopai ina Katùyi! Àmàlà mùkkàlà wakù. Àponalok màlà apulàntok, namantok molopai apàikkek. Masapùla tamù'nawolon yà'làlà konekappù auya, molopai eyeselu winà tamù'nawolon wechi màlà molo,” tei'ma.