Hebrews 1:2 - Patamuna New Testament Revised

² Tùse sàlà pata weyu wenukattok yau kùyelupasak kon ya man Tùmu winà. Katù uya pùsàlà mappù màlà tamù'nawolon yesappe molopai Iwinà tamù'nawolon konekappù ya.

Hebrews 1:2 ပူးပေါင်းရင်းမြစ်များ

Matthew 13:39

Molopai eyaton àlitta pànnàippù mùkkàlà Tepùlù. Pili'nàtok yattai màlà, pata weyu wenukattok, molopai pili'nàinan mùkyamlo inchelù yamùk,” tukaik.

Matthew 17:5

Ichelupa lùppù tùse akkwa katuppluk uyàpùppù màlà tok yepoi molopai mayin uya katuppluk yapai, “Pùsàlà mùkkàlà u'nùn kulu Umu, uyauchinpanài. Yetatàk kon!” teppù.

Matthew 21:38

Tùse imu yensak tùuya'nokon yau, umà mainanpannan uya tùyiwalà'nokon, ‘Pùsàlà mùkkàlà umà yesak mumu. Àittàk kon iwàpai'nokon man, molopai nen uchi iponalok wettoppe kùponalok kon pe!’ teppù.

Matthew 26:63

Tùse Jesus wechippù eppana. Molopai Eke kulu paatele uya tu'ma, “Tàwàlàlà tùwemassen Katù yesek tesassse, euselupakà. Ina pàk yekamakà Christ pe na' ewechi màlà, Katù mumu pe?” teppù.

Matthew 28:18

Jesus uyàpùppù màlà mei pùla molopai tok pàk, “Ulepasak man tamù'nawolon apàikkek ke epùn yau molopai non po.

Matthew 3:17

Molopai nen uchi mayin uya epùn poi, “Pùsàlà mùkkàlà u'nùn kulu Umu, utauchinpatok kulu ipàk,” teppù.

Mark 1:1

Sàlà màlà Wakù Itekale Jesus Christ yekale. Jesus mùkkàlà Katù Mumu.

Mark 12:6

Umà yesak piyau màlà tewin nan nùppù kappon wechippù ineunoko i'nùn kulu imu, màlàyau mùkkàlà yeunokoppù ya, ‘Tok uya ken umu nama ko,’ tei'ma.

Mark 12:7

Tùse umà mainanpanài nan uya tùyiwalà'nokon, ‘Pùsàlà mùkkàlà umà yesak mumu. Iwàpai'nokon i'mà lùppù wettoppe kùponalok kon pe!’ teppù.

John 1:10

Mayin wechippù màlà wolù po, mùkkàlà yai wolù wekonekappù, tùse wolù uya ittu pùla iwechippù.

John 1:14

Mayin wenappù màlà kappon pe, kùklottau'nokon iwemapùppù. Ailon, wakù pe iwettok yeneppù ina uya, mùkkàlà neken tewinan yapulàtok, iyàssak lùppù tùkàipùnù winàpai wakù pe tùwettok molopai ailon pokonpe.

John 1:3

Mùkkàlà yai tamù'nawolon wekonekappù. Yà'làlà mùkkàlà pokonpe pùla ikonekasak pùn ikonekasak kùlottau.

John 13:3

Jesus uya ittuppù màlà tùkàipùnù uya tamù'nawolon meluntà tùsak temyak, molopai nàlà tùuyàssak Katù winàpai molopai tùwennappo Katù piyak.

John 13:32

Katù yapulàtok usenpoikasak yai yau, Katù uya nàlà màlà tùmu yapulàtok yenpoika tùmàlà yau. Molopai tewinanpa ikupù ya màlà.

John 15:15

Sàlà motapai apyoto yamùk pe, eyesatù kon uya pen sàlà, masapùla tepulu uya yà'làlà kupù ittunài pen mùkkàlà apyoto. Tùse eyesassak kon uya màlà uwechi yakon non tukaik, masapùla tamù'nawàlà Ukàipùnù winàpai unùttuppù ittu kon pa ikussak uya màlà.

John 16:15

Tamù'nawolon Ukàipùnù itesak pe nai'nùk màlà uponalok. Màlàpàk uchi Akkwalù uya màlà uselupatok yalà molopai yekama ya àpàkù'nokon, te uya nettai nùk,” teppù Jesus uya.

John 17:2

Tamù'nawolon kon kappon yamùk yepoi apàikkek ke ilepasak auya man, mùkyamlo temyak àntùlùssan lepa toppe ya tàwàlàlà wema'nàtok ke.

John 3:16

Tù'nùn pe kulu kappon yamùk sàlà wolù pon kon kupù tùuya pàk Katù uya tewinan tù'nùn kulu tùmu tùlùppù ànù'là ailon tawon ipàk umatta pen, tùse tàwàlàlà iwemapù.

John 3:25

John nenupa ton pokonpe tewinnan nà Jew usàulàmappù wekolùkantok yeselu Katù nanùmù yeppe pàk.

John 5:26

Ikàipùnù yau wema'nàtok wechi kasa làma màlà Tùmu kussak ya wema'nàtok wettoppe yau.

John 5:27

Molopai ilepasak ya màlà kappon yamùk ittutok ya yapàikketù ke, masapùla Kàyik Mumu pe iwechi pàk.

John 9:29

Ina nùttuyan Katù uya Moses yelupappù, tùse i'nailàpài là pùsàlà uyàssak ittu ina uya pùla man,” teppù tok uya.

Yeunossak kon Wotokoyi 10:36

Mùttuyatàik itekale ineunokoppù kappon yamùk Israel pon kon piyak, Wakù Itekale wàlàkka'nàtok yekama pe Jesus Christ yai. Mùkkàlà tamù'nawolon kon Yepulu.

Yeunossak kon Wotokoyi 2:17

‘Sàlà kupù uyaichi màlà pata weyu wenukappù yau. Wakù Akkwalù tùlù uya màlà tamù'nawolon kon kappon yamùk pona. Àmu kon molopai eyenchi kon uya Katù maimu yenpoikatok woton, eyimoinelù kon uya we'neppà'nà kasa yà'làlà yene màlà, molopai ayamokoli kon yamùk we'neppàtù màlà.

Romans 1:4

Tùse Wakù Akkwalù uya Jesus, Katù Mumu wechi meluntà yesappe yekamasak, weli'nàtok yapai iwe'wuluukasak winà. Jesus Christ kùyepulu kon.

Romans 8:17

Imunkà yamùk pe we'nà'nokon pàk, wakù inkupù tùponalok kon ponaloppe yesappe we'nà'nokon màlà Christ, imu, pokonpe. Masapùla Christ wettalumattàppù kasa wettalumattàn pàk alikyeppe we'nà'nokon yau, namantok nàlà yepolo màlà ipokonpe.

1 Corinthians 2:7

Tùse ina uselupa nai'nùk Katù pukketù tùttusen pen pàk, pukkek tonantau iwessak lùppù. Katù uya tonanse ikupùppù. Sàlà kupùppù ya màlà pata wepyattà wapiya, yapulàtok kon pe.

1 Corinthians 8:6

Tùse molo man kùponalok kon tewinan neken Katù, Kùkàipùnù kon, tamù'nawolon yà'làlà konekanàippù, molopai iponaloppe wema'nàtokù'nokon. Molopai molo man tewinan neken Itepulu, Jesus Christ, tamù'nawolon yà'làlà wekonekappù iwinà lùppù, molopai wema'nàtokù'nokon iwinà.

Galatians 4:4

Tùse iwalai iweyu uyàssak yattai, Katù uya Tùmu yeunokoppù. Iwentuppù màlà nossan yai molopai law yo'no,

Ephesians 1:10

Katù uya ikupù màlà yenuka'nùpù ya iwalai iweyu yattai, tamù'nawolon kon tùnkonekassan nepù Ya tamùkke, tamù'nawolon kon epùn pon kon, molopai non pon kon, màlàyau Christ wechi nen uchi màlà tamù'nawolon yepoi.

Ephesians 3:9

Molopai tamù'nawolon kon pàk tùttusen pe pùla nai'nùk yeselu Katù piyawon yekamatoppe uya tok uya yentoppe. Katù, tamù'nawolon yà'làlà konekanàippù uya màlà kappon yamùk wapiyalok kon winàpai tùttusen pen kupùppù mailà tonantau.,

Hebrews 1:5

Masapùla inchelù yamùk pàk, “Umu àmàlà, sàlà pe Àkàipùnù pe wenasa'man,” tawon pen. Wapùla Katù uya, “Ikàipùnù pe wena màlà, molopai Umu pe iwechi màlà,” tesak pùla iwechi màlà tok pàk

Hebrews 1:8

Tùse Tùmu pàk tùuselupa yau, “Katù!Itepulu pe ewettok wechi màlà tàwàlàlà molopai tàwàlàlà, molopai itepulu pe ewettok woton ikasa,” teppù ya.

Hebrews 11:3

Ittu'nokon man ailon tetok winà tamù'nawolon wekonekappù Katù Maimu winà, molopai nùsenyai'nùk konekappù tùusensen pen yapai.

Hebrews 2:3

Yà'là kasa ken uchi wepen eke kulu wepùikattàntok yetapàtù kùuya'nokon yau? Sàlà wepùikattàntok yekamappù màlà Itepulu Jesus uya wapiya, molopai màlà yetannannùssan uya yekamasak màlà kùpàkù'nokon.

Hebrews 3:6

Tùse Christ mùkkàlà ailon, paatele, imu. Molopai kùmyamlo mùkyamlo itùwùk, meluntà pe tùusenalippaik pùla molopai enpen we'nàtok kon pàk tùutachiik we'nà'nokon yau.

Hebrews 4:14

Mùkkàlà eke kulu paatele yesappe we'nà'nokon man, mùkkàlà iitàsak lùppù Epùn pona, Jesus, Katù Mumu. Màlàpàk uchi meluntà pe utachinpai nokon, ailon tetok kùuya'nokon pàk.

Hebrews 5:8

Katù Mumu pe lànen iwechi tùse, mayin yawàlà we'nàtok pàk iichenupappù màlà tùwettalumattàtok winà.

Hebrews 7:28

Law màlà, tattu'mùnù kenan kon kappon yamùk yanùnnài eke patele pe tok wettoppe. Tùse Katù uselupatok meluntà pe uyàpùppù màlà Law ye'mappùtak, Tùmu yanùmùppù ya màlà tùwùk yesappe iwettoppe. Ikasa iwekonekasak tàwàlàlà.

Hebrews 7:3

Melchizedek kàipùnù wapùla ichan yekale pùla iwechi màlà, wapùla itamokolù yamùk là. Iwentuppù yekale là pùla iwechi màlà wapùla iwelikùppù là yekale pùla. Katù Mumu kasa iwechi màlà. paatele pe iwechi tàwàlàlà.

Hebrews 9:26

Màlà kasa iwechi yau, iwettalumattàppù sàlà epaino tukke itekkwa wolù wekonekappù motapai. Tùse làkku ichenpoikappù màlà tewin itekkwa neken, màlà wei wenukattok yattai tùwettùlù winà kappon yamùk makuyi winàpai tok pùikattàse.

1 Peter 1:20

Katù nanùmùppù mùkkàlà wolù wekoneka wapiya, molopai ichenpoikappù sàlà yamùk iwenukattok weyu yattai àpàkànsau'nokon.

2 Peter 3:3

Tamù'nawolon wapiya, mùttutàik iwenukapù pe tùulon kon kappon yamùk usenpoika iwemattok kon àli ànkupai tùwettok itepulu ton. Tok uya àmottùnpa kon màlà

Jude 1:18

Tok uya àpàkù'nokon, “Pata weyu wenukapù pe iwechi yau, kappon yamùk usenpoika màlà àmottùnpa kon woton kon, kappon yamùk Katù yeselu walai pen iteselu ton,” teppù.