Hebrews 1:14 - Patamuna New Testament Revised

¹⁴ Tamù'nawàlà ken na' inchelù yamùk mùkyamlo Akkwalù yamùk tùwe'wotokomasan pe yeunossak kon pen, mùkyamlo Katù ponalok kon epùikattàpaino kon pùikattànan pe?

Hebrews 1:14 ပူးပေါင်းရင်းမြစ်များ

Matthew 1:20

Tamù'nawolon sàlà yamùk pàk ichenumenka tùse, Itepulu inchelùyi usenpoikappù màlà ipyak iwe'neppàttok yau, molopai , “Joseph, David pa, kesenalippai Mary yanùmù auya ànoppù pe pàk. Masapùla Wakù Akkwalù winàpài inmonottasak màlà.

Matthew 13:41

Kàyik Mumu uya tùyinchelùyi yamùk yeunoko màlà, molopai tok uya itepulu pe iwettok yapai tamù'nawolon kon kappon yamùk wemakuimatoppe tok ku'nài nan pilipù màlà, molopai tamù'nawolon kon àli ku'nài nan.

Matthew 18:10

“Tùttuik mettàik pùsamlo echikili ton kupù auya'nokon eyewanmakonpe tukaik. Tekamayaik àpàkù'nokon, tùyinchelùyi kenan kon mùkyamlo epùn po, tok inchelùyi yamùk mùkyamlo tàwàlà Ukàipùnù yenpata yennàinan epùn po.

Matthew 2:13

Tok utà tùpo, Itepulu inchelùyi, usenpoikappù màlà we'neppà'nàtok yau Joseph piyak. Molopai ipàk “E'wuluukakà, mule molopai ichan tawonnan yakà, epetàk kon Egypt pona. Molopai molo mettàik itàtàk kon te uya ponalà. Herod uya mule iwa màlà iwàtoppe tùuya,” teppù ya.

Matthew 24:31

Eke paka letù walai wai tàwù màlà, molopai tùyinchelùyi yamùk yeunoko ya màlà asakùlà'nan non pana'mu yawà. Molopai mùkyamlo uya iponalok kon inanùmùssan pilipù màlà tamù'nawàlà wolù yapai,” teppù Jesus uya.

Matthew 25:34

Màlàyau nen uchi Kin uya kappon yamùk tùkamikù pen winon kon pàk, ‘Àittàk kon! Ukàipùnù nùpùlemassan. Àittàk kon itepulu pe ewettok kon patassek yepotanùttàk kon, ikonekasak lùppù àponalok kon pe wolù wekonekappù motapai.

Matthew 4:11

Màlàpàk Makui uya inàmàppù, molopai inchelù yamùk uyàpùppù. Molopai Jesus pùikattàppù tok uya.

Mark 10:17

Jesus wessalattàkassak tùutà pàk tùse kàyik uyàpùppù ipyak, tese'muyok iwenappù itemlotopo molopai Jesus yekamappoppù ya, “Wakù Enupanài, yà'là kupù uya ken wema'nàtok tàwàlàlà yepotoppe uya?” tukaik.

Luke 1:19

“Gabriel mà Iulà tà,” tukaik inchelù uya yeikuppù. “Katù yemloto po tùwessen Iulà, uyeunossak ya sàlà eyelupase, sàlà wakù itekale yekamase àpàk.

Luke 1:23

Tùwe'wotokomatok Katù yùwùk tau weyu wenukassak yau, Zechariah wemeikuppù màlà.

Luke 16:22

“Italumayippù kàyik welikùppù màlà molopai inchelù yamùk uya yalàppù Abraham piyak, uta'lettàntok Epùn pon yak. Mamin yesak welikùppù nàlà màlà molopai iwu'nattàppù.

Luke 2:13

Asse'ne tewinanpa tukkan kon inchelù yamùk usenpoikappù màlà pùsàlà inchelù piyak tùuselenpai'ma'nokon Katù yapulà pe.

Luke 2:9

Itepulu inchelùyi, usenpoikappù màlà tok piyak molopai Itepulu yakkwayi ulenpamùppù tok woi. Tok wettalipappù màlà.

Yeunossak kon Wotokoyi 11:22

Sàlà yekale uya Jerusalem po sochi yepoloppù màlàpàk tok uya Barnabas yeunokoppù Antioch pona.

Yeunossak kon Wotokoyi 12:23

Tewinan pa Itepulu inchelùyi uya Herod ippokoppù, masapùla Katù yapulà ya pùla iwechi pàk. Weluwe yamùk uya yanùppù màlà molopai iwelikùppù.

Yeunossak kon Wotokoyi 12:7

Asse'ne kulu Katù inchelùyi usenpoikappù màlà molo. Molopai akkwa ulenpamùppù itau iwettok tau. Inchelù uya Peter wànàppùya iwolo yai, yenpakappù ya molopai, “Asse'ne! E'wuluukakà,” teppù ya. Molopai tewinanpa yaulontok wepukappù itemyatù poi.

Yeunossak kon Wotokoyi 13:2

Tok wechi Itepulu yapulà pàk. Tùuta'lettàik pùla tok wàpùlema tùse, Wakù Akkwalù uya, “Barnabas molopai Saul yanùntàk kon uponaloppe, uwotokoyi kuttoppe tok uya unkà'massan,” teppù tok pàk.

Yeunossak kon Wotokoyi 16:26

Màlà yattai, tewinanpa àsà pe tùlùpùnù wechippù, patikichi yapon yalo'mappù ya màlà. Màlàyau asse'ne patikichi mùlatta yamùk utakkokapàtùppù molopai tamù'nawàlà yachisak kon poi tok yaulontok kon wessolokappù.

Yeunossak kon Wotokoyi 27:23

Masapùla ko'manyak ewalupàttau Katù iponalok pe wettok molopai unnama molopai unapulà inchelùyi nùyàttai upyak,

Yeunossak kon Wotokoyi 5:19

Tùse màlà yewalupàyi tau Itepulu inchelùyi uya patikichi mùlatta yakkokappù, yeunossak kon yenpakkappù ya, molopai tok pàk,

Romans 11:14

Masapùla utonpa yamùk ànkùlùmàlunpapa wessaik tok wepùikattàtoppe.

Romans 13:6

Katù yapyoto pe tùwe'wotokomasan mùkyamlo, tùwotokoyi kon kupù pàk. Sàlà kasa iwechi pàk tùuse'masan amyamlo pùlayatta ke pata yesan yemyak.

Romans 15:16

Màlàpàk Jesus Christ yapyoto pe tùwe'wotokomasen pe wenasak man Jew yamùk pen ponaloppe. Patele pe wechi kasa tùwe'wotokomasen Iulà, Wakù Itekale Katù winàpaino yekama pàk, Jew yamùk pen tùtoppe tùtùsen pe Katù nanùmù yeppe, itùsappe Katù yemyak tok wettoppe Wakù Akkwalù winà.

Romans 15:27

Màlà kupù pàk tok utauchinpasak wechippù màlà tùyiwalà'nokon. Tùse mùkyamlo yà'là pùnon sa'ne pùikattà nen tok uya màlà, masapùla Jew yamùk uya wakù Katù winàpaino intùlùppù pùkkù pe Jew yamùk pen masak pàk, màlàpàk uchi Jew yamùk pen uya Jew yamùk pùikattà màlà itesappe tùwettok kon ke.

Romans 8:17

Imunkà yamùk pe we'nà'nokon pàk, wakù inkupù tùponalok kon ponaloppe yesappe we'nà'nokon màlà Christ, imu, pokonpe. Masapùla Christ wettalumattàppù kasa wettalumattàn pàk alikyeppe we'nà'nokon yau, namantok nàlà yepolo màlà ipokonpe.

1 Corinthians 1:21

Masapùla Katù uya tùpukketù yai kappon yamùk kupùppù wolù pukketù yau tùttutok tok uya pùla. Tùse làkku Katù wekkupùppù “Mùkyamlo ailon tawonnan ‘wo'mattantok’ itekale pàk pùikattà uya màlà,” tukaik.

2 Corinthians 9:12

Sàlà yamùk ànkupù kon uya neken là Katù ponalok kon pùikattàsak pen màlà. Tùse tukkan kon uya nàlà màlà tenki te Katù pàk.

Galatians 3:29

Christ ponaloppe ewechi kon yau, Abraham payan pe kulu ewechi kon màlà, molopai Katù uya itùlù tùuya teppù lùppù yanùmù auya'nokon.

Galatians 3:7

Màlàpàk ittutàk kon, mùkyamlo ailon nùkayai'nannùk mùkyamlo Abraham munkà yamùk.

Galatians 3:9

Màlàpàk mùkyamlo ailon tawonnan pùlemasak màlà Abraham pokonpe, ailon tawon kàyik.

Ephesians 3:6

Sàlàichi màlà tùttusen pen: Wakù Itekale winà Jew yamùk pen wechi màlà Jew yamùk pùkkù pe Katù uya pùlemantok yau. Tewin ipun tok wechi màlà molopai Katù uya itùlù tùuya teppù lùppù pùkkù pe tok wettoppe màlà ikussak Christ Jesus yau.

Philippians 2:17

Ailon tetok auya Itepulu yau molopai ewe'wotokomatok màlà lepantok walai Katù pona. Msolopai umùnù wekkwamù sàlà lepantok pona. Sàlà wekkupù yau utauchinpa màlà, molopai tamù'nawàlà àpokonpe' nokon utauchinpa.

Philippians 2:25

Kùtonpa kon, Epaphroditus yeunoko uya kulu apyakù'nokon pàk usenumenkasak man. Iwe'wotokomasak lùppù ukaichalà molopai iwepanta'masak lùppù upyau, amaimu yekamanài nàlà eneunokoppù lùppù upùikattàtoppe ya.

2 Thessalonians 1:7

Molopai ewettalumattàtok kon yapai ewepùikattàtok kon ke elepa kon ya màlà, molopai ina lepa ya nàlà màlà. Sàlà kupù ya màlà Itepulu Jesus usenpoika epùn poi yau. Iyàpù màlà apok ulenpansak yau meluntà ton inchelù yamùk pokonpe, Katù ittunan pen talumattàik, molopai mùkyamlo Wakù Itekale Kùyepulu kon Jesus maimu yawolon kon pen talumattàik.

Titus 3:7

wakù pe we'nà pen pàk Jesus uya wakù pe anùnnàppà màlà Katù nanùmù yeppe koneka'nàppù ya molopai tàwàlàlà wema'nàtok yepolo pàk enpen we'nàtok ke lepa'nàppà ya.

Hebrews 10:11

Paatele yamùk mùkyamlo satippe tùwessan màlà lùppù tùwotokoyi kon kupù pàk wei kaichalà, tùwàsan molopai tùpotàsan tùlù pàk tukke itekkwa. Tùse makui mokkaya pen.

Hebrews 2:3

Yà'là kasa ken uchi wepen eke kulu wepùikattàntok yetapàtù kùuya'nokon yau? Sàlà wepùikattàntok yekamappù màlà Itepulu Jesus uya wapiya, molopai màlà yetannannùssan uya yekamasak màlà kùpàkù'nokon.

Hebrews 5:9

Ikasa kulu Jesus wekonekasak pàk, mùkyamlo tùmaimu yawolon kon nà pùikattà ya màlà tàwàlàlà.

Hebrews 6:12

Emya'nek pe ewena kon iche pùla ina man, tùse mùkyamlo ailon tawonnan molopai pàlikannan, Katù uya ikupù tùuya teppù lùppù yeponnan kasa làkku mettàik.

Hebrews 6:17

Masapùla ikupù pàk tùwekkuttok wechi tùwemyakanmasen pe pùla enekamapai Katù wechippù màlà wakù pe. Mùkyamlo wakù ton tùwinàpaino yepolo woton kon pàk wateppù ya. ‘Ikupù uya teppù tùuya kupùppù ya màlà.’

Hebrews 8:6

Tùse Jesus wotokoyi wechi màlà non pon kon Eke paatele yamùk wotokoyi yentai. Màlà kasa emennak wakù ikupù tùuya teppù Katù uya yenpoikanài pe iwechi màlà ipoippà yentai. Katù molopai kappon yamùk yakkletau Jesus wechi màlà.

James 2:5

Yetatàk kon, utonpa yamùk! Katù uya entuppa'nokon, yà'là pùnon kappon yamùk sàlà wolù yawon kon yanùnsak màlà eke pe ailon tetok yesappe tùwessan pe molopai Katù wettok itepulu pe yesappe tok wettoppe itùlù tùuya tù'nùnmannan yemyak teppù ya lùppù.

1 Peter 1:12

Katù uya yenpoikappù màlà pùsamlo pàk tok wotokoyi wechi tok ponaloppe pùla, tùse àponalok kon pe, tok uselupappù ailon pàk màlà enetappù kon kasa. Wakù Itekale yekamannan ichelupasak kon Wakù Akkwalù meluntàlù yeunossak lùppù epùn poi winà uya, sàlà yamùk ailon ton yekamappù àpàkù'nokon. Sàlà yamùk uchi màlà inchelù yamùk lànen wettok ànùttupai.

1 Peter 1:4

Màlàpàk enpen we'nà'nokon sàlà wakù yepolo pàk Katù nùkupù tùponalok kon ponaloppe. Iku'nài mùkkàlà àponalok kon pe epùn po, iwemyakanma pùla iwettok wapùla inmata pùla iwettok yau wapùla iwaliwomù pen màlà molo.

1 Peter 3:7

Amyamlo nàlà tùnoppù kenan kon walawotichi yamùk, ànoppù kon piyau ewemapù kon yau, mùttutàik tok wechi attu'mùnon peiwa, màlàpàk tok kùttalumattàtàu namantok yenpoikatàk kon tok pàk; masapùla tok uya nàlà tamùkke àpokonpe'nokon, Katù uya lepantok wema'nàtok ke yanùmù màlà. Sàlàichi ikuttàk kon àwàpùlematok kon wakàttù yà'làlà uya tukaik.

Jude 1:14

Enoch, Adam pa 7 pe Adam ye'mappù pokon mùkkàlà pùsamlo pàk Katù Maimu yenpoikanàippù lùppù: “Yenkà! Itepulu uyàpù màlà tukkan kon kulu wakù ton inchelù yamùk pokonpe,

Revelation 5:6

Màlàyau Kalinilu Mule yeneppù uya màlà satippe aponnok yakkletau, asakùlà'nan kon nulànan kon ànùkyan nànan molopai eke ton tùnamasan wechippù iwoi. Kalinilu Mule useneppù iwàsa'lùppù kasa. 7 pe iletù wechippù, molopai 7 pe itenu, sàlà yamùk wechippù màlà 7 pan kon akkwalù yamùk Katù winàpaino pe yeunossak kon nùssan tamù'nawolon non pona.