Galatians 6:3 - Patamuna New Testament Revised

³ Ànù'là uchittu ànù'là yentai, ànùk pe pùla echii'ma yau, tùyiwalà ichennaka màlà.

Galatians 6:3 ပူးပေါင်းရင်းမြစ်များ

Luke 18:11

Pharisee we'wuluukappù molopai iwàpùlemappù, ‘Tenki ukayaik àpàk, Katù, tùulon yemamin iche tùwessen pe pùla wechi pàk, kasei pe pùla wechi pàk, wapùla àli pe tùwelaikasen pe pùla wapùla àli ku'nài pe pùla wechi pàk, tamù'nawolon kon kasa pùla wechi pàk. Tenki ukayaik àpàk mùkkàlà pùlayatta pili'nài kasa pùla wechi pàk.

Yeunossak kon Wotokoyi 5:36

Wapiya Theudas usenpoikappù, eke pe iwekkupùppù. Màlàyau 400 yailà'ne kappon yamùk wessepoloppù ipyau. Tùse iwànàppù, màlàyau tamù'nawàlà ya'lon kon wetta'nùpùppù molopai iwotokoyi weleutappù.

Romans 12:16

Echitonpa pe ettàk kon tamù'nawolon kon pokonpe. Ànù'là kappon yentai kekkuttàu, katapulàtàu, tùse entuppa'nokon yanùntàk kon ewechiyakon kon pe. Pukeppe ewechi kon pe kùsekamatàu.

Romans 12:3

Masapùla Katù uya ulepatok wakù pàkànsau eyelupa kon uya sàlà. Ànù'là yentai ewechi kon pe kùsekamatàu. Tùse esenumenkatàk kon kulu molopai echittutàk kon esentàk ailon tetok auya'nokon Katù uya elepappù kon ike yawàlà.

1 Corinthians 13:2

Lepantok, Katù Maimu yenpoikanài yesappe wechi yau, tamù'nawolon pukkeppe we'nàtok yesappe molopai tùttusan pen yamùk là ittu uya, tamù'nawolon ailon tetok yesappe wechi, wùk yamùk yamatoppe uya, tùse uchi'nùnmantok pùla wechi yau, yà'làlà pùla wechi màlà.

1 Corinthians 3:18

Eyiwalà'nokon kesennakatau. Anù'là àkklottau'nokon nai'nùk uchittu pukkeppe sàlà wolù yeselu nùkupù winà yau, tàwà “pakko pe” nenai pukkeppe tùwenatoppe.

1 Corinthians 8:2

Kappon yà'làlà ittu tùuya pe nekamayai'nùk uya ittu pùla iwechi màlà ittutok tùuya kasa.

2 Corinthians 12:11

Pakko kasa welaikayaik, tùse ukussak auya'nokon màlà wa wettoppe. Amyamlo uya làkku nen wechi màlà wakù pe upàk tùuselupassan pe. Masapùla mùkyamlo “wakù ton kulu yeunossak kon,” ma'le kulu wechi pen nen nai'nùk ànùk pe pùla lànen wechi tùse.

2 Corinthians 3:5

Masapùla yà'làlà pùla man ina yau ina kupù woton sàlà wotoko ku'nài pe tùmeluntàlù ke ina wettoppe. Meluntà itesak pe ina nai'nùk màlà tùuyàssen Katù winàpai.

Galatians 2:6

Mùkyamlo nàlà eke ton ennàinan pe tukaik tùwessan, ànùk pe là tok wessak uya tùpatalà tok kussak pùla iwechi màlà upona. Masapùla Katù mùkkàlà polopo usennàtok pàk ittunài pen. Mùkyamlo là kàyik yamùk uya uselupatok tonpattàpàssak pùla man.

Galatians 2:9

James, Peter molopai John tawonnan eke ton itepulu pe tùwessan nùttutai, Katù uya sàlà wotoko ke ulepasak. Màlàpàk ina yemyatù yachitai tok, Barnabas molopai Iulà tawonnan. Echitonpa pe tamùkke tùwe'wotokomatokkonpe, Jew yamùk pen kùlottak ina utàtoppe, molopai mùkyamlo Jew yamùk kùlottak.

2 Timothy 3:13

Àli ton kappon yamùk molopai tùusennakasan wena àli pe tùwettok kon yapai àli peiwa tùse, tùulon kon yennakai'ma tùulon kon uya tennkatok ke.

James 1:22

“ Tetatai là te, ” tukaik kesennakatàu Katù Maimu yetasak auya'nokon yau. Tùse ikuttàk kon làkku.

James 1:26

Ànù'là àkklottau'nokon nai'nùk, “Katù ya'lon Iulà,” tawon, molopai tani yesappe tùwessen pen wechi màlà yà'làlà wakù pùla, molopai ichennaka Katù ya'lon pe iwechi wechi yà'la pe pùla.

1 John 1:8

“Imakuyi pùn nen Iulà,” te kùuya'nokon yau, usennakan nokon màlà molopai ailon pùla iwechi màlà kùyau'nokon.