Galatians 6:2 - Patamuna New Testament Revised

² Àtonpa kon ipùikàttàtàk kon inalà yalà pàk. Molopai sàlà kasa màlà Christ law yawàlà ewechi kon.

Galatians 6:2 ပူးပေါင်းရင်းမြစ်များ

Matthew 8:17

Sàlà kupùppù ya màlà Katù Maimu yenpoikanài Isaiah uselupappù kasa iwekkuttoppe. “Mùkkàlà uya ina ye'netù yanùmùppù molopai ina yepalan yalàppù ya màlà,” {Isa 53.4} teppù ya kasa.

Luke 11:46

Jesus uya yeikuppù, “Àsà pe nàlà mà iwechi màlà àpona'nokon tà Law pàk Enupan nan! Eme'nek pe kappon yamùk lotùmannan amyamlo yalà tok uya yentai, tùse eyemyatù kon yenkan nan nùkkwà là pen amyamlo tok pùikattàse.

John 13:34

Emennak Enupantok tùlù uya sàlà, echi'nùn pe ettàk kon. Uyi'nùn pe àkupùppù kon uya kasa, mechinùnmatàik.

John 15:12

Sàlà màlà enupantok uya. Tùuchi'nùnmaik ettàk kon, u'nùn pe àkupù kon uya kasa.

Romans 15:1

Kùmyamlo meluntà pe nai'nannùk ailontetok yau, wechi màlà attu'mùn pùikattànnan pe molopai iche we'nàtok nokon neken kasa tùwessan pe pùla.

Romans 8:2

Masapùla Wakù Akkwalù yeselu meluntàlù wema'nàtok ne'nài Christ Jesus ponalok kon piyak uya, upùikattàsak man makui yeselu molopai weli'nàtok winàpai.

1 Corinthians 9:21

Màlà kasa làma Jew yamùk pen kasa tùwemassen Iulà, Law pùnon wemapù kasa, tok nettoppe uya Christ piyak. Sàlà uya Katù Law maimu yawàlà pùla wechi te pen màlà, masapùla Christ law yo'no wechi màlà.

Galatians 6:5

Masapùla tamù'nawolon kon uya tewincha tùnalà kon yalà pàk.

1 Thessalonians 5:14

Ina apawanattàyatàu ina tonpa yamùk,s tùwe'wotokomasan pen yekamappo kon pa, kuli'nau tùwessan meluntàtanùppù kon pa, attu'mùnon pùikattà kon pa, molopai tamù'nawolon kon kappon yamùk kùlottau ewemapù kon pa, tok pàk tùusetakkaik pùla.

James 1:25

Tùse mùkkàlà, Law Katù winàpaino yennài echipalà, kappon yamùk pùikattànài àli kuttok yapai yennài molopai yene pàk tùwessen, tùnetappù tùputtà'ka'nùsse pùla tùse iku'nài, mùkkàlà pùlema màlà inkupù yawàlà.

James 2:12

Eselupatàk kon molopai elaikatàk kon kappon yamùk pe tùttusan woton kon pe Law maimu winà kappon yamùk nonkanài molopai tok mokkanài winà.

James 2:8

Iwalai kupù auya'nokon pe iwechi màlà enupantok Katù nùtùlùppù itepulu pe iwettok kon itepoi yemyak maimu yawàlà ewechi kon yau, Katù Maimu yau iwesseposak lùppù, “Kappon i'nùnmatàk kon euchi'nùnma kon kasa,” tawon.

1 Peter 2:24

Jesus Christ uya kùmakuyi kon yalàppù tùmàlà pe pulusuk pona, weli'nà tok kon pe àli kuttok pàk wema'nà tok kon pe wakù pe we'nàtok ponaloppe. Ippoppàtù winà euchipittàsak kon màlà.

2 Peter 2:21

Wakù pe iwa iwechippù eppaino tok pona wakù pe we'nàtok ye'ma ittusak tok uya pùla iwechi yau, ittusak tok uya yentai molopai nen uchi tok welattà màlà tùnamasen Law Katù winàpaino ittùsak kon tok yemyak winàpai.

2 Peter 3:2

Pena yekamasak kon wakù ton Katù Maimu yenpoikannannùssan winà ittu auya'nokon iche wessaik, molopai Itepulu Jesus Pùikattànài wettok ikupù iche yeunossak kon nekamappù àpàkù'nokon.

1 John 4:21

Sàlàichi màlà Christ uya suwa ekkà tetok tùuya ke lepa'nàppà lùppù, mùkkàlà Katù pùnùnmanài uya nàlà tùtonpa pùnùnma màlà.