Galatians 6:1 - Patamuna New Testament Revised

¹ Utonpa yamùk, ànù'là uya àli kupù yeposak yau, àsà pe pùla amyamlo akkwalù yawon kon uya innappo tukka màlà ikasa iwenatoppe. Molopai elanneppe mettàik, amyamlo nàlà usetaluipa àli ànkuppai tukaik.

Galatians 6:1 ပူးပေါင်းရင်းမြစ်များ

Matthew 11:29

Uyapyoto pe ettàk kon, molopai uwinàpai esenupatàk kon. Masapùla tùusentupasen Iulà molopai àssà'mùn Iulà uyeselu yau. Molopai ayakkwalù kon wàlàkkattok yepolo auya'nokon màlà.

Matthew 26:69

Peter wechippù màlà chichiu pe polopo pùloloi po, Eke paatele yapyoto yamùk tonpa ema'non uyàpùppù ipyak, molopai, “Àmàlà nàlà wechippù ku Jesus Galilee pon ya'là,” teppù ya.

Matthew 26:75

Molopai Peter uya Jesus uya tùpàk, “Kalicho tàwù wapiya, àsolùwau, itekkwa, ‘Ittunài pen Iulà,’ te auya màlà,” teppù ittuppù. Iwepakkappù, molopai ikalawùppù tùuseka'nonkaik.

Matthew 9:13

Itàtàk kon uchi molopai sàlà Katù Maimu nekama pàk esenupatàk kon, ‘Usentuppantok ichelok Iulà kamo tùlù tùpottàsen pe ichelok pen.’ {Hosea 6.6} Masapùla wakù ton tùnamasan kappon yamùk kà'mase uyàssak pen sàlà, tùse àli ku'nàinan làkku kà'maik uyàssak,” tukaik.

Romans 14:1

Kappon attu'mùla nai'nùk ailontetok yau yanùntàk kon àkklotakù'nokon, tùpatalà là ichenumenka pàk tùusàlàmaik pùla.

Romans 15:1

Kùmyamlo meluntà pe nai'nannùk ailontetok yau, wechi màlà attu'mùn pùikattànnan pe molopai iche we'nàtok nokon neken kasa tùwessan pe pùla.

Romans 8:6

Àli kappon yeselu wechi màlà weli'nàtok ne'nài pe. Tùse eusenumenkatok kon yepulu pe Wakù Akkwalù wettok màlà wema'nàtok molopai echitonpa pe we'nàtok ne'nài.

1 Corinthians 10:12

Màlàpàk meluntàk àwà'mùssakkasappe ittu auya yau, tùttuik mechiik ewekkawai'ma tukaik.

1 Corinthians 14:37

Ànù'là Katù winàpaino itekale yenpoikanài pe tùwechi wapùla Wakù Akkwalù yesappe tùuchittusen wechi yau, tàwà nùttui sàlà tùmenukayai'nùk apyakù'nokon wechi Itepulu winàpaino imaimu yawàlà we'nàtok pe.

1 Corinthians 2:15

Kappon, Akkwalù yesappe nai'nùk mùkkàlà wakù pe tamù'nawolon yà'là yamùk wettok wechi ittunài. Tùse ànù'là uya mùkkàlà kappon pàk ikasa pùla messaik tetok pùla iwechi màlà.

1 Corinthians 3:1

Utonpa yamùk, uselupa pùla iwechi màlà àpokonpe'nokon Akkwalù yesan pokonpe uselupa kasa, tùse kappon yeselu yau wema'nà kasa, mule yamùk lùkkwà Christ yau nai'nannùk kasa.

1 Corinthians 4:21

Yà'là kupù uya làkku ken iche messatàu? Eyippottok kon uya nepù uya ka' màlà uyàpù yau lù wapùla à'nùnmatok kon uya molopai wakù pe yakkwalù?

1 Corinthians 7:5

Ke'nulunpatàu uchi, tùse “Masa ka' tàwà we'nà lù malalà wàpùlemantoppe,” te neken nà. Molopai lànen uchi ànkupù kon kupù kon pa Settan uya ittuntok yak ewettùlù kon tukaik, ipàlikatok auya'nokon pàk.

2 Corinthians 10:1

Tùusentuppaik molopai wakù pe Christ wettok winà, apawanattàyatàu Iulà. Iulà Paul “àssà'mùn” apyau'nokon wechi yau, tùse “meluntà” apyau'nokon pùla wechi yau.

2 Corinthians 2:7

Sàlà peichi, mesentuppatàik ipàk molopai itewan mipittàtàik, ippla kulu ichewankono'ma tukaik molopai iwe'nonka tukaik.

2 Corinthians 2:8

Apawanattàyatàu uchi Iulà, à'nùn kon pe kulu iwechi yekama kon pa ipàk.

Galatians 5:23

tenpe we'nàtok, molopai esak yepulu pe we'nàtok. Sàlà yamùk winàkàik law pùla iwechi màlà.

Galatians 6:18

Kùyepulu kon Jesus Christ wettok wakù pe ayakkwalù kon yesappe nechii, utonpa yamùk. Emen.

1 Thessalonians 4:1

Molopai uselupa wenukapù pe, te uya utonpa yamùk, mesenupatantàu ku ina winà tà yà'là kasa là wema'nàtok Katù yauchinpanài pe wechi mùttutantàu. Sàlà kasa làkku ewemapù kon màlà. Màlàpàk nen uchi sàlà ina uya kulu apawanattà kon, Itepulu Jesus yesek yau, wakù peiwa i'napailà ewemapù kon pa.

2 Thessalonians 3:15

Tùse eyeyaton kon pe kùkkuttàu, wapùla làkku, yekamappotàk kon àtonpa kon kasa.

2 Timothy 2:25

àsà pe tùwessan tùwinàik panamai àssà'mùla, Katù uya tok lepa tok upokoitatok ke yakan pe molopai ailon ittutok tok uya winàkàik tok welattà yakan pe.

Hebrews 12:13

Itàtàk kon tossalon asanta tawà, molopai mùkyamlo sesen pan kon wena tu'ma toppe meluntà pe molopai tok uchipittà toppe.

Hebrews 13:3

Patikichi tawon kon mùttutàik tok tonpa pe patikichi tau ewechi kon kasa tiuchittuik. Molopai mùkyamlo tùtalumattàsan, tok pokonpe ewettalumattà kon kasa.

James 3:13

Pukkek molopai ittunài na' kappon molo nai àkklottau'nokon? Tàwàichi yekamakà wakù pe ewelaikatok molopai eyeselu winà wakù eyeselu ikonekasak, àsà pe pùla pukkeppe we'nàtok pokonpe.

James 3:2

Tamù'nawolon kon kùmyamlo echipalà'ne ikasa pùla tùwessan. Kappon ikasa pùla tùwessen pen tùuselupatok winà mùkkàlà wakù kulu, molopai ikasa neken tùwessen kappon, molopai tamù'nawàlà tesak yepulu pe tùwessen.

1 Peter 3:15

Tùse Christ namatok auya'nokon yesappe ettàk kon eyewan kon yau molopai Eyepulu kon pe ikuttàk. Tùwekonekaik ettàk i'nai yattai là enpen we'nàtok ayau'nokon nai'nùk wenai ewettok kon yekama kon pa eyekamappo kon ànù'là uya yau.

1 John 5:16

Ànù'là uya tùtonpa wemakuima weli'nàtok yak anài pen pàk yene yau, tàwà nàpùlemai ipona molopai Katù uya màlà wema'nàtok ke ilepa. Mùkyamlo weli'nàtok yak anài pe pùla tùwemakuimasan pàk wate uya nai'nùk. Tùse molo man àli kuttok weli'nàtok yak anài, molopai, “Màpùlematàik màlà pàk,” te uya pùla man.