Galatians 5:3 - Patamuna New Testament Revised

³ Wa te uya tu'ma sàlà ànù'là kàyik yattàsak Jew yamùk yattàtok yeselu yawàlà pàk, “Tamù'nawolon law yawàlà nechii,” te uya.

Galatians 5:3 ပူးပေါင်းရင်းမြစ်များ

Matthew 23:16

“Àsà pe iwechi màlà àpona'nokon, enpùla echii'ma anàinan! Enupannan amyamlo, ‘Ànù'là uya suwa wechi màlà tesak Katù yùwùk winà yau, yà'là pe iwechi pen màlà, tùse watesak ya kolù Katù yùwùk tawon winà yau, mùkkàlà yachisak màlà ikupù uya màlà teppù ya lùppù uya,’ tukaik,” teppù Jesus uya.

Matthew 23:18

Enupannan nàlà amyamlo, ‘Ànù'là uya suwa wechi màlà tesak itùsak lùppù pottà yapon Katù yùwùk tawon yesek winà yau, ikupù uya teppù tùuya kupù ya kulu pen màlà, tùse ànù'là uya wa wechi màlà tesak tùpottàsen màlà ipottà yapon pon yesek winà yau mùkkàlà ikupù uya teppù tùuya kupùik!’ tukaik.

Luke 16:28

Mùyak etoikenan kon utonpa yamùk molo man. Tàwà nùtài tok yelupase tok uyàpù sàlà wettalumattàn patassek yak tukaik,’ teppù.

Yeunossak kon Wotokoyi 15:1

Tùulon kon kàyik yamùk uyàpùppù màlà Judea poi Antioch pona molopai tok wepyattàppù ailon tawonnan Jesus pàk yenupa pàk, “Ewepùikattàsak kon pen màlà Jew yamùk yattàtok yeselu yawà ausattàsak kon pùla iwechi yau Moses uya wa tetok kasa,” tukaik.

Yeunossak kon Wotokoyi 2:40

Peter uya tok yelupappù tukke tok yeka'nonka pe, “Epùikattàtàk kon, sàlà wettalumattàntok nùyàsai'nùk pùsamlo àli ton kappon yamùk sàlà yattai nai'nannùk pona winàpài!”

Yeunossak kon Wotokoyi 20:21

Asakklàma Jew yamùk molopai Jew yamùk pen panama pe kulu tok yelupappù uya, tok welattà toppe tùmakuyi kon winàpai Katù winàkàik, molopai ailon te toppe tok uya Kùyepulu kon Jesus pàk.

Romans 2:25

Law maimu yawàlà ewechi yau, Jew yamùk yattàtok yeselu wechi màlà tapulàsen pe. Tùse imaimu yawàlà pùla ewechi yau, yà'là pe pùla iwechi màlà pùikappe là pùla.

Galatians 3:10

Mùkyamlo law winà tùwepùikattàiche tùwessan wechi màlà pa'nù'nàtok yo'no. Masapùla Katù Maimu uya, “Ànù'là tamù'nawàlà iwe'menukasak nai'nùk Kaleta law yapon pàk, yawàlà tùwessen pen wechi màlà pa'nù'nàtok yo'no!” tesak man. {Deu 27.26}

Galatians 5:2

Yetatàk kon, Iulà Paul nekamayan àpàkù'nokon: ayattàtok kon pe ewekkupù kon Jew yamùk yattàtok yeselu yawàlà yau, Iwoton pe pùla Christ wechi màlà àpona.

Galatians 5:6

Masapùla Christ Jesus ponaloppe we'nà yau, Jew yamùk yattàtok yeselu yawàlà yattàsapspe we'nà wapùla yattàsappe pùla we'nà uya tùpatalà'ne ku'nàsak pen màlà. Tùse ailon tetok màlà tùttusen kulu tùusenpoikasen uchi'nùnmantok yai.

Ephesians 4:17

Itepulu Jesus yesek yau uchi wa ukayaik molopai tekamayaik tu'ma: Jew yamùk pen kasa ichi kemattàu, iichenumenkatok pùnon, kasa,

1 Thessalonians 4:6

Màlàpàk uchi ànù' là iwalai pen nà kuttak tùtonpa kon winàkàik, wapùla wakù pe là iwemattok mattanùttak. Sàlà yekamappù ku ina uya àpàkù'nokon, ina eyekamappotantàu tùuseka’nonkaik, Itepulu Jesus uya màlà yekkwa ton àli ku’nàinannùssan talumattà màlà.

1 John 4:14

Molopai yensak kùuya'nokon man molopai yekama man tùulon kon pàk Kùkàipùnù uya Tùmu yeunokoppù sàlà wolù yawon kon pùikattànài pe iwettoppe.