Galatians 5:14 - Patamuna New Testament Revised

¹⁴ Masapùla tamù'nawolon law pilichak màlà tewinan usenupantok uya, “Ayakontalù i'nùnmakà eyiwalà mechi'nùnmayai'nùk kasa,” tawon. {Lev 19.18}

Galatians 5:14 ပူးပေါင်းရင်းမြစ်များ

Matthew 7:12

“Ewinàkàik ikupù iche ewettok kon mùkuttàik tùulon kon winàkàik. Sàlàichi màlà Law molopai Katù Maimu yenpoikannan uya enupantok,” teppù Jesus uya.

Galatians 6:2

Àtonpa kon ipùikàttàtàk kon inalà yalà pàk. Molopai sàlà kasa màlà Christ law yawàlà ewechi kon.

John 13:34

Emennak Enupantok tùlù uya sàlà, echi'nùn pe ettàk kon. Uyi'nùn pe àkupùppù kon uya kasa, mechinùnmatàik.

Mark 12:31

Sàlà màlà yakon tùkussen kulu enupantok. ‘Kappon i'nùnmakà eyiwalà mechi'nùnmayai'nùk kasa,’ tawon. Sàlà yamùk asa'lon enupantok yentaino pùla iwechi màlà,” tukaik.

1 Timothy 1:5

Ailon uchi'nùnmantok pàk tok menupaik esukenan ewan yapai tùuyàsen, molopai tùwanmùla we'nàtok ewan yau yapai, molopai ailon tetok i'napailon kulu yapai.

Mark 12:33

Katù i'nùnmakà tamù'nawàlà eyewan ke, tamù'nawàlà eusenumenkatok ke, tamù'nawàlà ayapàikketù ke. Molopai ayakontalù i'nùnmakù eyiwalà mechi'nùnmayai'nùk kasa mùkapàssaik. Wakù pe iwa màlà sàlà asa'lon enupantok yawàlà we'nà wechi, tùpottàsen nà tùlù Katù yemyak yentai molopai kamo tùlù yentai,” teppù ya.

Galatians 1:6

Uyenumenkasak kulu auya'nokon man! Masapùla tachin pe pùla mùkkàlà Christ wettok wakù pe winà àkà'manàippù'nokon nonka auya'nokon pàk, molopai ewelattà kon pàk tùulon itekale pàkàlà.