Galatians 5:11 - Patamuna New Testament Revised

¹¹ Utonpa yamùk, yà'là pe ken iwechi pàk utalumattà sàlà Jew yamùk yattàtok wechi iche kulu we'nàtok pe yekama pàk lùppù wechi yau? Màlà wechi ailon pe yau, Christ wettalumattàtok pulusuk po yekama pàk wettok Usya tùulon kon utaimelunpatok kupù pen màlà.

Galatians 5:11 ပူးပေါင်းရင်းမြစ်များ

Yeunossak kon Wotokoyi 16:3

Paul wechippù Timothy anapai ta'là, màlàpàk yattàppù ya Jew yamùk yattàtok yeselu yawà. Sàlà kupùppù ya màla masapùla tamù'nawolon kon Jew yamùk molo tùwemassan uya Timothy kàipùnù wechi Greek pe ittu pàk.

Yeunossak kon Wotokoyi 21:21

Eyekale yetasak tok uya man, tamù'nawolon kon Jew yamùk yenupa pàk ewechi, Jew yamùk pen patassek yau tùwemassan, Moses winàpaino enupantok nonka toppe tok uya, molopai tùmunkà kon yattà tok uya pùla iwettoppe Jew yamùk yattàtok yeselu yawàlà.

Yeunossak kon Wotokoyi 21:28

“Israel pon kon, ina ipùikattàtàk! Pùsàlà mùkkàlà kàyik mailàlà tùusalà pàk tùwessen, tamù'nawolon kon yenupa pàk kùtonpa kon yamùk, kùmàlà'nokon law, molopai sàlà Katù yùwùk, tawon talumattà pe. Molopai tu'ma Jew yamùk pen tonpa yamùk nessak ya nàlà man sàlà Katù yùwùk tak, sàlà wakù pata koppose,” tukaik tok wentaimeppù.

1 Corinthians 1:18

Masapùla Christ welittok pulusuk po yekale màlà wo'mattantok mùkyamlo tùumattasan pona, tùse kùmyamlo iwepùikattàsak kon pona Katù yapàikketù pe iwechi màlà.

1 Corinthians 1:23

Tùse ina mùkyamlo Christ welikùppù pulusuk po yekale yekamannan, Jew yamùk wettatai'matok ipona, molopai wo'mattantok Jew yamùk pen pona;

1 Corinthians 15:30

Molopai ina nen uchi, yà'là pe ken iwechi pàk mei pùla mattantok kupù ina uya nai'nùk pata weyu kaichalà?

Galatians 2:3

Uya'lonnà Titus, yeka'nonkappù Jew yamùk yeselu yawà yattàtoppe pen màlà, Greek pe lànen tùse.

Galatians 3:1

Pakko ton Galatia pon kon! Ànùk uya ken epe pùla ewelaika kon pa àkupùppù kon? Eyemloto kon po ku yene kon pa Jesus Christ pukapàtùppù pulusuk pona yekamappù uya àpàkù'nokon?

Galatians 4:29

Màlà yattai mùkkàlà mule wentunsek kasa iwentusak lùppù uya, Akkwalù meluntàlù winà iwentusak lùppù talumattàppù, molopai wa lùppù man sàlà pe.

Galatians 6:12

Mùkyamlo teselu kon polopon yentoppe enenpoikapainai'nannùk wechi màlà Jew yamùk yattàtok yeselu yawàlà ayattàtok kon pe eyeka'nonkaiche'nokon. Sàlà kupù tok uya màlà Christ pulusukù pàkànsau tùttalumattà kon tukaik.

Galatians 6:17

Uselupa wenukapù pe, ànù'là uwanittàpatak, masapùla uyesak pattàpàssak yàlùppù man upolo Jesus ponaloppe wechi yekamanài pe.