Galatians 5:10 - Patamuna New Testament Revised

¹⁰ Tùttuyaik Itepulu yau tùulon usenumenkantok yanùmù auya'nokon pùla iwechi, molopai mùkkàlà utaimelunpantok yak àtùyatài'nùk talumattà màlà, ànùk pe là iwechi yau.

Galatians 5:10 ပူးပေါင်းရင်းမြစ်များ

Yeunossak kon Wotokoyi 15:24

Ina netatai tùulon kon kappon yamùk, ina tonpa yamùk utàppù molopai awanittàpa eusenumenkatok kon yaimelunpappù tok uya tùuselupa kon ke, sàlà kuttoppe tùuya'nokon tapyontàtok kon yepolo tok uya pùn ina winàpai.

1 Corinthians 5:5

Settan yemyak pùsàlà kàyik mùtùtàik ipun umattatoppe, yakkwalù wepùikattàtoppe Itepulu Weyu yattai.

2 Corinthians 1:15

Sàlà ittui'ma kulu akakklanpa kon pàk wekkupùppù wapiya, autauchinpa kon pa asak itekkwa.

2 Corinthians 10:2

Apawanattà kon uya, apyakù'nokon uyàssak yau meluntà pe wechi pe uyittu auya'nokon tukaik, mùkyamlo sàlà wolù yeselu yamùk yau ina welaika pe ittunnan pàk wettok woton kasa.

2 Corinthians 10:6

Màlàpàk tamù'nawolon yau imaimu yawàlà eppai ewechi kon yau, ànù'là nen uchi imaimu yawolon pen talumattà ina uya màlà.

2 Corinthians 13:10

Màlà pàkànsau sàlà yamùk menuka uya sàlà apyau'nokon pùla echiima, miyalà uyàssak yau àsà pe usàulàma tukaik. Itepulu yapàikketù intùlùppù upyak anapulàpai wessaik meluntà pe ama tok kon pe uya, atalumattàtok kon pe pùla.

2 Corinthians 2:3

Màlàpàk uchi kaleta menukappù uya, apyakù'nokon uyàssak yau esewankono'mapai pùla wechi pàk mùkyamlo kappon yamùk uyauchinpanài pan kon winà. Masapùla ailon ukayaik, utauchinpa yau, tamù'nawàlà nàlà nen uchi autauchinpa kon.

2 Corinthians 2:6

Eichilà man pùsàlà kappon talumattàppù tamù'nawolon kon lùiwa lànen amyamlo winà.

2 Corinthians 5:16

Màlàpàk sàlà motapai kappon nùttutok yawà ànù'là ittunài pen ina. Pena lànen Christ ittupù ina uya kappon uya ituntok yawà. Màlà ku'nài nan pen nen uchi ina.

2 Corinthians 7:16

Utauchinpayaik kulu àpàkù'nokon enpen wechi pàk tamù'nawolon yau.

2 Corinthians 8:22

Màlàpàk tùwe'wotokoma kon tonpa yeunossan ina tok pokonpe, ina uya ittusak man tukke itekkwa alikyeppe kulu iwechi pùikattàntok pàk. Enpen nen uchi àpàkù'nokon tùwechi pàk, àpùikattàpai'nokon kulu iwechi màlà.

Galatians 1:7

Itekale pen kulu màlà. Tùse tùulon kon kappon yamùk utaimelunpantok yak àtùyatàu molopai Christ yekale mùyakanmaiche tok man.

Galatians 2:4

Sàlà kasa iwechippù màlà masapùla tùulon kon ina tonpa yamùk pe tukaik tùusenakassan uyàpùppù màlà ina kùlottak tùwanmùla Christ Jesus yau ina wemapù yense amak yai, molopai apyoto pe ina kusse.

Galatians 2:6

Mùkyamlo nàlà eke ton ennàinan pe tukaik tùwessan, ànùk pe là tok wessak uya tùpatalà tok kussak pùla iwechi màlà upona. Masapùla Katù mùkkàlà polopo usennàtok pàk ittunài pen. Mùkyamlo là kàyik yamùk uya uselupatok tonpattàpàssak pùla man.

Galatians 3:1

Pakko ton Galatia pon kon! Ànùk uya ken epe pùla ewelaika kon pa àkupùppù kon? Eyemloto kon po ku yene kon pa Jesus Christ pukapàtùppù pulusuk pona yekamappù uya àpàkù'nokon?

Galatians 4:11

Usenalippayaik, yà'là woton pe pùla àpàkù'nokon we'wotokomasak yeselùkek iwechipàk.

Galatians 4:17

Tùulon kon kappon yamùk mùkyamlo tùusennakasan kulu ayachitok kon pe neken tùuya'nokon tukaik, tùse wakù ponaloppe pùla. Uwinàpai apantakaiche'nokon tok wechi màlà molopai tùponalok kon pe neken ewechi kon pa.

Galatians 4:20

Apyau'nokon kulu eppai wessaik sàlà pe, tùulon pe eyelupatoppe uya. Utaimelunpasak kulu man àpàkù'nokon.

Galatians 5:12

Mùkyamlo ayaimelunpayatài'nannùk utà Jew yamùk yattàtok yentak iche wessaik, tàwà tok nùsattàkapùi.

Galatians 5:7

Wakù ye'ma tawà ku mettantàu tà! Ànùk eyeleutanùttantàu molopai àkuttantàu ailon yawàlà ewettok kon pe pùla?

Galatians 6:17

Uselupa wenukapù pe, ànù'là uwanittàpatak, masapùla uyesak pattàpàssak yàlùppù man upolo Jesus ponaloppe wechi yekamanài pe.

Philippians 3:15

Tamù'nawolon kon uchi kùmyamlo ichemokkasak kon nùsenumenkaik tàwàlà sàlà kasa. Molopai yà'là yekkwa yau là tùpatalà eusenumenka kon yau, Katù uya yekama màlà àpàkù'nokon.

2 Thessalonians 3:4

Molopai ina uya kulu Itepulu yau ailon pe ittusak man, eyenupatok kon ina uya maimu yawàlà ewechi kon, molopai imaimu yawàlà luppù ewechi kon tàwàlà.

1 Timothy 1:20

Tok kùlottau Hymenaeus man molopai Alexander, mùkyamlo untùlùssan Settan meluntàlù yemyak tok usenupatoppe, àli pe Katù pàk tùuselupa kon yeleutanùttoppe tok uya.

Philemon 1:21

Sàlà menukai'ma unekamappoppù kupù auya pe kulu tùttuyaik molopai yekamappoppù uya yentai ikupù auya pe.