Galatians 5:1 - Patamuna New Testament Revised

¹ Imokkasappe we'nàtoppe sàlà Christ uya kùmokkasakù'nokon. Meluntà pe à'mùssakkatàk kon molopai apyoto pe tu'ma we'nàtok yak kettùtàu.

Galatians 5:1 ပူးပေါင်းရင်းမြစ်များ

Matthew 23:4

Eme'neppe yaplu konekannan mùkyamlo molopai kappon yamùk mùpona yaulonnàinan, tùse tewinnà elekkwà temyatù kon ke yanùmù pàk alikyeppe tok wechi pen màlà màlà yamùk yaplu yalà pàk.

Luke 5:38

Kane! emennak tinchisen yemaika nen màlà emennak wai yak.

Yeunossak kon Wotokoyi 15:10

Yà'là pe ken uchi iwechi pàk màlà Katù tùlùiche ewechi kon ittutok yak eme'nek tùnonkase ailon tawonnan mùpona kùtamo kon yamùk là wapùla kùmyamlo là uya yalà yentaino?

Romans 6:14

Makui eyepulu kon pe kùsettak, masapùla Law maimu yawàlà tùwemassan pen amyamlo. Tùse wakù pe Katù wettok yo'no làkku tùwemassan.

Romans 6:18

Àmokkappù kon màlà àli, eyepoi ewechippù winàpai, wakù pe we'nàtok, ikasa we'nàtok yapyoto pe nen uchi ewenasak kon màlà.

Romans 7:3

Màlàpàk uchi, tùulon kàyik pokonpe iwemapù tùtayappù welichak pùla tùse yau, “Mùkàlà wechi tùwemali'mappù ipokonpe pen pokonpe màlà. Àli ku'nài mùkkàlà,” te màlà. Tùse itayappù welichak yau, yachinài pùla iwechi màlà màlàpàk àli kupù ya pen, tùulon kàyik pokonpe iwemali'masak yau.

Romans 7:6

Sàlà pe kùnonkasak Law uya man, masapùla weli'nàsakù'nokon màlà kùyachinàippù'nokon winàpai, yachichak kon patikichi tak kasa kùku'nàippù winàpai. màlàpàk imenukasak lùppù Law yeselu yawàlà tùwessan pe we'nà pen sàlà , tùse emennak Law Wakù Akkwalù yeselu yawàlà tùwessan.

Romans 8:15

Masapùla Wakù Akkwalù Katù uya elepatok kon màlà apyoto pe àku'nài'nokon pen molopai eusenalipa kon pa tu'ma àku'nài'nokon pen, tùse Wakù Akkwalù làkku màlà Katù munkà yamùk pe àku'nài'nokon. Molopai Wakù Akkwalù meluntàlù winà Katù pàk, “Abba! Ukàipùpù!” tawonnan kùmyamlo.

Romans 8:2

Masapùla Wakù Akkwalù yeselu meluntàlù wema'nàtok ne'nài Christ Jesus ponalok kon piyak uya, upùikattàsak man makui yeselu molopai weli'nàtok winàpai.

1 Corinthians 15:58

Màlàpàk uchi, u'nùn ton utonpa yamùk, meluntà pe ettàk kon, katamatàu. Tamù'nawàlà tàwàlàlà Itepulu wotokoyi yak ettùtàk kon. Masapùla Itepulu yau àwotokoyi kon wechi iwoton pe pùla là pen màlà.

1 Corinthians 16:13

Elanneppe ettàk kon, ailon tetok yau meluntà pe ettàk kon, katamatàu, tùusenalippaik pùla ettàk kon.

1 Corinthians 7:22

Masapùla tepotolù kenan, Itepulu uya tùkà'ma yattai mùkkàlà Itepulu nùmokkappù, màlà kasa làma itepotolù pùn tùkà'ma yattai wechi màlà Christ yapyoto pe.

2 Corinthians 11:20

Ànù'là apyoto pe àku'nài'nokon pàlikannan amyamlo, wapùla mùkkàlà eyeka'nonkanài'nokon yà'làlà kupù kon pa, wapùla yà'làlà itesak pe ewettok kon mokanài, wapùla tùtalumayi pe eyennài nokon, wapùla eyenpata kon ippo'nài.

2 Corinthians 3:17

Itepulu uchi mùkkàlà nai'nùk Akkwalù molopai Itepulu Yakkwalù wettok imotau yau, iwemokkasappe we'nàtok wechi màlà molo.

Galatians 2:4

Sàlà kasa iwechippù màlà masapùla tùulon kon ina tonpa yamùk pe tukaik tùusenakassan uyàpùppù màlà ina kùlottak tùwanmùla Christ Jesus yau ina wemapù yense amak yai, molopai apyoto pe ina kusse.

Galatians 3:25

Sàlà pe nen uchi ailon tetok uyàssak man, law, kùyesak kon, yo'no làma pùla nen uchi we'nà man.

Galatians 4:26

Tùse Jerusalem epùn po nai'nùk mùkkàlà appyoto pen, molopai kùsan kon mùkkàlà.

Galatians 4:31

Màlàpàk nen uchi, utonpa yamùk, appyoto nossan munkà pen kùmyamlo, tùse appyoto pen munkà.

Galatians 4:9

Tùse sàlà pe Katù mùttuyatàik, wapùla, màlà yentak Katù eyittuyatàu, yà'là pe ken uchi iwechi pàk ennappopai ewechi kon màlà attu'mùnon molopai italumayichan eselu yamùk yak? Itappyoto pe tu'ma ka' eppai messatàu miyalà lùppù lù?

Galatians 5:13

Amyamlo utonpa yamùk kà'mappù màlà apyoto pe pùla we'nàtok yak. Tùse sàlà apyoto pe pùla ewettok kon kùsapulàtàu àli ànkuppai ewettok yak ayanài'nokon pe. Tùse làkku tùwepùikattàse ettàk kon uchi'nùnmantok yau.

Ephesians 6:14

Màlàpàk tùwekonekaik ettàk kon. Ailon ke epokùlùyittàtàk kon. Ikasa we'nàtok itùtàk kon àpplopo kon wapu pe.

Philippians 1:27

Tùse yà'là pe là wechi pe iwechi yau, Christ yekale nekama yawà memattàik tàwàlà. Màlàyau nen uchi eyense'nokon utà wapùla utà pùla là iwechi tùse eyekale kon neken nà yetatoppe uya, tamùkke tewin itewan, tewin ichenumenkatok, molopai meluntà pe ewechi kon wakù itekale ponaloppe yetatoppe uya.

1 Thessalonians 3:8

Màlàpàk nen uchi ina wemapù kulu sàlà, meluntà pe ewemattok kon wechi Itepulu yau pàk.

2 Thessalonians 2:15

Màlàpàk uchi ina tonpa yamùk ailon pe kulu ettàk kon, eyenupappù kon yawàlà, ina uya apanamappù kon tùnta kon yai, wapùla kaleta ina nùmenukappù yau là.

Hebrews 10:23

Enpen we'nàtok kùnekama kon pàk sa'man pe tùutachiik we'nàpai'nokon, masapùla ailon mùkkàlà Katù ikupù tùuya teppù tùuya lùppù kupù pàk.

Hebrews 3:14

Masapùla uyà'nàsakù'nokon nai'nùk Christ pùkkù pe, utachinpai'nokon uchi meluntà pe wapiya ailon teppù kùuya'nokon nùppù pàk, iwenukapù tepose.

Hebrews 3:6

Tùse Christ mùkkàlà ailon, paatele, imu. Molopai kùmyamlo mùkyamlo itùwùk, meluntà pe tùusenalippaik pùla molopai enpen we'nàtok kon pàk tùutachiik we'nà'nokon yau.

Hebrews 4:14

Mùkkàlà eke kulu paatele yesappe we'nà'nokon man, mùkkàlà iitàsak lùppù Epùn pona, Jesus, Katù Mumu. Màlàpàk uchi meluntà pe utachinpai nokon, ailon tetok kùuya'nokon pàk.

1 Peter 2:16

Yachinài pùn kasa emattàk kon, molopai imokkasak pe ewettok kùsapulàtàu yà'làlà àli waputàtok auya'nokon ike pe, tùse Katù yapyoto ton pe emattàk kon.

2 Peter 2:19

Pùsamlo enupannan uya, “Iche ewettok kon ikuttàk kon, tàwà ayachinài'nokon pùla nechii!” te tok pàk, tàliyi kon toi'manài'nokon yeselu yapyoto pe echii'ma'nokon. Masapùla kappon mùkkàlà yà'làlà tentaikanàippù yapyoto.

Jude 1:3

Utonpa yamùk, tùusenumenkaik kulu kaleta menuka pàk wekkupùppù apyakù'nokon wepùikattàntok Katù nùtùlùppù kùponalok kon pe nai'nàk pàk, tùse emenuka uya làkku sàlà eumeluntàta kon pa ewepanta'ma kon pàk ewechi kon pa ailon tetok ipàk pàkànsau tewin itekkwa neken molopai tamù'nawolon pe Katù uya tùponalok kon lepatok ike.

Revelation 2:25

Tùse eyenupatok kon itesappe messatài'nùk kù'nonkatàu kulu uyàpù ponalà.

Revelation 3:3

Ittukàichi eyenupappù lùppù molopai enetappù lùppù, imaimu yawàlà ekkà, amakuyi winàpai elattàkà. Aupaka pùla ewechi yau, amak kasa uyàpù màlà apyak, molopai yà'là yattai là uyàpù ittu auya pen.