Galatians 4:8 - Patamuna New Testament Revised

⁸ Pena Katù ittu auya'nokon pùla ewechi kon yau, katù yamùk iwalai non pen yappyoto pe ewechippù kon màlà.

Galatians 4:8 ပူးပေါင်းရင်းမြစ်များ

John 1:10

Mayin wechippù màlà wolù po, mùkkàlà yai wolù wekonekappù, tùse wolù uya ittu pùla iwechippù.

Yeunossak kon Wotokoyi 14:12

Tok uya Barnabas yesettàppù Zeus pe molopai Paul yesek Hermes pe masapùla mùkkàlà wechippù tùuselupasen pe.

Yeunossak kon Wotokoyi 17:23

Masapùla usalà apata kon yawàlà yau, tentai àwàpùlema kon patassek, molopai tepotai molo imenukasak, ‘Tùtusen pen Katù pàk,’ tawon. Mùkkàlà màpùlemayatài'nùk ipàk, ittu auya'nokon pùla là tùse, mùkkàlà yekama uya sàlà àpàkù'nokon,”

Romans 1:23

Tùwelichen pen Katù yapulànnan pen mùkyamlo molopai inamannan pen, yà'làlà ikonekasak kon kappon tùwelichen kasa, tolon yamùk kasa, kamo yamùk kasa molopai ululu pe tùusasan kasa, màlà yapulànnan mùkyamlo.

Romans 1:28

Màlà pe neken pùla kappon yamùk uya Katù tùttuik we'nàtok yekale nulunpasak tanùnse pùla pàk, tok tùsak ya màlà àli pe tok usenumenkantok yemyak, àli ton tùnkupù kon pen kuttoppe tok uya.

1 Corinthians 1:21

Masapùla Katù uya tùpukketù yai kappon yamùk kupùppù wolù pukketù yau tùttutok tok uya pùla. Tùse làkku Katù wekkupùppù “Mùkyamlo ailon tawonnan ‘wo'mattantok’ itekale pàk pùikattà uya màlà,” tukaik.

1 Corinthians 12:2

Mùttuyatàik Katù ittunnan pe pùla ewechi kon yau, ailon pen, tùuselupasan pen katù yamùk winàkàik autatùppù kon.

1 Corinthians 8:4

Màlàpàk uchi kùyali ailon pen katù yemyak itùsak lùppù napù yau, ittu'nokon man ikonekasak katù wechi yà'là pe pùla kulu i'nailàlà. Molopai tewinan neken Katù wechi molo.

Galatians 4:3

Màlà kasa làma we'nàppà'nokon. Sàlà wolù yeselu yapàikketù yappyoto pe.

Ephesians 4:18

molopai ichenumenkatok ewalupàttau nai'nùk. Katù nùtùlù wema'nàtok pùkkù pe pùla tok wechi màlà, masapùla ittunài pe pùla tok wechi pàk molopai sa'man pe tok yewan wechi.

1 Thessalonians 1:9

Akakklanpasak kon ina uya yattaino lùppù pàk tamù'nawàlà kappon yamùk tùuselupasan tùutauchinpaik, ina yanùmùppù auya'nokon pàk. Molopai tùutauchinpaik ewelattàsak kon ailon pen katù winàpai ailon molopai tàwàlàlà tùwemassen Katù winàkàik itapyoto pe pàk tùuselupasan mùkyamlo.

1 Thessalonians 4:5

Iche ewettok yappyato pe kechii wapùla kemapùi, Katù ittunài nan pen yeselu kasa là iteselu kettàu.

1 Peter 4:3

Masapùla eweyu kon yapulàppù auya'nokon pena ailon tawonnan pen nùkupù kupù pàk.Tùwe'namaik pùla àli pe ewemapùppù kon man, tùuseka'nonkaik eyewan kon wechippù iche ewettok kon kupù pàk, wetùnnàtok, tamùkke wepili'nàtok ata'letàse àli kuttok itenu yau, molopai akùlù pe ailon pen tùulon katù yemloto po wepeimantok yau.

1 John 3:1

Yentàk kon eke pe Kùkàipùnù kon uya kù'nùnmappù kon! Pùnùnmantok ya wechi màlà eke pe kulu màlàpàk kùyesatù kon Katù munkà yamùk tukaik. Màlàpàk imunkà yamùk kùmyamlo. Sàlà kasa iwechi pàk wolù uya kùyittu kon pùla iwechi màlà, Katù ittusak ya pùla iwechi màlà.