Galatians 3:8 - Patamuna New Testament Revised

⁸ Katù Maimu uya yekamappù pena iwekkupù wapiya Katù uya Jew yamùk pen yanùntok woton ikasa tùpokon pe, ailon tetok tok uya winà. Molopai Itekale yekamappù ya màlà Abraham pàk pena, “Tamù'nawolon kon kappon yamùk pùlema màlà ayai,” tukaik. {Gen 12.3; Gen18.18; Gen 22.18}

Galatians 3:8 ပူးပေါင်းရင်းမြစ်များ

John 19:37

Molopai tu'ma Katù Maimu yau man, “Tok uya màlà yene mùkkàlà tùnassokkappù kon,” tawon.

John 7:38

Katù Maimu uya yekamasak yawàlà, Mùkkàlà ailon tawon upàk yewan yapai màlà wema'nà tunakkwa u'ma,” tukaik.

John 7:42

“Katù Maimu uya na' yekamasak pùla nai, David payan winà Christ uyàttok woton, David wemattok yau pata Bethlehem yapai tukaik?” teppù tok uya.

Yeunossak kon Wotokoyi 2:35

eyeyaton non kupù uya atta yapon pe, atta yo'no ponalà,’ teppù ya.

Romans 9:17

Masapùla Katù Maimu uya Pharaoh pàk, “Sàlà pàkànsau àwuluukappù uya, umeluntàlù yenpoikatoppe uya ayai. Molopai uyesek yekamatoppe i'nailàlà kappon yamùk non polon kon kùlottawà,” te. {Ex 9.16}

Romans 9:30

Yà'là te'nokon ken uchi? Jew yamùk pen ikasa tùwettùlùiche tùwessan Katù pokonpe pen, yanùmùppù màlà ikasa Katù pokonpe. Sàlà wekkussak wechippù màlà ailon tesak tok uya pàk.

Galatians 3:16

Katù uya, ‘Ikupù uya,’ tetok tùuya kupùppù màlà Abraham pàk molopai ipa pàk. “Molopai ipayan yamùk pàk” te ya pùn, tùse “Molopai apa pàk” tesak ya, {Gen 12.7; Gen 13.15; Gen 24.7} tewinan neken kappon Christ pàk.

Galatians 3:22

Tùse Katù Maimu uya tamù'nawolon kon kappon yamùk wechi màlà makui meluntàlù yo'no tesak màlà. Màlàpàk itùlù tùuya teppù Katù uya, itùsak lùppù ailon tetok Jesus Christ pàk winà tùlù màlà ailon tawonnan piyak.

Galatians 4:30

Tùse yà'là tesak ken Katù Maimu uya nai? “Apyoto nossan molopai imle yenpakkakà. Masapùla apyoto nossan mule uya tùkàipùnù yemamin pùkkù yepolo pen màlà apyoto pen nossan mule pokonpe,” tesak ya man.

Hebrews 4:2

Wakù Itekale yetappù'nokon nàlà man, tok uya yetappù kasa làma. Itekale yetappù tok uya tùse yà'là pe pùla tok pona iwechippù màlà. Masapùla mùkyamlo yetannan nùssan uya ailon tesak pùla iwechi pàk.

Revelation 11:15

Màlàyau 7 pe iku'nài inchelù uya tùwayi tàulùnpappù, molopai eke pe mayin yamùk uya epùn poi, “Itepulu pe we'nàtok non pon kon yepoi Kùyepulu kon Katù molopai ineunokoppù Christ ponaloppe nen uchi man, molopai itepulu pe iwechi màlà tàwàlàlà molopai tàwàlàlà!” teppù.