Galatians 3:1 - Patamuna New Testament Revised

¹ Pakko ton Galatia pon kon! Ànùk uya ken epe pùla ewelaika kon pa àkupùppù kon? Eyemloto kon po ku yene kon pa Jesus Christ pukapàtùppù pulusuk pona yekamappù uya àpàkù'nokon?

Galatians 3:1 ပူးပေါင်းရင်းမြစ်များ

Matthew 24:24

Masapùla ailon pen Christ molopai ailon pen itekale yenpoikannan usenpoika màlà. Eke ton wotoko molopai enumenkanài kupù tok uya màlà yanùnsak kon yennakatoppe tùuya'nokon, tok yennaka tùuya'nokon pe iwechi yau.

Matthew 7:26

Tùse ànù'là sàlà yamùk umaimu yetan nan molopai yawolon kon pen wechi màlà pakko kàyik wàssàk po tùwùk yamùnàippù kasa.

Luke 24:25

Màlàyau Jesus uya tok pàk, “Pakko pe messatàik, asse'ne ailon tawonn pe pùla messatìk Katù Maimu yenpoikannan nekamappù pàk!

Yeunossak kon Wotokoyi 16:6

Tok utàppù màlà pata Phrygia yawàlà molopai Galatia yawàlà. Wakù Akkwalù uya wakù itekale yekama toppe tok uya Asia po pùla ikupùppù.

Yeunossak kon Wotokoyi 6:7

Màlàyau Katù Maimu usekamappù mailàlà. Molopai tukke màlà yentak Jerusalem po kappon yamùk wenappù Jesus ya'lon nà pe asse'ne. Tukke lànen uchi paatele yamùk uya ailon tetok yanùmùppù.

Romans 10:16

Tùse tamù'nawolon kon uya Wakù Itekale yanùnsak pùla iwechi màlà. Isaiah uya suwa teppù, “Uyepulu Katù, ànùk uya ken ailon tesak nai ina yekale pàk?” {Isa 53.1}

Romans 2:8

Tùse mùkyamlo tùpàkù'nokon neken tùsenumenkasan molopai ailon nulunpannan àli kuttoppe tùuya'nokon pàk àsà pe Katù we'naika màlà.

Romans 6:17

Tùse tenki tepai'nokon Katù pàk, masapùla pena àli yapyoto pe ewechippù kon màlà, tùse sàlà pe ailon, yeposak lùppù enupantok, enepoloppù kon yau, maimu yawàlà ewechi kon tamù'nawàlà eyewan kon ke.

1 Corinthians 11:26

Masapùla yà'là yekkwa yattai là sàlà pùlomù pusak napù auya'nokon yau, molopai sàlà kok yapai tinchisen inchi auya'nokon yau, Itepulu welikùppù yekama pe ikupù auya'nokon màlà iyàpù ponalà.

1 Corinthians 2:2

Masapùla wekkussak wechippù màlà yà'làlà ittutok uya pùla apyau'nokon wechi yau, tùse Jesus Christ molopai ipukapàttok pulusuk po neken kulu.

2 Corinthians 10:5

Usàulàmantok kon molopai tamù'nawolon uselupantok Katù ittutok wakà'nài mattanù'nài nan ina. Tamù'nawàlà usenumenkantok yachinài nan ina, Christ maimu yawàlà iwettoppe.

2 Corinthians 11:3

Usenalippayaik àkài uya Eve yennakappù kaseipe ennakantok tùuya ke kasa làma, tamù'nawàlà ailon molopai esuken ewettùtok kon Christ yemyak winàpai eusenumenkatok kon lattà yeselùkek iwechi pàk.

Galatians 1:6

Uyenumenkasak kulu auya'nokon man! Masapùla tachin pe pùla mùkkàlà Christ wettok wakù pe winà àkà'manàippù'nokon nonka auya'nokon pàk, molopai ewelattà kon pàk tùulon itekale pàkàlà.

Galatians 2:14

Tok utà ailon Itekale yeselu yawàlà pùla yene uya pàk, Peter pàk, tamù'nawolon kon yemloto po, “Jew àmàlà, tùse Jew yamùk pen kasa memassaik, Jew kasa pùla. Yà'là kasa ken uchi Jew yamùk pen yeka'nonka auya màlà Jew yamùk yeselu yawàlà tok wemattoppe?” teppù uya.

Galatians 3:3

Atta ken uchi pakko pe kulu ewechi kon màlà! Akkwalù pokonpe ewepyattà kon tùpo na' eyiwalà'nokon kappon yeselu yau yenuka'nùpùiche ewechi kon màlà?

Galatians 4:9

Tùse sàlà pe Katù mùttuyatàik, wapùla, màlà yentak Katù eyittuyatàu, yà'là pe ken uchi iwechi pàk ennappopai ewechi kon màlà attu'mùnon molopai italumayichan eselu yamùk yak? Itappyoto pe tu'ma ka' eppai messatàu miyalà lùppù lù?

Galatians 5:11

Utonpa yamùk, yà'là pe ken iwechi pàk utalumattà sàlà Jew yamùk yattàtok wechi iche kulu we'nàtok pe yekama pàk lùppù wechi yau? Màlà wechi ailon pe yau, Christ wettalumattàtok pulusuk po yekama pàk wettok Usya tùulon kon utaimelunpatok kupù pen màlà.

Ephesians 3:8

Iulà mùkkàlà tamù'nawolon kon Katù ponalok kon kappon yamùk ma'lan kulu. Tùse Katù uya ulepappù sàlà wakù wotoko ke Wakù Itekale yatoppe uya Jew yamùk pen piyak tùwenukapù woton pen wakù ton Christ piyawon kon mamin yekamase.

Ephesians 4:14

Màlàyau mule yamùk kasa welaikan kùsettakù'nokon. Kappon yamùk ennakantakù'nokon ailon pen pàk enupan tùuya'nokon ke, yà'là yekkwa ton nà enupantok tùuya'nokon ke aimelunpantak tok, meluntà assetun uya tàntànman kasa.

Ephesians 5:15

Màlàpàk tùttuik kulu emattàk kon. Ittunnan pen kappon yamùk kasa kemattàu, tùse làkku pukkek ton kasa emattàk kon.

1 Timothy 6:4

Mùkàlà wechi màlà tùtonpa yentai tùwekkussen pe molopai yà'làlà ittu ya pen màlà, àsàulàmapai molopai e'naikapai iwechi mayin yamùk pàk, molopai sàlà uya màlà kùlùmàlunnàtok nepù, tonpa yewan ma'làtok, ànù'là mottùnpatok, àli pe usenumenkantok.

Hebrews 11:8

Ailon tetok winà Abraham wechippù màlà Katù Maimu yawàlà tùkà'masak ya yau, molopai iitàppù tùpata woton pe itùlù tùuya teppù Katù uya tùpàk yak. Tùpata nàmàppù ya i'nailà tùutà ittui'ma pùla.

Hebrews 5:9

Ikasa kulu Jesus wekonekasak pàk, mùkyamlo tùmaimu yawolon kon nà pùikattà ya màlà tàwàlàlà.

1 Peter 1:22

Masapùlaichi esuken ewenasak kon màlà ailon yawàlà ewechi kon winà, ailon uchi'nùnmantok yesappe ewechi kon tùulon kon ailon tawonan pàk pàk, echi'nùnmatàk kon eke pe tamù'nawàlà eyewan kon ke.

1 Peter 4:17

Masapùla Ittuntok yattai weyu uyàssak man, ittuntok wepyattàtoppe; molopai Katù ponalok kon mùkyamlo wapiya ittu woton kon. Kùpàkù'nokon iwepyattà yau, atta ken iwenukapù mùkyamlo Wakù Itekale Katù winàpaino pàk ailon tawonnan pen pàk?

2 Peter 2:18

Ittu tùuya'nokon kasa kulu tùuselupasan mùkyamlo tùutapulà kon pe, molopai ikasa pùla tùwemassan winàpai iwemokkasak kon emennak pe, yamùipannan mùkyamlo yà'làlà akùlù teselu kon kupù tùuya'nokon yai.

Revelation 18:3

Masapùla tamù'nawolon kon kappon yamùk pata yamùk non pon yawolon kon uya àli italumayippù pe iwettok yeuku inchippù màlà. Meluntà, àli pe eppai iwettok tesak ke yeuku. Non pon kon kin yamùk uya àli kussak man ipokonpe itayappù pe pùla echii'ma. Molopai kàyik yamùk mamin chilanmannan molopai ye'mannan non pon kon wenasak man eke pe mamin yesappe, tùuseka'nonkaik àli kuttok ya winàpai,” tukaik.

Revelation 2:20

Tùse sàlàichi màlà usenumenkatok ewinàkàik. Mùkkàlà nossan Jezebel pàlikanài àmàlà, mùkkàlà Katù Maimu yenpoikanài pe tukaik tùusesassen. Uyapyoto yamùk yenupanài mùkkàlà àli imakuyippù kuttoppe tok uya tesak kon ke, molopai Katù pen yemyak itùsak kùyali nattoppe tok uya iku'nài.