Galatians 2:9 - Patamuna New Testament Revised

⁹ James, Peter molopai John tawonnan eke ton itepulu pe tùwessan nùttutai, Katù uya sàlà wotoko ke ulepasak. Màlàpàk ina yemyatù yachitai tok, Barnabas molopai Iulà tawonnan. Echitonpa pe tamùkke tùwe'wotokomatokkonpe, Jew yamùk pen kùlottak ina utàtoppe, molopai mùkyamlo Jew yamùk kùlottak.

Galatians 2:9 ပူးပေါင်းရင်းမြစ်များ

Matthew 16:18

Màlàpàk eyesettà uya sàlà Peter pe, tàk pe. Molopai sàlà tàk po usochiyi yamù uya màlà. Weli'nàtok là uya yentaika pen màlà.

Luke 22:8

Jesus uya Peter molopai John tawonnan yeunokoppù, “Itàtàkkon, Uta'lettàntok ikonekatantàk,” teppù ya tok pàk.

John 1:42

Molopai yalàppù ya Jesus piyak. Jesus uya yeneppù molopai “Àmàlà mùkkàlà Simon, John mumu, Cephas tei'ma eyesatù màlà,teppù ya ipàk ” Peter, te ya pe iwechi.

Yeunossak kon Wotokoyi 12:17

Tok yekamappoppù ya temyatù ke eppana tok wettoppe, molopai yà'là kasa là Itepulu uya tùnessak patikichi tapai yekamappù ya tok pàk. “Sàlà mekamatàik James molopai kùtonpa kon yamùk pàk,” teppù ya molopai iitàppù tùulon yailà.

Yeunossak kon Wotokoyi 15:13

Tok wenukassak tùuselupa kon pàk yau, James uselupappù, “Kùyetatàk kon, utonpa yamùk!

Yeunossak kon Wotokoyi 15:7

Tachin pe tùuselupa kon pàk tùwechi kon tùpo, Peter wà'mùssakkappù molopai, “Utonpa yamùk, mùttuyatàik pena Katù uya uyanùmùppù àkklottapai'nokon Wakù Itekale yekama toppe uya Jew yamùk pen pàk, yeta toppe tok uya molopai ailon te toppe tok uya.

Yeunossak kon Wotokoyi 4:36

Molopai wa iwechippù mùkkàlà Joseph, Levite pe iwechi, iwentusak lùppù Cyprus po, mùkkàlà yeunossak kon nesatù Barnabas tukaik, meluntàlùnpanài te ya pe iwechi.

Romans 1:5

Mùkkàlà yai màlà Katù uya ukupùppù tùneunoko pe, Christ yesek pàkànsau, kappon yamùk tamù'nawolon pata yamùk yawolon kon Jew yamùk pen nà nen yatoppe uya ailon tetoppe tok uya, molopai Katù Maimu yawàlà tok wettoppe.

Romans 12:3

Masapùla Katù uya ulepatok wakù pàkànsau eyelupa kon uya sàlà. Ànù'là yentai ewechi kon pe kùsekamatàu. Tùse esenumenkatàk kon kulu molopai echittutàk kon esentàk ailon tetok auya'nokon Katù uya elepappù kon ike yawàlà.

Romans 15:15

Tùse sàlà kaleta yau we'namatok pùla kulu weppàssaik màlà yamùk pàk eyenu yapontà kon uya pàk. We'nama pùla weppàssaik masapùla Katù uya ulepasak wakù pe we'nàtok ke pàk.

1 Corinthians 15:10

Tùse wakù pe Katù wettok winà wessai'nùppe wechi sàlà nai'nùk, molopai wakù pe iwettok wechippù yà'là woton pe pùla là pen màlà. Ànù'là yeunossak kon yentai lùiwa sa'man pe we'wotokomasak man, Iulà pen tùse, tùse wakù pe Katù wettok upàk we'wotokoma nai'nùk.

2 Corinthians 11:5

Tùse mùkyamlo “wakù ton yeunossak kon” ma'le uchittu pùla man.

2 Corinthians 12:11

Pakko kasa welaikayaik, tùse ukussak auya'nokon màlà wa wettoppe. Amyamlo uya làkku nen wechi màlà wakù pe upàk tùuselupassan pe. Masapùla mùkyamlo “wakù ton kulu yeunossak kon,” ma'le kulu wechi pen nen nai'nùk ànùk pe pùla lànen wechi tùse.

2 Corinthians 8:4

Tok uya ina pawanattàppù lepantok tùuya'nokon yanùntoppe ina uya Katù ponalok kon pùikattàtok yattai yesappe tùwettok kon pe.

Galatians 1:16

Tùmu yenpoika pàk uyau, tekale yekama toppe uya Jew yamùk pen pàk, ànù'là yekamapposak uya pùla man sàlà pàk.

Galatians 1:18

Àsolùwau kilichimochi tùpo utàppù màlà Jerusalem pona, Cephas, Peter tukaik tesassen pokonpe essepose, molopai uko'mamùppù ipyau 15 pe wei.

Galatians 2:1

14 pe kilichimochi tùpo utàtu'mappù màlà Jerusalem pona, sàlà yattai Barnabas pokonpe. Titus yalàppù uya nàlà uya'là.

Galatians 2:2

Utàppù màlà masapùla Katù uya utàtoppe yenpoikasak pàk. Molopai itekale unekamappù lùppù Jew yamùk pen pàk yekamappù uya màlà tok pàk. Tùse sàlà kupùppù uya màlà amak yai tok yennàinan pe tukaik tùwessan pokonpe. Masapùla pena wapùla sàlà pe unkupùppù uwotokoyi wechi yà'là woton pe pùla iche pùla wechi pàk.

Galatians 6:3

Ànù'là uchittu ànù'là yentai, ànùk pe pùla echii'ma yau, tùyiwalà ichennaka màlà.

Ephesians 2:20

Amyamlo nàlà yamùsak màlà yeunossak kon molopai Katù Maimu yenpoikannannùssan nùnonkappù po, Christ Jesus ipana'mu yawon iwakapuli pe.

Ephesians 3:8

Iulà mùkkàlà tamù'nawolon kon Katù ponalok kon kappon yamùk ma'lan kulu. Tùse Katù uya ulepappù sàlà wakù wotoko ke Wakù Itekale yatoppe uya Jew yamùk pen piyak tùwenukapù woton pen wakù ton Christ piyawon kon mamin yekamase.

Colossians 1:29

Sàlà wekkuttoppe tùwe'wotokomasen Iulà sa'man pe, eke meluntà Christ nùtùlù yapulà pe, ne'wotokomayai'nùk uyau.

1 Timothy 3:15

Tùse uko'mamù yau, sàlà kaleta uya atta we'nàtok Katù munkà yamùk pe yekama màlà, màlà nulànan Katù sochiyi tau, ailon wakapuli molopai itessek yekama uya.

1 John 1:3

Màlà ina neneppù lùppù molopai ina netappù yekama nàlà ina uya àpàkù'nokon, ina kùlottau echitonpa pe we'nàtok yau ewechi kon pa Kùkàipùnù molopai Imu Jesus Christ pokonpe.

Revelation 3:12

Mùkkàlà entaikanàippù kupù uya màlà wakapu pe Ukatùyi yùwùk tau, molopai inàntu'ma ya pen màlà. Ukatùyi yesek menuka uya màlà ipàk, molopai Ukatùyi patassek yesek emennak Jerusalem. Màlà nùyàssai'nùk epùn yapai Ukatùyi winàpai. Emennak uyesek menuka uya nàlà màlà ipàk.