Galatians 2:2 - Patamuna New Testament Revised

² Utàppù màlà masapùla Katù uya utàtoppe yenpoikasak pàk. Molopai itekale unekamappù lùppù Jew yamùk pen pàk yekamappù uya màlà tok pàk. Tùse sàlà kupùppù uya màlà amak yai tok yennàinan pe tukaik tùwessan pokonpe. Masapùla pena wapùla sàlà pe unkupùppù uwotokoyi wechi yà'là woton pe pùla iche pùla wechi pàk.

Galatians 2:2 ပူးပေါင်းရင်းမြစ်များ

Matthew 10:16

“Yetatàk kon! Kalinilu yamùk kasa eyeunoko kon uya sàlà tukkan kon àsà ton kamo yamùk kùlottak. Pukkek peichi mettàik àkài yamùk kasa molopai tenpe wakokkwa yamùk kasa.

Yeunossak kon Wotokoyi 15:12

Tamù'nawolon kon wechippù màlà eppana Barnabas molopai Paul tawonnan uya tamù'nawàlà tensan yekkwa ton pen enumenkan nan, kupùppù Katù uya tai'nokon Jew yamùk pen kùlottau, yekama yeta tùuya'nokon yau.

Yeunossak kon Wotokoyi 15:2

Paul molopai Barnabas tawonnan wesseippàtùppù kulu tok pokonpe sàlà pàk. Màlàpàk tok wekkupùppù Paul, Barnabas molopai tùulon kon kappon yamùk Antioch pon kon utàtoppe Jerusalem pona yeunossak kon molopai eke ton tùnamasan yense, sàlà pàk.

Yeunossak kon Wotokoyi 15:4

Tok welepansak Jerusalem pona yau, Sochi uya, yeunossak kon uya, molopai eke ton tùnamasan uya tok yanùmùppù tùutauchinpaik. Mùkyamlo pàk tok uya tamù'nawàlà Katù nùkupùppù tùpokon pe'nokon yekamappù.

Yeunossak kon Wotokoyi 18:9

Tewin ewalupà yattai Paul uya we'neppà'nàtok walai yeneppù, màlà yau Itepulu Jesus uya ipàk wateppù, “Kettalipai, tùse euselupa pàk lùppù ekkà molopai ke'nonkai,

Yeunossak kon Wotokoyi 23:11

Màlà yewalupàyi tau Itepulu Jesus wechippù màlà Paul piyau, molopai, “Kesenalipai, uyekamasak auya man talà Jerusalem po, molopai màlà kasa làma ikupù auya màlà Rome po,” teppù ya Paul pàk.

Yeunossak kon Wotokoyi 5:34

Tùse tok tonpa, Pharisee Gamaliel itesek, law pàk enupanài, molopai eke kulu tamù'nawolon kon kappon yamùk nùnama, wà'mùssakappù Jew yamùk Yepulu ton kùlottau. Yeunossak kon yenpakka toppe malalà yekamappù ya.

Romans 9:16

Màlàpàk uchi kappon wettok iche wapùla inkupù pàkàlà iwechi pen màlà tùse Katù usentuppatok pàkàlà neken.

1 Corinthians 1:23

Tùse ina mùkyamlo Christ welikùppù pulusuk po yekale yekamannan, Jew yamùk wettatai'matok ipona, molopai wo'mattantok Jew yamùk pen pona;

1 Corinthians 2:2

Masapùla wekkussak wechippù màlà yà'làlà ittutok uya pùla apyau'nokon wechi yau, tùse Jesus Christ molopai ipukapàttok pulusuk po neken kulu.

1 Corinthians 9:24

Ittuiche auya'nokon pùla nai wapplùnnàtok yau tamù'nawàlà tùwapplùnsan wapplùmù, tùse tewinnan neken uya tepeppù yepolo? Màlàpàk uchi aitun pe itàtàk eyepeppù kon yepolo kon pa.

1 Corinthians 9:26

Màlàpàk wapplùmù sàlà iwoton pe pùla là napplùnyai'nùk kayik kasa pùla. Molopai wepanta'ma suwalà temyatù tenu'mapàsse kakàik tùwepanta'masen kàyik kasa pùla.

2 Corinthians 12:1

Utapulà pàk wechi màlà, yà'làlà wakù kupù ya pùla là tùse. Uselupa sàlà we'neppà'nàtok walainon molopai yenpoikasak kon lùppù Katù winàpaino pàk.

Galatians 1:12

Ànù'là kappon winàpai yepolo uya pùn, wapùla ànù'là uya ipàk uyenupa pùn. Tùse, Jesus Christ uya yenpoikasak yanùmùppù uya.

Galatians 1:16

Tùmu yenpoika pàk uyau, tekale yekama toppe uya Jew yamùk pen pàk, ànù'là yekamapposak uya pùla man sàlà pàk.

Galatians 1:6

Uyenumenkasak kulu auya'nokon man! Masapùla tachin pe pùla mùkkàlà Christ wettok wakù pe winà àkà'manàippù'nokon nonka auya'nokon pàk, molopai ewelattà kon pàk tùulon itekale pàkàlà.

Galatians 2:6

Mùkyamlo nàlà eke ton ennàinan pe tukaik tùwessan, ànùk pe là tok wessak uya tùpatalà tok kussak pùla iwechi màlà upona. Masapùla Katù mùkkàlà polopo usennàtok pàk ittunài pen. Mùkyamlo là kàyik yamùk uya uselupatok tonpattàpàssak pùla man.

Galatians 2:9

James, Peter molopai John tawonnan eke ton itepulu pe tùwessan nùttutai, Katù uya sàlà wotoko ke ulepasak. Màlàpàk ina yemyatù yachitai tok, Barnabas molopai Iulà tawonnan. Echitonpa pe tamùkke tùwe'wotokomatokkonpe, Jew yamùk pen kùlottak ina utàtoppe, molopai mùkyamlo Jew yamùk kùlottak.

Galatians 5:7

Wakù ye'ma tawà ku mettantàu tà! Ànùk eyeleutanùttantàu molopai àkuttantàu ailon yawàlà ewettok kon pe pùla?

Philippians 2:16

Wema'nàtok yekale yekamai'ma tok pàk. Màlà pàkànsau àpàkù'nokon utauchinpatok yesappe wechi màlà Christ Weyu yattai; màlà uya yekama màlà yà'là woton pe pùla là we'wotokomappù pe pùla iwechi.

Philippians 2:29

Manùntàik uchi, tamù'nawàlà tùutauchinpaik, àtonpa kon pe Itepulu yau. Tamù'nawolon kon pùsàlà yekkwa ton kappon yamùk mùnamatàik.

1 Thessalonians 3:5

Màlàpàk, màlà yentak ipàlika uya yentai iwechipàk Timothy teunottai, ailon tetok auya'nokon wechi atta là yense. Yattai pùla Makui uya eyittusak kon tei'ma, molopai tamù'nawàlà ina wotokoyi wechi yà'là woton pe pùla là pe tei'ma

2 Timothy 4:7

Unùttu kussak uya man aitun pe utàntok yau, utàsak man tenuka'nùsse, ailon tetok uya kussak uya man.

Hebrews 12:1

Tukkan kon pùsamlo ennài nan kùwoi'nokon man. Màlàpàk tamù'nawolon kùwakkà'nài'nokon yenu'mapai'nokon. Màlà makui kùyachiyatài'nùk nàlà, molopai aitun pe utànpai'nokon pàlikantok pokonpe wapplùnnàtok kùyemloto kon po nai'nùk yak.