Galatians 2:14 - Patamuna New Testament Revised

¹⁴ Tok utà ailon Itekale yeselu yawàlà pùla yene uya pàk, Peter pàk, tamù'nawolon kon yemloto po, “Jew àmàlà, tùse Jew yamùk pen kasa memassaik, Jew kasa pùla. Yà'là kasa ken uchi Jew yamùk pen yeka'nonka auya màlà Jew yamùk yeselu yawàlà tok wemattoppe?” teppù uya.

Galatians 2:14 ပူးပေါင်းရင်းမြစ်များ

Yeunossak kon Wotokoyi 10:28

Peter uya tok pàk, “Tamù'nawolon kon amyamlo nùttuyan law yawàlà pùla Jew yamùk wechi Jew yamùk pen pokonpe echitonpa pe molopai tok kaklanpa tok uya wechi. Tùse Katù uya upàk yekamasak man ànù'là pàk àli wapùla wakù pen te uya tukaik,” teppù.

Yeunossak kon Wotokoyi 15:1

Tùulon kon kàyik yamùk uyàpùppù màlà Judea poi Antioch pona molopai tok wepyattàppù ailon tawonnan Jesus pàk yenupa pàk, “Ewepùikattàsak kon pen màlà Jew yamùk yattàtok yeselu yawà ausattàsak kon pùla iwechi yau Moses uya wa tetok kasa,” tukaik.

Yeunossak kon Wotokoyi 15:24

Ina netatai tùulon kon kappon yamùk, ina tonpa yamùk utàppù molopai awanittàpa eusenumenkatok kon yaimelunpappù tok uya tùuselupa kon ke, sàlà kuttoppe tùuya'nokon tapyontàtok kon yepolo tok uya pùn ina winàpai.

Yeunossak kon Wotokoyi 15:5

Tùse tùulon kon ailon tawonnan Pharisee yamùk winon kon wà'mùssakkappù molopai tok uya, “Jew yamùk pen yattà màlà, Jew yamùk yattàtok yawàlà molopai Moses winàpaino law yawàlà tok wettoppe yekama,” teppù.

Romans 14:14

Itepulu Christ ponaloppe wechi yawàlà tùttuyaik kulu yà'làlà tùnassen wapùla tansen wechi àli pe là pùla. Tùse kappon uya àli te ipàk yau, àli pe iwechi màlà ipona.

Galatians 1:18

Àsolùwau kilichimochi tùpo utàppù màlà Jerusalem pona, Cephas, Peter tukaik tesassen pokonpe essepose, molopai uko'mamùppù ipyau 15 pe wei.

Galatians 1:6

Uyenumenkasak kulu auya'nokon man! Masapùla tachin pe pùla mùkkàlà Christ wettok wakù pe winà àkà'manàippù'nokon nonka auya'nokon pàk, molopai ewelattà kon pàk tùulon itekale pàkàlà.

Galatians 2:3

Uya'lonnà Titus, yeka'nonkappù Jew yamùk yeselu yawà yattàtoppe pen màlà, Greek pe lànen tùse.

Galatians 2:5

Ina wettùlùppù malalà tok yemyak pen màlà, ailon pe itekale wettok wettoppe apyau'nokon.

Galatians 2:7

Tùse làkku Katù uya màlà ulepasak sàlà wotoko ke, Itekale yekama pàk wettoppe Jew yamùk pen pàk yeneppù tok uya. Peter lepappù tùuya màlà lùppù Itekale ke Jew yamùk ponaloppe kasa.

Galatians 2:9

James, Peter molopai John tawonnan eke ton itepulu pe tùwessan nùttutai, Katù uya sàlà wotoko ke ulepasak. Màlàpàk ina yemyatù yachitai tok, Barnabas molopai Iulà tawonnan. Echitonpa pe tamùkke tùwe'wotokomatokkonpe, Jew yamùk pen kùlottak ina utàtoppe, molopai mùkyamlo Jew yamùk kùlottak.

Galatians 6:12

Mùkyamlo teselu kon polopon yentoppe enenpoikapainai'nannùk wechi màlà Jew yamùk yattàtok yeselu yawàlà ayattàtok kon pe eyeka'nonkaiche'nokon. Sàlà kupù tok uya màlà Christ pulusukù pàkànsau tùttalumattà kon tukaik.

Colossians 1:5

Ailon itekale, Wakù Itekale uyàssak apyakù'nokon wapiya kulu yau, enpen we'nàtok inekama metatantàu. Màlàpàk ailon tetok auya'nokon molopai pùnùnmantok auya'nokon nùsenpoika yai'nùk enpen ewettok kon pokon. Màlà àponalok kon pe ikupù nai'nùk epùn po. Wakù Itekale wakù pùlemantok Katù winàpaino nessan molopai miyaiwa nùtàyan tamù'nawàlà pata yawà àkklotau'nokon pena iwechippù kasa. Katù wettok wakù pe yetappù auya'nokon motapai molopai ituppù auya'nokon iwessek kasa kulu kasa.

1 Timothy 5:20

Tùse àli ku'nài nan nùssan yàulàmakà molopai tok yekamappokà kappon yamùk yemloto po, amak yai pùla, tok tonpa yamùk yenu yappolù pe.

Hebrews 12:13

Itàtàk kon tossalon asanta tawà, molopai mùkyamlo sesen pan kon wena tu'ma toppe meluntà pe molopai tok uchipittà toppe.

Hebrews 9:10

Sàlà yamùk màlà tùkussan kùyali molopai tinchisen ke molopai tùpatalo'nan wekolùkantok ke. Kappon yamùk uya sàlà wema'nàtok yawà kupùppù màlà, emennak molopai wakù kulu ke imyakanma weyu uyapù ponalà.