Galatians 1:4 - Patamuna New Testament Revised

⁴ Christ wettùlùppù màlà tùmàlà pe kùmakuyi kon ponaloppe kùpùikattàtoppe tùuya sàlà italumayippù pata weyu winàpai, kùkatùyi kon molopai kùkàipùnù kon wettok iche yawàlà.

Galatians 1:4 ပူးပေါင်းရင်းမြစ်များ

Matthew 13:22

Tùpànsen iwepukasak lùppù àlittak màlà mùkyamlo Katù Maimu yetannan. Tùse utaimelupantok sàlà motau wema'nàtok pàk molopai mamin kuttok wakùli wannà pe màlà Katù Maimu yeulankanài. Molopai tok wepeta pen.

Matthew 20:28

Kàyik Mumu uyàpùppù tapyoto ke esse pen màlà, tùse apyoto pe esse, molopai tùwemattok tùse tukkan kon kappon yamùk ye'matoppe tùuya,” teppù Jesus uya.

Matthew 26:28

Masapùla sàlà màlà umùnù Katù uya ikupù tùuya tetok. Umùnù sàlà ikkwansak tukkan kon ponaloppe, àli kuttok pàk usentuppantoppe.

Matthew 26:42

Yakon itekkwa pe tu'ma Jesus utàppù, molopai iwàpùlemappù, “Ukàipùnù, sàlà wettalumattàntok pùsawù yama uwinàpai pùla iwechi yau, tùse inchichak uya yau neken, eyeselu wekkupù màlà,” tukaik.

Matthew 6:9

Sàlà kasaichi mapùlematàik, ‘Ina Kàipùnù epùn pon, tàwà wakù eyesek tùnamasen pe nechii.

Mark 10:45

Masapùla mùkkàlà Kàyik Mumu uyàpùppù tapyoto ke esse pen màlà. Tùse kappon yamùk yapyoto pe esse iyàpùppù. Molopai takkwalù tùse tukkan kon kappon yamùk wemokka toppe makui yapai,” teppù ya.

Luke 22:19

Molopai pùlomù pusak yanùmùppù ya, tenki teppù ya Katù pàk, ipenpàtùppù ya molopai itùlùppù ya tok yemyak, “Sàlà màlà upun itùsak àponalok kon pe. Sàlà mùkuttàik uyittutok auya'nokon ipàkàlà pe,” tei'ma.

Luke 22:42

“Ukàipùnù, yama auya yau, sàlà pùsau yamakà uwinàpai. Wapùla iwechi yau, tàwà iche ewettok nekkupùi, iulà wettok iche pen” teppù ya.

John 10:11

“Iulà mùkkàlà wakù kalinilu yamùk yesak. Wakù kalinilu yamùk yesak tùwemattok tùnài kalinilu yamùk ponaloppe.

John 12:31

Sàlàichi màlà sàlà wolù yawon kon kappon yamùk ittutok weyu. Molopai sàlà peichi sàlà wolù yepulu yenpakka màlà,” teppù.

John 5:30

“Uyiwalà yà'làlà kupù uya pen màlà. Katù uya neken yekama yeta uya pàkàlà màlà ittu uya, màlàpàk ittuntok uya wechi màlà ailon pe. Masapùla uyiwalà iche wettok kupù uya pen sàlà, tùse Ukàipùnù uyeuno'nàippù yeselu kupù uya.

John 6:38

Masapùla epùn poi iyàssak Iulà uyeselu kusse pùla, tùse mùkkàlà uyeuno'nàippù yeselu kusse.

Romans 1:7

Màlàpàk kaleta menuka uya sàlà tamù'nawàlà apyakù'nokon Rome pon kon Katù nù'nùnma ton molopai inkà'massan esuken tùwessan pe. Tàwà Katù Kùkàipùnù kon molopai Kùyepulu kon Jesus Christ elepai'nokon wakù pe we'nàtok molopai echitonpa pe we'nàtok ke.

Romans 12:2

Sàlà wolù yawon kon yeselu pàk làma kettàu, tùse tàwà Katù amyakanmatàu ayawà'nokon tamù'nawàlà eusenumenkatok kon wemyakanmatok winà. Màlà yattai nen uchi Katù yeselu ittu auya'nokon màlà, màlà wakù pe nai'nùk, molopai yauchinpanài pe nai'nùk, molopai màlà ikasa imaimu yailà neken nai'nùk.

Romans 4:25

Katù uya Jesus tùlùppù màlà iwelittoppe kùmakuyi kon pàkànsau, molopai iwuluukappù màlà wema'nàtok yak ikasa kùyanùntoppe Katù pokonpe.

Romans 8:27

Molopai Katù, kappon yamùk yewan yennài, mùkkàlà Wakù Akkwalù usenumenkatok ittunài. Masapùla Wakù Akkwalù mùkkàlà Katù pawanattànài Katù munkà yamùk ponaloppe Katù yeselu yawàlà.

Romans 8:3

Law nùkupù yentaino kupùppù Katù uya masapùla Law wechi attu'mùla pàk kappon yeselu wechi attu'mùla pàk, ikupùppù ya màlà tùmu yeunoko tùuya winà, iyàssak lùppù kappon pe àli pàkànsau tùtùsen pe.Màlàpàk makui yattu'mùnkappù ya kappon pe tùwechi ke.

Romans 8:32

Tùmu wenai iwechippù pen màlà, tùse itùlùppù ya tamù'nawolon kon kùponalok kon pe iwelittoppe! Tùmu ke kùlepappù kon ya kùlepa kon ya pen ken na' uchi tamù'nawolon yà'làlà ke wakù pe tùwettok yapai?

1 Corinthians 15:3

Unanùmùppù tùlùppù uya apyakù'nokon, sàlà eke pe kulu nai'nùk. Christ welikùppù màlà àli pe we'nàtok yepeppe, Katù Maimu yau iwe'menukasak kasa.

2 Corinthians 4:4

Sàlà wolù yepulu uya ailon tawonnan pen usenumenkatok yewalumankasak màlà. Wakù Itekale yakkwayi Christ winàpaino yene tok uya tukaik, mùkkàlà uchi Katù usentok.

Galatians 2:20

Upukapàtùppù màlà Christ pokonpe nulà wechi tukaik, tùse Christ nemassan uyau. Sàlà esak yau wema'nàtok yau wemassaik ailon tetok uya Katù Mumu pàk yau, mùkkàlà u'nùnmanàippù molopai iwettùsak lùppù uponaloppe.

Galatians 6:14

Tùse Iulà, utauchinpa nen màlà Kùyepulu kon Jesus Christ welichak pulusuk pona pàk neken, màlà winà wolù iwelichak kasa man upona molopai Iulà iwelichak kasa man wolù pona.

Ephesians 1:11

Katù mùkkàlà ikupù tùuya teppù tùuya ku'nài màlàpàk Christ yappyontàppù ya màlà ina yanùntoppe ya.

Ephesians 2:2

Màlà yattai wolù yawon kon yeselu kupùpppù auya'nokon màlà, kawon kon yepulu, Àli maimu yawàlà ewechippù kon, Katù Maimu yawàlà pùla tùwessan yepulu mùkkàlà.

Ephesians 5:16

Tamù'nawolon eweyu yapulàtàk kon pukkek pe tùttuik, masapùla sàlà wei yamùk màlà àliton.

Ephesians 5:2

uchi'nùnmantok ewemattok yau nechii, Christ uya kù'nùnmappù kon molopai iwettùlùppù kùponalok kon pe kasa, wakù pe tùkà'nùnsen tùtùsen Katù yauchinpanài pe kasa.

Ephesians 6:12

Masapùla wepanta'man nokon kappon yamùk pokonpe pen sàlà, tùse àli ton akkwalù meluntàlù kak yawolon kon pokonpe, itepulu yamùk, apàikketton, molopai sàlà ewalupà yawon kon itepulu yamùk tensan pen meluntàlù pokonpe.

Philippians 4:20

Tàwà Katù Kùkàipùnù kon tapulàtok yepoloi tàwàlàlà molopai tàwàlàlà. Emen.

1 Thessalonians 1:3

Masapùla ina nùttuyan, Katù Kùkàipùnù kon yemloto po ailon tetok auya'nokon yai ewe'wotokoma kon sa’man pe uchi'nùnmantok ke. Molopai enpen ewettok kon Kùyepulu Jesus Christ pàk wechi melùntà pe ittuyan ina.

1 Thessalonians 3:11

Masaichi tàwà kùkatùyi kon, Kùkàipùnù kon tùmàlà pe molopai Kùyepulu kon Jesus asanta konekai ina uyàttoppe apyakù'nokon.

1 Thessalonians 3:13

Sàlà kasa eyewan kon koneka ya màlà meluntà pe, wakù pe, Katù namanài pe, esuken ewechi kon màlà Kùkatùyi kon molopai Kùkàipùnù kon yemloto po, Kùyepulu kon Jesus uyàpù tamù'nawolon kon tùponalok kon pokonpe yau.

2 Thessalonians 2:16

Tàwà Kùyepulu kon Jesus Christ tùmàlà pe, molopai Katù Kùkàipùnù kon, kù'nùnmanàippù'nokon molopai wakù pe tùwettok yau kùlepanàippù'nokon tàwàlàlà meluntà ke molopai wakù enpen we'nàtok ke,

1 Timothy 2:6

Iwettùsak lùppù tamù'nawolon kon kappon yamùk pùikattàtoppe tùuya. Sàlà ichi màlà Katù nenpoikappù wolù yawon kon nùttu pe iwekkuttok yattai tok wepùikattàtoppe.

Titus 2:14

Iwettùlùppù màlà kùponalok kon pe, kùpùikattàse tamù'nawolon àli winàpai molopai kùkonekase esukenan kon kappon yamùk tùponalok kon pe kulu neken molopai wakù ànkuppai nokon kulu pe neken.

Hebrews 2:5

Inchelù yamùk kupù ya pùn, tùuyàpù woton wolù yepulu pe tok wettoppe, ipàk uselupan nokon nai'nùk.

Hebrews 6:5

Katù Maimu wechi wakù pe ittu tùpo molopai nùyàssai'nùk wema'nàtok meluntàlù nàlà ittu tùpo.

Hebrews 9:14

Màlà yentai Christ mùnù wechi màlà apàikkeppe! Tàwàlàlà tùwemassen Wakù Akkwalù yai iwettùlùppù màlà wakù kulu imattakù pùn tùtùsen pe Katù yemyak, kùmakuyi kon yepeppe. Imùnù uya usenumenkantok kù'nokon ma màlà wakù pe tapulàsen pen wotoko winàpai, tàwàlàlà tùwemassen Katù ponaloppe we'wotokoman toppe.

James 4:4

Ailon ton pen kappon yamùk! Ittuichi auya'nokon pùla nai wolù yawon kon àli ku'nài nan wechiyakon pe we'nà wechi Katù yeyaton pe? Ànù'là wolù yeselu ku'nàinan kappon yamùk wechiyakon pe eppaino wekkupù màlà Katù yeyaton pe.

1 Peter 2:24

Jesus Christ uya kùmakuyi kon yalàppù tùmàlà pe pulusuk pona, weli'nà tok kon pe àli kuttok pàk wema'nà tok kon pe wakù pe we'nàtok ponaloppe. Ippoppàtù winà euchipittàsak kon màlà.

1 Peter 3:18

Masapùla Christ welikùppù màlà tewin itekkwa; iwelikùppù màlà tamù'nawolon kon wettok àli pe pàkànsau, wakù kàyik welikuppù àli ton kappon yamùk ponaloppe, Katù piyak ayatok kon pe tùuya. Iwàtoppe ikupùppù màlà kappon welikù kasa molopai iwuluukappù màlà kappon pe pùla yakkwalù itesak pe;

1 John 2:2

Masapùla Christ wettùlùppù tùwelittok yak pàkànsau nen nai'nùk kùmakuyi kon pàk usentuppansak. Molopai kùmakuyi kon neken nà pàk pùla, tùse tamù'nawolon kon kappon yamùk makuyi pàk nàlà.

1 John 3:16

Sàlà kasaichi màlà uchi'nùnmantok ittu: Christ uya tùwemattok tùlùppù kùponalok kon pe. Màlà kasa nàlà wema'nàtokù'nokon tùlù màlà tonpa wannà yamùk ponaloppe!

Revelation 1:5

Molopai màlà wechi màlà Jesus Christ winàpaino pe. Ailon pe tùuselupasen Katù pàk, mùkkàlà wapiya iwuluukasak lùppù weli'nàtok yapai. Non po kin pe tùwessan yepulu pe nàlà nai'nùk. Kù'nùnmanài'nokon mùkkàlà, molopai tùmùnù winà kùpùikattàsak kon ya màlà kùmakuyi kon yapai.

Revelation 5:9

Tok uselenpappù emennak elen pàk: “Wakù pe messaik sàlà kaleta yekkwa'nài yeppe, molopai yachittok yamùk ikkwà'nài pe. Masapùla àwànàppù màlà, molopai àmùnù winà kappon yamùk ye'mappù auya man Katù ponaloppe, tamù'nawolon kon kappon yamùk kùlottapai, tùpatalo'nan kon imaimu, tùpatalo'nan kon ikkok, molopai tùpatalo'nan kon kappon yamùk.

Revelation 7:9

Sàlà tùpo uyenu tùlùppù uya molopai tukkan kon kulu kappon yamùk yeneppù uya. Ànù'là uya yà'là kaichalà là tok wechi ittu yentainokon. Pùsamlo wechippù màlà tamù'nawolon pata yawon kon pe, tùpatalonan kon ikkok yamùk, tùpatalo'nan kon kappon yamùk molopai tùpatalo'nan imaimu ton. Satippe aponnok yemloto po tok wechippù molopai Kalinilu Mule yemloto po. Tok wepontàsak wechippù aimu'nan pon yak, molopai kumya yale yachipppù tok uya temyau'nokon.