Ephesians 6:9 - Patamuna New Testament Revised

⁹ Potolù yamùk, màlà kasa làmaichi ettàk kon ayapyoto kon winàkàik. tok kùttalipapàttàu. Mùttuyatàik, mùkkàlà epùn pon wechi mùkyamlo molopai amyamlo Yepotolù pe. Tamù'nawolon kon ku'nài mùkkàlà ekkaichalà.

Ephesians 6:9 ပူးပေါင်းရင်းမြစ်များ

Matthew 22:10

Màlàpàk itapyoto ton utàppù màlà asanta yamùk tak molopai tamù'nawàlà kappon yamùk tùnepoloppù kon pilipùppù tok uya, wakù ton, molopai àli ton. Molopai wemali'man patassek wanùssak wechippù, kappon yamùk ke.

Matthew 22:8

Màlàyau tapyoto ton kà'mappù ya màlà. ‘Wemali'mantok yattai uta'lettàntok wekonekasak man, tùse kappon yamùk unkà'massan wechippù tùuyàssan yek pe pùla.

Matthew 24:48

Tùse àli apyoto pe tùwechi yau, ‘Uyepulu uyàpù pen màlà tachin pe,’ te ya tùyiwalà.

Matthew 24:51

Itepulu uya yattàpàtù màlà echikili pe molopai tùusennakasan talumattàtok pùkkù pe iwechi. Molo ikalantok molopai tùyà kàlàlàikkatok ya wechi màlà.”

Matthew 7:12

“Ewinàkàik ikupù iche ewettok kon mùkuttàik tùulon kon winàkàik. Sàlàichi màlà Law molopai Katù Maimu yenpoikannan uya enupantok,” teppù Jesus uya.

Luke 6:31

Kappon yamùk uya ewinàkài ikupù iche ewettok ikukkà tok winàkàik.

John 13:13

Ticha molopai Epulu tukaik uyesa'nài nan amyamlo. Molopai ikasa ewechi kon màlà, masapùla mùkkàlà Iulà.

Yeunossak kon Wotokoyi 10:34

Peter wessa'molùkappù tùuselupa pàk. “Tùttuyaik nen uchi ailon pe iwechi Katù uya ekkaichalà tamù'nawolon kon kappon yamùk kupù.

Romans 2:11

Masapùla Katù mùkkàlà tamù'nawolon kon kappon yamùk yennài ekkaichalà.

1 Corinthians 1:2

Katù sochiyi Corinth pon piyak, mùkyamlo iwekonekasak kon wakù pe Christ Jesus yau molopai ikà'masak kon esuken tok wettoppe piyak, tamùkke tamù'nawolon kon kappon yamùk pokonpe mailàlà Kùyepulu kon Jesus Christ yesek yesa'nàinan, tok yepulu molopai kùyepulu kon.

1 Corinthians 7:22

Masapùla tepotolù kenan, Itepulu uya tùkà'ma yattai mùkkàlà Itepulu nùmokkappù, màlà kasa làma itepotolù pùn tùkà'ma yattai wechi màlà Christ yapyoto pe.

Colossians 3:25

Molopai iwalai pen ku'nài, ànù'là, ye'ma màlà àli ton inkupù yepeppù pe; masapùla Katù mùkkàlà tamù'nawolon kon ku'nài ekkaichalà.

Colossians 4:1

Tapyoto kenan kon, ayapyoto kon mentàik, wakù pe ikasa inkupùppù yawàlà mùlepatàik. Amyamlo nàlà wechi epùn pon Itepulu ponaloppe tùttuse.

James 2:13

Masapùla Katù uya usentuppantok yenpoika pen màlà kappon ichentuppasak lùppù pen pàk “Àli pe messaik wapùla wakù pe messaik” te tùuya yau; tùse usentupantok màlà “àli pe messaik wapùla wakù pe messaik,” tawon yentaikanài.

James 2:8

Iwalai kupù auya'nokon pe iwechi màlà enupantok Katù nùtùlùppù itepulu pe iwettok kon itepoi yemyak maimu yawàlà ewechi kon yau, Katù Maimu yau iwesseposak lùppù, “Kappon i'nùnmatàk kon euchi'nùnma kon kasa,” tawon.

James 5:4

Kappon yamùk, tùwe'wotokomasan à'mà kon yau ye'mappù auya'nokon pùla man. Tok usàulàmaichi yetatàk kon! Molopai mùkyamlo ànpàmàppù kon pili'nài nan kalantok uya, Itepulu, Mùkkàlà neken Meluntà pana yeposak man.