Ephesians 6:6 - Patamuna New Testament Revised

⁶ Sàlàichi ikùttàk kon eyene kon tok uya yattai neken nà pùla, tok yauchinpapa neken nà. Tùse tamù'nawàlà eyewan kon ke Katù wettok iche ikuttàk kon, Christ yappyoto ton pe.

Ephesians 6:6 ပူးပေါင်းရင်းမြစ်များ

Matthew 12:50

Masapùla Ukàipùnù wettok ikupù tùuya iche ku'nài mùkkàlà uyakon, uwàlichi, molopai usan,” teppù Jesus uya.

Matthew 7:21

“Tamù'nawolon kon kulu kappon yamùk uyesa'nàinan, ‘Uyepulu, Uyepulu,’ tukaik, wewomù pen màlà Itepulu pe we'nàtok epùn po yak, tùse mùkyamlo neken Ukàipùnù epùn pon wettok ikupù iche ku'nàinan.

Mark 3:35

“Ànù'là Katù yeselu ku'nài wechi màlà uyakon non pe, uwàlichi ton pe, usan pe là,” teppù Jesus uya.

Romans 6:17

Tùse tenki tepai'nokon Katù pàk, masapùla pena àli yapyoto pe ewechippù kon màlà, tùse sàlà pe ailon, yeposak lùppù enupantok, enepoloppù kon yau, maimu yawàlà ewechi kon tamù'nawàlà eyewan kon ke.

1 Corinthians 7:22

Masapùla tepotolù kenan, Itepulu uya tùkà'ma yattai mùkkàlà Itepulu nùmokkappù, màlà kasa làma itepotolù pùn tùkà'ma yattai wechi màlà Christ yapyoto pe.

Galatians 1:10

Kappon yamùk yapulàtok nepùiche na' wessan, wapùla Katù? Wapùla kappon yamùk yauchinpaiche na' wessan? Kappon yamùk yauchinpaiche lùppù wechi yau, Christ yapyoto pe wechi pen màlà.

Ephesians 5:17

Pakko pe uchi kettàu, tùse Itepulu Jesus wettok ikupù auya'nokon iche ittuiche ettàk kon.

Philippians 2:12

Màlàpàk uchi, utonpa yamùk, tàwàlà mayin yawàlà ewechippù kon apyau'nokon wechi yau. Tùse sàlà pe apyau'nokon pùla là wechi tùse màlà yentak lùiwa yawàlà ewechi kon màlà. Màlàpàk e'wotokomatàk kon, tùwe'namaik molopai tùplànài'nùnse Katù ponaloppe ewechi kon yekama pe.

Colossians 1:9

Màlàpàk tàwàlàlà ina tùwàpùlemasan àpona'nokon wapiya kulu eyekale kon yetappù ina uya motapai. Katù yekamapponnan ina ayanùkka tok kon pe ya teselu ittutok ke, tamù'nawolon pukkeppe we'nàtok molopai ittuntok Wakù Akkwalù nùtùlù ke.

Colossians 4:12

“Wakù pe na' messatàu?” nùkayan Epaphras àtonpa kon nàlà, molopai Jesus Christ yapyoto. Tùwàpùlemasen mùkkàlà tàwàlà eke pe àpona'nokon. Katù yekamapponài meluntà pe ewena kon pa tamù'nawàlà Katù yeselu yau tùwappùik molopai ittunài pe.

1 Thessalonians 2:4

Tùse làkku ina uselupa nai'nùk Katù wettok iche kasa, masapùla ina yanùnsak ya nai'nùk molopai Wakù Itekale tùsak ya ina yemyak ina nekama pe. Kappon yamùk yauchinpaiche là ina wechi pen sàlà. Tùse Katù làkku anauchinpapai ina wechi, mùkkàlà ina yeselu ina yewan yau nai'nùk ittunài.

1 Thessalonians 4:3

Sàlàichi màlà Katù wettok iche, yawàlà ewechi kon pa. Wakù pe esuken molopai àli imakuyippù kuttok màlàwannà ke pokonpe pùla ewemattok kon yau ewechi kon pa.

Hebrews 10:36

Pàlikannan pe ettàk kon, Katù yeselu kupù kon pa, molopai ikupù tùuya tetok ya yepolo auya'nokon màlà.

Hebrews 13:21

Tàwàichi Katù elepai'nokon tamù'nawolon wakù iche ewettok kon ke teselu kupù kon pa. Tàwà tauchinpanài kupùi kùyau'nokon Jesus Christ yai. Christ yapulàpai'nokon tàwàlàlà molopai tàwàlàlà. Emen.

1 Peter 2:15

Masapùla sàlà màlà Katù yeselu: pakko ton kappon yamùk uselupatok ittunài uselupatok kasa pùla yeppaka'nùpù auya'nokon iche iwechi màlà, wakù ton kupù auya'nokon winà.

1 Peter 4:2

Sàlà motapai uchi ewemattok kon talà non po yemakkwatàk kon Katù yeselu yawàlà, iche kappon wettok yawàlà pùla.

1 John 2:17

Wolù molopai tamù'nawolon yawon kon kappon wettok iche màlà tùutàsen molopai ipla tùwenasen; tùse mùkkàlà Katù wettok iche ku'nài wemapù màlà tàwàlàlà.