Ephesians 6:20 - Patamuna New Testament Revised

²⁰ Sàlà wotoko kuttoppe uya uyeunossak nai'nùk molopai màlà pàkànsau sàlà patikichi tau wechi. Àpùlematàk kon meluntà pe tùusenalippaik pùla uselupatoppe Wakù Itekale yekama uya yau.

Ephesians 6:20 ပူးပေါင်းရင်းမြစ်များ

Yeunossak kon Wotokoyi 21:33

Eke soicha yamùk yepulu uyàpùppù molopai Paul yachippù ya, molopai asa'là chin ke yaulonpàttoppe ikupùppù ya, “Ànùk ken pùsàlà kàyik molopai yà'là kussak ya nai?” tukaik tok yekamappoppù ya.

Yeunossak kon Wotokoyi 26:29

“Tachin pe wapùla tachin pe pùla iwechi yau, wàpùlematok wechi màlà Katù pàk, àmàlà molopai tamù'nawolon kon uyetayai'nannùk sàlà pe wena toppe ukasa, tùse yachisak pe pùla,” tukaik Paul uya imaimu yeikuppù.

Yeunossak kon Wotokoyi 28:20

Màlàpàk eyentok kon pe uya eyekamapposak kon uya màlà molopai uselupa toppe àpokonpe'nokon. Masapùla enpen Israel yamùk wettok pàkànsau sàlà uyaulonsak chin ke,” teppù ya.

Yeunossak kon Wotokoyi 28:31

Katù wettok itepulu pe yekamappù ya molopai kappon yamùk yenupappù ya Itepulu Jesus Christ pàk, tùuselupa pàk iwechippù tùusenalippaik pùla molopai iwakkà'nài pùla.

Yeunossak kon Wotokoyi 5:29

Peter molopai tùulon kon yeunossak kon uya yeikuppù, “Ina wechi nen Katù Maimu yawàlà sàlà, kappon pen.

2 Corinthians 3:12

Màlàpàk enpen tùwettok kon yesappe tùwechi kon pàk, ina usenalipa pùla iwechi màlà.

2 Corinthians 5:20

Màlàpàk uchi Christ ponaloppe tùuselupa kon pàk ina man, Katù uya apawanattà kon ina yai kasa. Christ pàkànsau apawanatà kon ina uya sàlà, tàwà Katù amyakanmatàu tùwechiyakonnon pe!

Ephesians 3:1

Sàlà kasa iwechi pàk Iulà Paul, wechi nai'nùk yachisak pe, amyamlo Jew yamùk pen pàkànsau.

Ephesians 4:1

Eyekamappoyatàu uchi Iulà, Iulà yachichak nai'nùk masapùla Itepulu Jesus ponaloppe we'wotokoma pàk. Àkà'ma kon tùuya yau Katù nùkupùppù yawàlà we'nàtoppe, pàkàlà ayakkwalù kon yemakkwatàk kon.

Ephesians 6:19

Molopai upona nàlà màpùlematàik, Katù uya ulepatoppe itekale ke, uselupa pàk wekonekasak yau, uselupatoppe meluntà pe tùusenalipaik pùla. Molopai Wakù Itekale yawon tùttusen pen yekamatoppe uya.

Philippians 1:20

Masapùla i'napailà uyewan wettok iche molopai enpen wettok màlà yà'làlà unkupù yau wekkuli'ma tukaik uku'nài. Tùse tàwàlà molopai sàlà pe kulu umeluntàta màlà, tamù'nawàlà uke, Christ yapulàtok nettoppe uya, wemapù pe iwechi yau wapùla welikù pe là iwechi yau.

Philippians 1:7

Tàwàlà uyewan pe tùwessan amyamlo! Màlàpàk ikasa iwechi màlà sàlà kasa usenumenka tamù'nawàlà àpàkù'nokon. Masapùla Katù uya ulepatok wakù pe we'nàtok pùkkù pe ewessak kon pàk. Sàlà pe patikichi tau wechi yau wapùla polopo Wakù Itekale wechi ailon pe yekama pàk wechi yau, iwenai wechi pe.

Colossians 4:3

Màlà yattai nàlà ina pona màpùlematàik ina pùikattàtoppe ya. Molopai ina lepatoppe ya Tekale yekamatok ina uya yattai ke, Christ winàpaino Wakù Itekale pena ittusak lùppù pen yekamatoppe ina uya. Màlà pàkànsau sàlà patikichi tau wechi nai'nùk.

Colossians 4:4

Upùikatàtoppe ya màpùlematàik Katù wettok iche yawàlà kappon yamùk yelupatoppe uya wakù pe.

1 Thessalonians 2:2

Mùttuyatàik ina talumattàkapùppù molopai ina mottùnpapàtùppù Philippi po, ina uyàpù Thessalonica pona apyakù'nokon wapiya. Tùse ku Katù uya meluntà pe tùwettalipaik pùla uselupantok Wakù Itekale yekama pe yapàikkettù ke ina lepappù, eke pe lànen iwakkà'nài nan tùse.

2 Timothy 1:16

Tàwà Itepulu Jesus usentupantok yenpoikai Onesiphorus yùwùk tawon kon pàk, masapùla umeluntàpasak ya pàk echipalà. Iwekuli'mappù pen yachichak pe wechi pàk,

2 Timothy 2:9

Molopai sàlà itekale yekama uya pàk wettalumattà nai'nùk, uyewattàsak nàlà kappon wànài yaulonsak kasa. Tùse Katù Maimu yewattàsak pùla man,

Philemon 1:10

Màlàpàk apawanattàyan Iulà Onesimus pàkànsau. Mùkkàlà umu Christ Jesus yau, masapùla patikichi tau echii'ma ikàipùnù pe wessak màlà Christ ittutoppe ya.

Philemon 1:9

Tùse làkku uchi'nùnmantok ukussan apawanattàtoppe uya. Sàlà tùkussaik amoko pe echi'ma Paul pe echii'ma, Christ Jesus ponaloppe tùuselupasen pe echii'ma molopai sàlà pe ipàkànsau yachichak pe echii'ma.

1 John 3:16

Sàlà kasaichi màlà uchi'nùnmantok ittu: Christ uya tùwemattok tùlùppù kùponalok kon pe. Màlà kasa nàlà wema'nàtokù'nokon tùlù màlà tonpa wannà yamùk ponaloppe!

Jude 1:3

Utonpa yamùk, tùusenumenkaik kulu kaleta menuka pàk wekkupùppù apyakù'nokon wepùikattàntok Katù nùtùlùppù kùponalok kon pe nai'nàk pàk, tùse emenuka uya làkku sàlà eumeluntàta kon pa ewepanta'ma kon pàk ewechi kon pa ailon tetok ipàk pàkànsau tewin itekkwa neken molopai tamù'nawolon pe Katù uya tùponalok kon lepatok ike.