Ephesians 6:19 - Patamuna New Testament Revised

¹⁹ Molopai upona nàlà màpùlematàik, Katù uya ulepatoppe itekale ke, uselupa pàk wekonekasak yau, uselupatoppe meluntà pe tùusenalipaik pùla. Molopai Wakù Itekale yawon tùttusen pen yekamatoppe uya.

Ephesians 6:19 ပူးပေါင်းရင်းမြစ်များ

Yeunossak kon Wotokoyi 13:46

Tùse Paul molopai Barnabas uselupappù màlà yentak meluntà pe tùusenalippaik pùla. “Iche kulu we'nàtoppe iwechippù màlà Katù Maimu usekama àpàkù'nokon wapiya. Tùse inulunpasak auya'nokon pàk, molopai tàwàlàlà wema'nàtok yeponnan yeppe ewekkupù kon pùla iwechi pàk, ina uya ànàmà kon sàlà, molopai ina utà sàlà Jew yamùk pen piyak.

Yeunossak kon Wotokoyi 14:3

Paul molopai Barnabas wechippù màlà molo tachin pe. Tok uselupappù tùusenalippaik pùla Itepulu pàk. Mùkkàlà uya ailon pe tok yekale wechi, Katù wettok wakù pe pàk yekama pe apàikkek ke tok lepappù, yensak pùla nai'nùk enumenkanài yamùk, kuttoppe tok uya.

Yeunossak kon Wotokoyi 18:26

Tùwettalipaik pùla, meluntà pe iwepyattàppù màlà tùuselupa pàk Jew yamùk wepilittok itak tau. Prisilla molopai Aquila uya yetasak yau, tok uya yalàppù màlà tùpatassek kon yak, molopai tok uya màlà yentak ikasa lùiwa kulu Katù yeselu yekamappù ipàk.

Yeunossak kon Wotokoyi 19:8

Paul utàppù màlà Jew yamùk wepilittok itak tak, molopai àsolùwau kapùi kaichalà ichelupappù kappon yamùk pokonpe, tùwettalipaik pùla meluntà pe, molopai Katù wettok itepulu pe yekamappù ya tok pàk. Ailon tetoppe tok uya.

Yeunossak kon Wotokoyi 2:4

Tok wanùpùppù màlà tamù'nawàlà Wakù Akkwalù ke molopai tok wessa'molùkappù tùuselupa kon pàk tùpatalo'nan mayin yamùk yau, Wakù Akkwalù uya tok pùikattàppù tok uselupatoppe.

Yeunossak kon Wotokoyi 28:31

Katù wettok itepulu pe yekamappù ya molopai kappon yamùk yenupappù ya Itepulu Jesus Christ pàk, tùuselupa pàk iwechippù tùusenalippaik pùla molopai iwakkà'nài pùla.

Yeunossak kon Wotokoyi 4:13

Jew yamùk yepulu ton usenumenkappù kulu màlà Peter molopai John tawonnan wettalipa pùla iwechi pàk, molopai ichenupasak kon pe pùla tok wechi tùulon kon kappon yamùk kasa ittu tùuya'nokon pàk. Màlàpàk tok uya Jesus ya'lon kon nà lùssan pe tok wechi ittuppù.

Yeunossak kon Wotokoyi 4:29

Molopai sàlà pe, Itepulu, yenkà sa'man pe tok uselupappù. Molopai ina ayapyoto ton uselupa toppe eyekale pàk ikukkà tùwe'namaik pùla.

Yeunossak kon Wotokoyi 4:31

Tok wàpùlema kassak yau, màlà pata tok wettok yau utattù'mappù. Tamù'nawàlà tok wanùssak wechippù Wakù Akkwalù ke molopai tok wepyattàppù Katù yekale yekama pàk meluntà pe.

Yeunossak kon Wotokoyi 9:27

Màlàyau Barnabas uya yalàppù yeunossak kon piyak. Barnabas uya yekamappù tok pàk Saul uya Itepulu Jesus yeneppù asantau, molopai Itepulu Jesus uya yelupappù. Molopai Saul uya Itekale yekamappù tùsenalippaik pùla Jesus yesek yau Damascus po yekamappù ya.

Yeunossak kon Wotokoyi 9:29

Jew yamùk Greek pe tùuselupasan pokonpe nàlà ichelupappù, molopai tok yeippàtùppù ya, tùse tok wechippù iwànàiche.

Romans 15:30

Apawanattàyatàu Iulà utonpa yamùk, Kùyepulu kon Jesus Christ winà molopai uchi'nùnmantok Wakù Akkwalù nùtùlù winà. Àwàpùlematok kon yau epanta'matà kon uponaloppe.

Romans 16:25

Katù yapulatàk kon! Meluntà pe ewechi kon pa àkupù kon ya màlà tapàikketù ke, Wakù Itekale unekama Jesus Christ yekale yai. Tachinpe pena sàlà itekale kupùppù màlà tonantau.

1 Corinthians 1:5

Masapùla mùkkàlà yau tamù'nawolon yesappe ewenasak kon man, tamù'nawolon yau, tamù'nawàlà euselupatok kon yau molopai tamù'nawàlà ittutok auya'nokon yau.

1 Corinthians 2:7

Tùse ina uselupa nai'nùk Katù pukketù tùttusen pen pàk, pukkek tonantau iwessak lùppù. Katù uya tonanse ikupùppù. Sàlà kupùppù ya màlà pata wepyattà wapiya, yapulàtok kon pe.

1 Corinthians 4:1

Màlàpàk uchi, ina yene kappon yamùk uya màlà Christ yapyoto ton pe, molopai Katù nùwotokoyittàssan, tùttusen pen ailon yenpoikannan pe ikussak kon pe.

2 Corinthians 1:11

Àwàpùlema kon winà nàlà ina ipùikattàtàk kon. Màlà kasaichi iwechi màlà àwàpùlematok kon ina pona useiku molopai Katù uya ina pùlema màlà, tukkan kon uya tenki te toppe ina pàkànsau.

2 Corinthians 3:12

Màlàpàk enpen tùwettok kon yesappe tùwechi kon pàk, ina usenalipa pùla iwechi màlà.

2 Corinthians 6:11

Ina tonpa yamùk Corinth pon kon! Ina uselupasak man àpokonpe'nokon ailon pe yà'làlà tonanse pùla, ina uya tewan kon yakkokasak man eke pe.

2 Corinthians 7:4

Enpen kulu wessaik àpàkù'nokon, kùyauchinpayatàik. Tamù'nawolon ina talumattàtok yau meluntà pe ina man. Wanùssak man utauchinpantok ke.

2 Corinthians 8:7

Tamù'nawolon yau tùulon kon yentai messatàik ailon tetok yau, uselupantok yau molopai pukkeppe we'nàtok yau, tùulon kon ànpùikattàpai ewettok kon yau, molopai ina pùnùnmatok auya'nokon yau. Màlàpàk nàlàichi tùulon kon yentai tùwe'lepasan pe mettàik sàlà we'wotokomantok pùnùnmantok yau.

Ephesians 3:9

Molopai tamù'nawolon kon pàk tùttusen pe pùla nai'nùk yeselu Katù piyawon yekamatoppe uya tok uya yentoppe. Katù, tamù'nawolon yà'làlà konekanàippù uya màlà kappon yamùk wapiyalok kon winàpai tùttusen pen kupùppù mailà tonantau.,

Colossians 2:2

Sàlà ku'nài Iulà tok yewan wenatoppe meluntà peiwa. Echi'nùn pe tok wettoppe tamùkke, tamùnawàlà wakù ton yepotoppe tok uya ittu tùuya'nokon tamù'nawàlà ipùkkù pe neken pùla winà. Màlà kasa tok uya Katù nùkupù tùttusen pe pùla ittu màlà, mùkkàlà ichi Christ.

Colossians 4:3

Màlà yattai nàlà ina pona màpùlematàik ina pùikattàtoppe ya. Molopai ina lepatoppe ya Tekale yekamatok ina uya yattai ke, Christ winàpaino Wakù Itekale pena ittusak lùppù pen yekamatoppe ina uya. Màlà pàkànsau sàlà patikichi tau wechi nai'nùk.

1 Thessalonians 2:2

Mùttuyatàik ina talumattàkapùppù molopai ina mottùnpapàtùppù Philippi po, ina uyàpù Thessalonica pona apyakù'nokon wapiya. Tùse ku Katù uya meluntà pe tùwettalipaik pùla uselupantok Wakù Itekale yekama pe yapàikkettù ke ina lepappù, eke pe lànen iwakkà'nài nan tùse.

1 Thessalonians 5:25

Ina pona nàlàichi, màpùlematàik, ina tonpa yamùk.

2 Thessalonians 3:1

Molopai nen uchi wenukapù pe, ina pona màpùlematàik, te uya sàlà àpàkù'nokon ina tonpa yamùk, Itepulu maimu utalenkatoppe miyaiwa asse'ne molopai yapulàtok wessepotoppe àkklottau'nokon iwekkupùppù kasa.

1 Timothy 3:16

Ewaik lù'na'mà lù tetok pùn màlà ailon tetok kùuya'nokon eke kulu. Ichenpoikappù kappon pun yau, ailon pe iwechi yenpoikappù Wakù Akkwalù uya, molopai inchelù yamùk uya yeneppù. Kappon yamùk kùlottau Jesus yekale yekamappù màlà, tukkan kon kappon yamùk, wolù yawolon kon uya ailon teppù ipàk, molopai yanùmùppù epùn pona.

Philemon 1:22

Màlà kupùi'ma, upatassek woton ikonekakà, masapùla Katù uya tùpawanattàtok auya'nokon yeiku pe tùttuyaik unnapo ya apyakù'nokon pe.

Hebrews 13:18

Ina pona àpùlematàk kon. Ina nùttuyan kulu wakù pe, tùwamùla we'nàtok yesappe ina wechi, molopai ikasa nai'nùk ànkupai tàwàlàlà.