Ephesians 6:18 - Patamuna New Testament Revised

¹⁸ Àwàpùlema kon yau sàlà yamùk ikuttàk kon tamù'nawàlà Katù uya, pùikattàntok yennai'ma. Tàwàlàlà àpùlematàk kon Wakù Akkwalù meluntàlù yau. Màlàpàk tùwekonekaik ettàk kon. Ke'nonkatàu, màpùlematàik tamù'nawolon kon Katù ponalok kon kappon yamùk pona.

Ephesians 6:18 ပူးပေါင်းရင်းမြစ်များ

Matthew 17:21

[Tùse tùuta'lettàik pùla wàpùlemantok neken màlà pùsàlà yekkwa yenpakkanài. Yà'làlà uya ikupù yentai iwechi màlà.]” tukaik Jesus uya tok yeikuppù.

Matthew 26:41

“Enpen ettàk, molopai àpùlematàk kon ittuntok yak àutà kon tukaik. Akkwalù ànkuppai man tùse pun attu'mùla man,” teppù ya.

Mark 13:33

Enpen ettàk kon, masapùla yà'là yattai là màlà weyu uyàpà ittu auya'nokon pùla iwechi màlà.

Mark 14:38

“Enpen ettàk kon molopai àpùlematàk eyittutok yak àutà kon tukaik. Ayakkwalù kon nen alikyek pe man, tùse atu'mùla àpun kon man,” teppù Jesus uya tok pàk.

Luke 21:36

Enpen ettàk kon molopai àpùlematàk kon tàwàlà, meluntà pe ewechi kon pa sàlà yamùk wekkupù yawàlà àutà kon yau, molopai Kàyik Mumu yemloto po àwà'mùssakka kon pa,” teppù Jesus uya.

Luke 22:46

Molopai Jesus uya tok pàk, “Yà'là peichi iwechi pàk mewe'nùnyatàu? E'wuluukatàk kon molopai àpùlematàk kon ittuntok yak ewettùlù kon tukaik,” teppù ya.

Luke 3:26

Naggai mùkkàlà Maath mumu lùppù. Maath mùkkàlà Mattathias mumu lùppù. Mattathias mùkkàlà Semei mumu lùppù. Semein mùkkàlà Josech mumu lùppù. Joseph mùkkàlà Joda mumu lùppù.

Luke 3:37

Lamech mùkkàlà Methuselah mumu lùppù. Methuselah mùkkàlà Enoch mumu lùppù. Enoch mùkkàlà Jared mumu lùppù. Jared mùkkàlà Mahalaleel mumu lùppù. Mahalaleel mùkkàlà Cainan mumu lùppù.

Yeunossak kon Wotokoyi 1:14

Tok wepilippàtùppù tamùkke echipalà àpùlemase, tamùkke nossan yamùk pokonpe, Mary là Jesus yan molopai Jesus yakon non tukaik.

Yeunossak kon Wotokoyi 10:2

Mùkkàlà molopai itùwùk tawon kon wechippù wakù pe. Katù namappù tok uya. Eke pe kulu yà'làlà kupùppù ya entuppa'nokon Jew yamùk pùikattà pe, molopai tàwàlàlà tùwàpùlemasen pe iwechippù Katù pàk.

Yeunossak kon Wotokoyi 12:5

Màlàpàk Peter kupùppù màlà patikichi tau, tùse sochi tawon kon wechippù tùwàpùlema kon pàk kulu ipona.

Yeunossak kon Wotokoyi 6:4

Molopai ina nen uchi wettoppe tùwàpùlematok kon yau molopai itekale yekama pàk” teppù tok uya.

Romans 12:12

Tàwà enpen ewettok kon àkuttàu tùutauchinpaik, ewettalumattàtok kon ipàlikatàk, molopai àpùlematàk kon tàwàlà.

Romans 8:15

Masapùla Wakù Akkwalù Katù uya elepatok kon màlà apyoto pe àku'nài'nokon pen molopai eusenalipa kon pa tu'ma àku'nài'nokon pen, tùse Wakù Akkwalù làkku màlà Katù munkà yamùk pe àku'nài'nokon. Molopai Wakù Akkwalù meluntàlù winà Katù pàk, “Abba! Ukàipùpù!” tawonnan kùmyamlo.

Galatians 4:6

Masapùla tùmunkà pe ewechi kon pàk Katù uya Tùmu Yakkwalù yeunokoppù màlà kùyewan kon yak, Akkwalù mùkkàlà yekamapponài “Ukàipùnù, Ukàipùnù,” tukaik.

Ephesians 1:16

àpona'nokon wàpùlematok yeleutanùssak uya pùla man Katù pàk tenki te uya yau. Eyittunài'nokon Iulà wàpùlema yau,

Ephesians 2:22

Christ yau itonpa pe ewechi kon màlà. Amyamlo nàlà yamù màlà tamùkke tamù'nawolon kon tùulon kon pokonpe Wakù Akkwalù winà tapùi Katù wemattok itau pe.

Ephesians 3:18

Molopai amyamlo tamùkke tamù'nawolon kon Katù ponalok kon kappon yamùk pokonpe, pukkeppe ewechi kon pa eke pe, kusan pe, kau, molopai i'nau Christ uya pùnùnmantok wechi ittu kon pa.

Ephesians 3:8

Iulà mùkkàlà tamù'nawolon kon Katù ponalok kon kappon yamùk ma'lan kulu. Tùse Katù uya ulepappù sàlà wakù wotoko ke Wakù Itekale yatoppe uya Jew yamùk pen piyak tùwenukapù woton pen wakù ton Christ piyawon kon mamin yekamase.

Ephesians 6:19

Molopai upona nàlà màpùlematàik, Katù uya ulepatoppe itekale ke, uselupa pàk wekonekasak yau, uselupatoppe meluntà pe tùusenalipaik pùla. Molopai Wakù Itekale yawon tùttusen pen yekamatoppe uya.

Philippians 1:4

Molopai tamù'nawàlà àpona'nokon wàpùlema yau tùwàpùlemasen Iulà tùutauchinpaik tàwàlàlà.

Philippians 4:6

Tùutaimelunpaik kettàu yà'làlà pàk, tùse àwàpùlematok kon yau. Katù yekamappotàk kon, iche kulu ewettok kon yennatàk ipàk, tenki tetok itewan pe tàwàlà.

Colossians 1:3

Tàwàlàlà tenki tawonnan ina Katù pàk, Kùyepulu kon Jesus Christ Kàipùnù pàk, àpona'nokon ina wàpùlema yau.

Colossians 1:4

Masapùla ailon tetok auya'nokon Christ Jesus pàk yekale yetasak ina uya man. Molopai tamù'nawolon kon Katù ponalok kon pùnùnmatok auya'nokon yekale yetasak ina uya.

Colossians 4:2

Màpùlematàik tàwàlàlà. Enpen mettàik àwàpùlema kon yau, tenki teima Katù pàk.

1 Thessalonians 5:17

Tùwàpùlemaik mettàik tàwàlàlà.

1 Timothy 2:1

Wapiya kulu, tok ponalà'ne kappon yamùk pona àwàpùlema pa eyekamappoyan Iulà. Tamù'nawàlà tok pùikattàtoppe Katù uya màpùlemaik molopai tenki tetok auya tok pàk mekamaik Katù pàk.

2 Timothy 1:3

Tenki ukayaik Katù pàk, yapulù pe we'wotokoma pàk tùwanmùla echii'ma esuken, utamo yamùk we'wotokomappù kasa. Tenki tawon Iulà eyittu uya tàwàlà wàpùlema yau, ewalupàttau molopai wei nai.

Philemon 1:5

Masapùla tamù'nawàlà kappon yamùk pùnùnma auya tukaik tetayaik, ailon tetok auya Itepulu Jesus pàk, yeta uya pàk.

Hebrews 5:7

Tùwemapù non po yau Jesus wàpùlemappù màlà molopai Katù pawanattàppù ya eke pe tùkalanse molopai tenupalu tùkkwanse, tùpùikattà toppe ya weli'nàtok winàpai. Katù uya imaimu yetappù màlà masapùla tùmaimu yawàlà iwettùssak tamù'nawàlà pàk.

1 Peter 4:7

Tamù'nawolon yà'làlà wenukattok yattai mei pùla man. Eyesak kon pe ettàk kon, molopai enpen ettàk kon, àwàpùlema kon pe.

Jude 1:20

Tùse amyamlo, utonpa yamùk kulu, esemokkatàk kon wakù ailon tetok auya'nokon ipàk yau. Àpùlematàk kon Wakù Akkwalù meluntàlù yau,