Ephesians 6:12 - Patamuna New Testament Revised

¹² Masapùla wepanta'man nokon kappon yamùk pokonpe pen sàlà, tùse àli ton akkwalù meluntàlù kak yawolon kon pokonpe, itepulu yamùk, apàikketton, molopai sàlà ewalupà yawon kon itepulu yamùk tensan pen meluntàlù pokonpe.

Ephesians 6:12 ပူးပေါင်းရင်းမြစ်များ

Matthew 16:17

“Simon, Jonah mumu, ipùlemasak àmàlà! Masapùla sàlà usenpoikappù kappon winà là pen màlà tùse Ukàipùnù epùn pon winà.

Mark 4:19

tùse tùwemattok pàk neken tok utaimelunpa, temamin ke eppai, pùlayattappe, tamù'nawà sàlà non pon kon yeselu iche tok wettok wepilipù tok yewan yak uya, itekale yeulanka. Màlàpàk tok wepeta pùla iwechi.

Luke 13:24

“Wakù pe ànùttu kon ikuttàk kon ettakkù manatta yai ewewomù kon pa. Masapùla tukkan kon kappon yamùk wechi màlà tùwewomùiche' nokon tùse tok wewomù pen màlà, ukayaik àpàkù'nokon.”

Luke 22:53

Apyau'nokon ku Katù yùwùk tau wechippù wei kaichalà, molopai uyachiche ewechi kon pùn. Tùse sàlà pata weyu àponalok kon pe man, molopai ewalupà meluntàlù ponaloppe,” teppù.

John 12:31

Sàlàichi màlà sàlà wolù yawon kon kappon yamùk ittutok weyu. Molopai sàlà peichi sàlà wolù yepulu yenpakka màlà,” teppù.

John 14:30

Màlà yentak lùiwa àpokonpe' nokon uselupa pen sàlà, masapùla sàlà wolù yepulu nùyàssan. Tùse uyentaino pen imeluntàlù mùkkàlà.

John 16:11

Tok usenumenkatok ikasa pùla man talumattàntok pàk, masapùla sàlà wolù yepulu talumattàsak pàk.

Yeunossak kon Wotokoyi 26:18

Àmàlà wechi màlà tok yenu yakkokanài pe molopai tok lattànài pe ewalupà winàpai akkwa winàkàik, molopai Settan meluntàlù winàpai Katù winàkàik, ailon tetok tùuya'nokon uyau yai tok uya usentuppantok tùmakuyi kon pàk yepotoppe molopai wakù ton yepotoppe tok uya Katù nanùmùssan kùlottau,’ teppù Jesus uya upàk,” teppù Paul uya tok pàk.

Romans 8:38

Masapùla tùttuyaik kulu yà'làlà uya kùpantakatok kon pùla iwechi màlà pùnùnmantok ya winàpai. Weli'nàtok uya kùpantaka pen màlà, wapùla wema'nàtok uya, wapùla inchelù yamùk, wapùla tùulon kon kau nai'nanùk potolù ton molopai meluntà ton yapàiketù uya, wapùla sàlà pe nai'nùk wapùla ewanawà nai'nùk uya.

1 Corinthians 15:50

Sàlà tekamayaik àpàku'nokon utonpa yamùk, pun molopai mùn uya Katù wettok itepulu pe yepolo pen màlà, molopai tùukàtasen uya tùukàtasen pen yepolo pùla iwechi màlà.

2 Corinthians 11:14

Enumenkanài pùla iwechi màlà, masapùla Settan lànen mùkkàlà tùwepontàsen pe akkwa inchelùyi kasa.

2 Corinthians 4:4

Sàlà wolù yepulu uya ailon tawonnan pen usenumenkatok yewalumankasak màlà. Wakù Itekale yakkwayi Christ winàpaino yene tok uya tukaik, mùkkàlà uchi Katù usentok.

Galatians 1:16

Tùmu yenpoika pàk uyau, tekale yekama toppe uya Jew yamùk pen pàk, ànù'là yekamapposak uya pùla man sàlà pàk.

Ephesians 1:21

Christ Itepulu wechi màlà molo tamù'nawolon kon epùn pon kon itepulu yamùk yepoi, apàikketton, meluntà ton, molopai tamù'nawolon kon tùulon kon itepulu yamùk yepoi. Tamù'nawolon eke ton esek yamùk wolù yawon kon yepoino mùkkàlà molopai ewanawolok tùuyàssen pata yepoino.

Ephesians 1:3

Tenki te pai'nokon man Katù pàk, Kùyepulu Jesus Christ Kàipùnù pàk! Wakù pe kulu iwessak man kùpàkù'nokon, tamù'nawolon wakù lepantok epùn pon ke kùlepa kon tùuya yawàlà, masapùla Christ ponaloppe we'nà'nokon pàk.

Ephesians 2:2

Màlà yattai wolù yawon kon yeselu kupùpppù auya'nokon màlà, kawon kon yepulu, Àli maimu yawàlà ewechippù kon, Katù Maimu yawàlà pùla tùwessan yepulu mùkkàlà.

Ephesians 3:10

sàlà pe, sochi tawon kon yai, Katù pukketù tùpatalo'nan yekamattoppe inchelù yamùk pàk itepulu ton molopai apàikketton epùn yawolon kon pàk.

Colossians 1:13

Masapùla kùpùikattàppù kon ya ewalupà meluntàlù winàpai molopai ne'nàsak kon ya itepulu pe tù'nùn Tùmu wettok yak pàk.

Colossians 2:15

Molopai màlà pulusuk po Christ uya itepulu ton àli akkwalù yamùk molopai apàikkek ton yentaikappù. Tok kupùppù ya tensan pe ayupo tok yentai tùwechi ke.

2 Timothy 2:5

Aitun pe tùutàsen wenkalunnàtok yau uya tepeppù yepolo pen màlà, tùse aitun pe utàntok maimu yawàlà neken iwechi yau.

Hebrews 12:1

Tukkan kon pùsamlo ennài nan kùwoi'nokon man. Màlàpàk tamù'nawolon kùwakkà'nài'nokon yenu'mapai'nokon. Màlà makui kùyachiyatài'nùk nàlà, molopai aitun pe utànpai'nokon pàlikantok pokonpe wapplùnnàtok kùyemloto kon po nai'nùk yak.

Hebrews 12:4

Masapùla ewepanta'makon àli kuttok winàkàik yau àmùnù kon ikkwamù auya'nokon tepose ewepanta'ma kon pùn.

1 Peter 3:22

Itàppù nai'nùk epùn pona, molopai namantok pata yau Katù yemyatù kamik pen winà nai'nùk. Tamù'nawolon kon inchelù yamùk yepulu mùkkàlà, tamù'nawolon kon apàikkek ton molopai tamù'nawolon kon meluntà ton yepulu.