Ephesians 5:8 - Patamuna New Testament Revised

⁸ Amyamlo wechippù ewalupàttau màlà, tùse Itepulu Katù ponalok kon kappon yamùk pe ewenasak kon pàk akkwa yau ewechi kon màlà. Màlàpàk uchi emattàk kon kappon yamùk akkwa yau tùwemassan kasa.

Ephesians 5:8 ပူးပေါင်းရင်းမြစ်များ

Matthew 3:8

“Màlà yamùk ikuttàk kon amakuyi kon winàpai ewelattàsak kon yekamanài.

Matthew 4:16

Kappon yamùk ewalupàttau tùwemassan uya eke akkwa yene màlà! Mùkyamlo weli'nàtok yewalupàyi pata yau tùwemassan pona akkwa ulenpamù màlà!” tawon.

Luke 1:79

Molopai ilenpamù màlà ewalupàttau tùwemassan pona molopai weli'nàtok yewalupàyi yawon kon pona. Kùtta yanài pe wakù pe echitonpa pe we'nàtok yeselu yawà,” tukaik.

Luke 16:8

“Ailon pen pùlayatta mainanpanài yepulu uya yapulàppù màlà ittunài pe iwessak pàk. Kappon yamùk sàlà non pon kon mùkyamlo ikasa pe tukaik tùwotokoyi kon ku'nài nan, akkwa yawon kon kappon yamùk yentai,” teppù Jesus uya.

John 1:9

Sàlà wechippù màlà ailon kulu akkwa, sàlà non pona tùuyàssen, tamù'nawolon kon kappon yamùk weyuttàik.

John 12:35

Màlàyau Jesus uya tok pàk, “Akkwa wechi màlà apyau'nokon tachin pe kulu pùla. Asatàk kon akkwa pe iwechi kùlottau, ewalupà uyàpù àpona'nokon wapiya. Ewalupàttau tùusasen mùkkàlà i'nailàlà tùutà ittunài pen.

John 12:36

Ailon tukaik ettàk kon akkwa pàk itesak pe ewechi kon kùlottau molopai akkwa munkà pe ewena kon màlà,” tukaik. Tùuselupakapù tùpo Jesus utàppù molopai tok winàpai iicho'namùppù.

John 12:46

Uyàssak sàlà, wolù weyu pe, ànù'là ailon tawon upàk wechi ewalupàttau tukaik.

John 8:12

Màlà tùpo Jesus uya kappon yamùk yelupatu'mappù, “Iulà mùkkàlà sàlà wolù weyu. Ànù'là uya'là tùuyàssen usalà ewalupàttau pen màlà, tùse wema'nàtok weyu yesappe iwechi,” tukaik.

Yeunossak kon Wotokoyi 17:30

Pena Katù uya màlà yenpàtùppù kappon yamùk uya ittu pùla iwechi yattai, tùse sàlà pe Katù uya tamù'nawolon kon kappon yamùk mailon kon nà là, welattàtoppe àli teselu kon winàpai yekamasak man.

Yeunossak kon Wotokoyi 26:18

Àmàlà wechi màlà tok yenu yakkokanài pe molopai tok lattànài pe ewalupà winàpai akkwa winàkàik, molopai Settan meluntàlù winàpai Katù winàkàik, ailon tetok tùuya'nokon uyau yai tok uya usentuppantok tùmakuyi kon pàk yepotoppe molopai wakù ton yepotoppe tok uya Katù nanùmùssan kùlottau,’ teppù Jesus uya upàk,” teppù Paul uya tok pàk.

Romans 1:21

Katù ittunnan mùkyamlo, tùse yapulàtok molopai inamatok iponalok tùnnan pen. Tenki tawonnan pen mùkyamlo. Tok usenumenkatok wenasak màlà itenpù pe. Molopai tok usenumenkatok wenasak pakko pe molopai ewalupà pe.

Romans 13:12

Ewalupà wenukassak lùiwa nen uchi man, wei welepansak lùiwa man. Ewalupà ponalok yà'làlà kupù pàk we'nàtok nokon yeleutanùppai'nokon man. Wepanta'mantok ike weinai yanùnpai'nokon man.

Romans 2:19

Enpùnon ye'ma yekamanài pe ewechi mùttuyaik, ewalupàttau là nai'nannùk weyu pe ewechi.

1 Corinthians 1:30

Tùse Katù uya enessak kon man Christ Jesus ponaloppe we'nàtok yak, molopai Katù uya Christ kussak man ittutok kùuya'nokon pe. Mùkkàlà Christ winà Katù pokonpe ikasa kùtùlù kon màlà, esuken molopai kùpùikattà kon àli kuttok winàpai.

2 Corinthians 3:18

Tamù'nawolon kon kùmyamlo uchi mùkyamlo Itepulu yakkwayi yenpoikannan itenpata wapu pùla echii'ma, molopai ikasa tùwemyakamasan tàwàlàlà tùwessen akkwa pokonpe. Itepulu winàpai nùyàssai'nùk, uchi mùkkàlà Akkwalù.

2 Corinthians 4:6

Masapùla Katù uya, “Tàwà akkwa nùlenpamùi ewalupàttapai!” teppù, {Gen 1.3} mùkkàlà lùppù Katù uya takkwayi lenpankasak man kùyewan kon yau, Katù namatok yakkwayi ittutok yakkwayi nettoppe tùuya kùpyakù'nokon, Christ yenpatau ilenpamù.

2 Corinthians 6:14

Tamùkke ailon tawonnan pen pokonpe echipatùnayi pe kettàu. Yà'là kasa ken iwalai molopai iwalai pen we'wotokoma tamùkke? Yà'là kasa ken akkwa molopai ewalupà wemapù tamùkke?

Galatians 5:25

Akkwalù uya lepansakù'nokon wema'nàtok ke yau, Akkwalù wenaimapai'nokon uchi.

Ephesians 2:2

Màlà yattai wolù yawon kon yeselu kupùpppù auya'nokon màlà, kawon kon yepulu, Àli maimu yawàlà ewechippù kon, Katù Maimu yawàlà pùla tùwessan yepulu mùkkàlà.

Ephesians 4:18

molopai ichenumenkatok ewalupàttau nai'nùk. Katù nùtùlù wema'nàtok pùkkù pe pùla tok wechi màlà, masapùla ittunài pe pùla tok wechi pàk molopai sa'man pe tok yewan wechi.

Ephesians 5:2

uchi'nùnmantok ewemattok yau nechii, Christ uya kù'nùnmappù kon molopai iwettùlùppù kùponalok kon pe kasa, wakù pe tùkà'nùnsen tùtùsen Katù yauchinpanài pe kasa.

Ephesians 6:12

Masapùla wepanta'man nokon kappon yamùk pokonpe pen sàlà, tùse àli ton akkwalù meluntàlù kak yawolon kon pokonpe, itepulu yamùk, apàikketton, molopai sàlà ewalupà yawon kon itepulu yamùk tensan pen meluntàlù pokonpe.

Colossians 1:12

Molopai tenki tawonnan pe Kùkàipùnù kon pàk tùutachinpaik. mùkkàlà àku'nàippù'nokon tùnkupùppù tùponalok kon ponaloppe wakù akkwa pata yau ipùkkù pe ewechi kon pa.

Colossians 1:13

Masapùla kùpùikattàppù kon ya ewalupà meluntàlù winàpai molopai ne'nàsak kon ya itepulu pe tù'nùn Tùmu wettok yak pàk.

Titus 3:3

Masapùla kùmyamlo nàlà wechippù pakko pe, mayin yawolon pe pùla, ennakan yapyoto pe we'nàppà'nokon màlà yà'làlà yau yauchin pe. Esseyaton pàk wema'nàppà'nokon màlà molopai kùlùmàlunàtok yau; tùulon kon kùyeya'nomatantàu molopai tok yeya'nomappù màlà.

1 John 1:7

Tùse wema'nà akkwa yau, akkwa yau iwechi nai'nùk kasa yau, echitonpa pe we'nà màlà kùtonpa pokonpe, molopai Jesus Christ, Imu, mùnù uya kùkuka kon màlà tamù'nawàlà kùmakuyi kon winàpai.