Ephesians 5:6 - Patamuna New Testament Revised

⁶ Ànù'là eyenkuttàtakù'nokon ailon pen mayin ke pakko pe: sàlà yamùk pàkànsau uchi màlà Katù we'naikatok uyàpù mùkyamlo tùmaimu yawàlà pùla nai'nannùk pona.

Ephesians 5:6 ပူးပေါင်းရင်းမြစ်များ

Matthew 24:24

Masapùla ailon pen Christ molopai ailon pen itekale yenpoikannan usenpoika màlà. Eke ton wotoko molopai enumenkanài kupù tok uya màlà yanùnsak kon yennakatoppe tùuya'nokon, tok yennaka tùuya'nokon pe iwechi yau.

Matthew 24:4

Jesus uya yeikuppù, “Enpen mettàik, ànù'là eyennakatakù'nokon.

Mark 13:22

Masapùla Christ pe tukaik, molopai Katù Maimu yenpoikannan pe tukaik tùusennakasan ailon ton pen uyàpù màlà molopai yentok ipàkàlà woton, eke ton enumenkanài molopai enalippanài kupù tok uya màlà. Ikupù tùuya'nokon yau Katù nanùmùssan yennakaiche tok wechi màlà.

Mark 13:5

Màlàyau Jesus uya tok pàk, “Enpen ettàk kon, ànù'là uya kasei pàk eyenkuttà kon tukaik, tukaik.

Romans 1:18

Katù we'naikatok usenpoikasak man epùn winàpai. Iyàssak màlà tamù'nawolon àli ton molopai àli pe kappon yamùk wettok pona, mùkyamlo àli pe tùwettok kon yeselu ke ittutoppe pùla ailon wakkàssai'nannùk pona.

Colossians 2:18

Kappon yamùk là, wakù pe tukaik molopai àssà'mùla pe tukaik tùusennakasan molopai inchelù yamùk pàk tùwàpùlemasan tese'mu kon yok tùwenase eyennakatakù'nokon. Molopai alapumatakù'nokon e'mantok winàpai. We'neppà'nà walai yene tùuya'nokon pàk tùuselupasan mùkyamlo tùutapulà kon pe. Pùsamlo yekkwa ton ikasa pùla messatàik kùkkatak àpàkù'nokon. Ittutok ya pùnon mùkyamlo, pakko pe tùuselupasan masapùla kappon pe tok usenumenka pàk.

Colossians 2:4

Màlàpàk uchi tekamayaik àpàkù'nokon. Ànù'là eyennakatàkù'nokon ailon pen pàk wesseippà'nàtok yau, wakù pe ikasa kasa lànen iwechi tùse.

Colossians 2:8

Elanneppeichi ettàk kon! Molopai ailon tetok auya'nokon kù'mattatak, kappon pukketù là yà'là pen molopai ennakantok tok uya penalok kon uya enupantok winà, molopai kawon kon akkwalù yamùk yeselu winàpaino là winà. Tùse Christ uya làkku enupantok yetatàk kon.

Colossians 3:6

Katù mùkkàlà tùwe'naikasen tùmaimu yawolon kon pen kappon yamùk pàk.

2 Thessalonians 2:3

Ànù'là eyennakatakù'nokon yà'là kasa là. Masa màlà Wei uyàpù pen màlà Katù yeyatonnon yesak usenpoika ponalà, mùkkàlà itùlù woton inmattatoppe.

Hebrews 13:9

Tùpatalo'nan yà'là yekkwa ton nà enupantok kon ayatakù'nokon iwalai enupantok winàpai. Wakù pe iwechi màlà kùyewan kon wena meluntà pe Katù nùkupùppù wakù winà yau, kùyali tùnassen pe kappon nekama winà pùla. Masapùla mùkyamlo ina'nàinan nùssan pùikattànài pe pùla iwechi màlà.

Hebrews 3:19

Yene'nokon uchi man, ailon te tùuya'nokon pùla iwechi pàk tok wewomù pùla iwechippù wàlàkka'nàtok yak.

1 Peter 2:8

Molopai, “Sàlà màlà tàk kappon yamùk wettatai'matok iwinà woton, tàk tok kawai'ma woton,” teppù. {Isa 8. 14} Tok wettatai'ma màlà masapùla ailon tesak tok uya Katù Maimu pàk pùla iwechi pàk, màlàichi Katù yeselu tok ponalok.

1 John 4:1

Utonpa yamùk, ailon kùkatàu tamù'nawolon kon, Katù yakkwalù yesappe tukaik tùusennakasan pàk, tùse yentàk kon sàlà akkwalù itesappe tok wettok wechi là Katù winàpaino pe. Masapùla tukke Katù Maimu yenpoikannan pe tukaik tùukaseitasan utàppù man mailàlà wolù yau.