Ephesians 5:3 - Patamuna New Testament Revised

³ Tùse Katù ponalok kon, esukenan kon pe ewechi kon pàk, àli imakuyippù kuttok esak ke molopai tamù'nawolon àli, ànù'là yemamin iche we'nàtok kùsettak àkklottau'nokon. Sàlà yekkwa ton winàpai mettàik. Màlà yekkwa pe là uselupan kùsettak.

Ephesians 5:3 ပူးပေါင်းရင်းမြစ်များ

Matthew 15:19

Masapùla itewan yapai àli pe usenumenkantok uyàpù màlà, wàntoppe ya iku'nài, tùulon noppù pokonpe iwettoppe, molopai tùulon kon àli ton imakuyichan kuttoppe ya tesak ke, amappe iwettoppe, molopai kasei pe molopai àli pe ichelupatoppe tùulon kon pàk.

Luke 12:15

Molopai iichelupappù, “Yetatàk kon, molopai useka'nonkantok yà'là yamùk là iche winàpài ettàk kon. Masapùla kappon wemattok màlà tukkan itesak pe iwettok pùkkù pen,” teppù ya tamù'nawolon kon pàk.

Luke 16:14

Pharisee yamùk uya sàlà yamùk yetappù màlà, molopai tok wàkklàppù Jesus pàk italumattà pe, masapùla tùwakùli kon pe pùlayatta ku'nài nan pe tùwechi kon pàk.

Yeunossak kon Wotokoyi 15:20

Tùse, kaleta menukapai'nokon man tok pàk yekamape, Kùyali napù tok uya tukaik tùulon katù yemyak itùsak lùppù. Àli imakuyippù kuttok esak ke winàpai tok wettoppe; kamo i'mùtùntàsak yanù tok uya tukaik wapùla mùn yeme tok uya tukaik.

Yeunossak kon Wotokoyi 20:33

Ànù'là chilùpayi, wapùla ikolùyi, wapùla ipon nà iche useka'nonkasak pùla man.

Romans 1:29

Yà'là yekkwa ton nà àli pe we'nàtok kon yeselu ke tok wanùssak màlà, i'napailà imakuyippù pe we'nàtok, tùuseka'nonkaik we'nàtok ke, molopai kùlùmà ke, e'wàpai we'nàtok ke, wepanta'mantok ke, àsà pe we'nàtok ke molopai ennakantok etapankà tawonnan. Tùulon pantomù pàk tùuselupasan mùkyamlo.

Romans 16:2

Yanùntàk kon Itepulu yesek yau, Katù ponalok kon kappon yamùk yanùmù kasa. Molopai mùpùikattàtàik yà'làlà iche kulu iwettok ewinàpai'nokon yau, masapùla mùkkàlà wechippù wakù pe kulu, tukkan kon kappon yamùks pùikattàsak ya màlà eke pe kulu molopai Iulà nàlà.

Romans 6:13

Màlà tùse pùla àpùkkù kon kùsapulàtàu àli ponaloppe, àli pàkànsau yapulàtoppe. Tùse làkku Katù yemyak ettùtàk kon, kappon yamùk inesak kon weli'nàtok yapai wema'nàtok yak kasa molopai tamù'nawàlà ettùtàk kon itemyak wakù iwalai ponaloppe ayapulàtoppe.

1 Corinthians 10:8

Àli, imakuyippù kupù'nokon kùyesak kon ke kùsettak, tùulon kon wechippù kasa. Molopai tewin wei yau 23,000 pe tok welikùppù.

1 Corinthians 5:1

Sàlà pe imakuyippù pe tesak kon ke anùkyan là wessa'man àkklottau'nokon, àli pe kulu man, ailon Katù ittunnan pen kùlottau tùwekkussen pen màlà. Masapùla yekamasak man upàk kàyik wemapù tùkàipùnù noppù pokonpe.

1 Corinthians 6:13

“Kùyali màlà lotta ponalok molopai lotta kùyali ponalok”, tùse Katù nùmattanùppù ton màlà asakklàma. Esak wannà màlà àli imakuyippù ponalok pen tùse Itepulu ponalok, molopai Itepulu esak wannà ponalok.

1 Corinthians 6:18

Imakuyippù pe esak ke we'nàtok winàpai epetàk kon. Tamù'nawàlà tùulon kon yamùk àli ton wechi màlà tesak ke pùla kappon nùkupù pe, tùse imakuyippù pe nelaikayai'nùk wemakuima màlà tùpun winàkàik.

2 Corinthians 12:21

Usenalipayaik uyàttumasak yau Ukatùyi uya ukuli'ma yeselùkek iwechi pàk eyemloto kon po. Ukalawù màlà tukkan kon, mùkkyamlo iwemakuimasak kon nùssan pena molopai iwelattàsak kon àli ton winàpai pen wenai, àli pe tùwemattok kon yau tùwessan, tesak kon ke àli pe tùwessan molopai esak wettok ànkuppai ku'nàinan.

Ephesians 5:12

Sàlà yamùk tok nùkussai'nùk amak yai tonantau kuli'mak man yekama yentai kulu.

Ephesians 5:5

Masapùla sàlà mùttuyatàik: ànù'là màlà yamùk ku'nài wapùla tùuseka'nonkasen uya yà'làlà yepolo pen màlà Christ molopai Katù winàpai, masapùla ànù'là yemamin iche we'nàtok wechi màlà weppeimantok itemlotopo pe.

Philippians 1:27

Tùse yà'là pe là wechi pe iwechi yau, Christ yekale nekama yawà memattàik tàwàlà. Màlàyau nen uchi eyense'nokon utà wapùla utà pùla là iwechi tùse eyekale kon neken nà yetatoppe uya, tamùkke tewin itewan, tewin ichenumenkatok, molopai meluntà pe ewechi kon wakù itekale ponaloppe yetatoppe uya.

Colossians 3:5

Màlà yamùk àli ànkuppai we'nàtok ne'wotokomayai'nùk ayau'nokon inonkatàk kon. Àli imakuyippù kuttok esak ke, esuken pùla we'nàtok, ipàlika yentai àli ànkupai we'nàtok màlàwannà ke, tùuseka'nonkaik we'nàtok inonkatàk. (Masapùla tùuseka'nonkaik we'nàtok màlà tùulon katù yemlotopo wepeiman walai).

1 Thessalonians 4:3

Sàlàichi màlà Katù wettok iche, yawàlà ewechi kon pa. Wakù pe esuken molopai àli imakuyippù kuttok màlàwannà ke pokonpe pùla ewemattok kon yau ewechi kon pa.

1 Thessalonians 4:7

Àli yau là wema’nàtok kon pe Katù uya kùkà'ma kon pùn tùse wakù pe, esuken Katù tùnamaik we’nàtok kon pe kùkà’massak kon ya màlà.

1 Timothy 2:10

tùse wakù pe iwelaikatok, Katù ittunnan ulichamichi welaikatok kasa.

1 Timothy 3:3

Tùwetùnsen pe pùla, wapùla àsà pe tùwessen pe pùla, tùse yà'làlà pàlikanài pe molopai echitonpa pe, pùlayatta pùnùnmanài pe pùla.

1 Timothy 6:10

Masapùla pùlayatta pàk ewan tùtok màlà tamù'nawàlà yà'là yekkwa àli uyàttok iwinà. Tùulon kon wechippù man enepopai kulu màlàyau tok utàppù miya ailon tetok winàpai molopai tok usewankono'mappù, màlà uya tok yewan ikkwàssaks.

2 Timothy 3:2

Kappon yamùk wechi màlà tùmàlà neken pùnùnmannan pe, pùlayatta pùnùmannan pe, tùutapulàsan pe, tùtonpa yentai wakù pe tùwekkussan pe, mottùnpannan pe tok wechi màlà, tùsan kon maimu yawàlà pùla tùwessan pe, tenki tawonnan pe pùla, esuken pùla;

Titus 1:11

Tok uselupa yeleutanùpù pe là nen iwechi màlà, masapùla kappon yamùk yaimelunpayan tok, tok munkà pokonpe màlà enupantok tùuya'nokon yekama tùuya'nokon ke, màlà kappon yenupatok yek pen ke, àli pàkànsau pùlayatta yepotoppe tùuya'nokon.

Titus 1:7

Masapùla Katù wotokoyi yesappe iwechi pàk, sochi yennài wechi màlà ikasa pùla là tùwemassen pe pùla. Yà'làlà ànkuppaino tùyiwalà teselu yau pe pùla iwechi màlà, wapùla asse'ne tùwe'naikasen pe pùla, wapùla tùwetùnsen pe pùla, wapùla àsà pe pùla, wapùla pùlayatta pàk tùuseka'nonkasen pe pùla.

Titus 2:3

Màlà kasa làma nossan yamùk lùiwa wettoppe tok yelupakà, wakù pe Katù tùnamaik tùwemassan pe. Eimiponnan pe pùla nàlà, wapùla tùwetùnsan pe pùla. Wakù pàk làkku enupannan pe tok nechiik

Hebrews 12:16

Elannek pe ettàk kon ànù'là uya àli kupù tesak ke tukaik wapùla ànù'là wechi Katù pùn kasa tukaik. Esau kasa, mùkkàlà tùpatassek wapiya iwentusappe tùwechi nepolo chilanmanàippù, tewin itekkwa tùnassen kùyali yepeppe.

1 Peter 5:2

Kalinilu yesan kasa ettàk kon, mùkyamlo Katù uya elepatok kon ike mainanpa kon pa, molopai tok imainanpatàk kon alikyek pe, Katù wettok ikupù auya'nokon iche kasa. Àwotokoyi kon ikuttàk kon e'mantoppe neken pùla, tùse pùikak pe eppai we'nàtok yapai.

2 Peter 2:10

mùkyamlo kulu akùlù iteselu wakù ke telupa kon yetannan pen molopai Katù yapàikketù nulunpannan. Tùusenalippaik pùla molopai meluntà pe àli pe tùuselupasan mùkyamlo kawon kon akkwalù yamùk winàkàik.

2 Peter 2:14

Tok yenu uya ulichan yene àli ànkuppai tùwesse pùla pen màlà. Àli ànkuppai tok wettok màlà tùweleutasen pen. Attu'mùnon kappon yamùk yamùipannan mùkyamlo àli kuttok yak. Tewan kon yenupasak tok uya màlà tùuseka'nonkasen pe yà'làlà iche tùwettok kon pe. Katù uya pa'nù'nàtok yo'no tok wechi màlà!

2 Peter 2:3

Tùulon yemamin iche tùwettok kon yau pùsamlo ailon pen pàk enupannan uya ayapulà kon màlà pùlayatta yepotoppe tùuya'nokon enkuttànài panton yekama tùuya'nokon winà. Tùse pena yawà tok yeselu pàkàlà tok talumattàtok wekonekakassak wechippù màlà molopai tok mattanù'nài we'nùnsak pùla iwechi!

Revelation 2:14

Tùse molo man tukkan pen nà ikasa pùla ewechi pàk ewinàkàik usenumenkatok. Tùulon kon àkklottau'nokon man Balaam uya enupantok ku'nài nan. Balak yenupappù ya màlà Israel pon kon wemakuima toppe ikuttoppe ya Katù pen yemyak itùsak lùppù kùyali nattoppe tok uya. Molopai tok uya àli imakuyippù kuttoppe tesak kon ke.

Revelation 2:21

Tùmakuyi winàpai iwelattàtok yattai ke ilepasak uya man, tùse elattàpai pùla man tesak ke tùwemakuimatok winàpai.

Revelation 21:8

Tùse tùusenalippasan molopai ailon tawonnan pen, mùkkyamlo àli pe tùwessan, wànnan, tesak ke àli ku'nàinan, mùkyamlo piyassan yeselu ku'nàinan molopai ikonekasak katù yapulànnan, molopai tamù'nawàlà kasei ton uya tùnepolo kon yepolo màlà eke kulu apok tùuyassen patassek molopai kulupala kasa tùkà'nùnsen yau, màlà yakon itekkwa pe weli'nàtok,” teppù ya nàlà.

Revelation 22:15

Tùse polopo màlà a'a yamùk wechi, mùkyamlo piyassan yeselu ku'nàinan, molopai àli ku'nàinan tesak kon ke, wànnan, Katù pen ikonekasak yemlotopo tùwepeimasan, molopai mùkyamlo tamù'nawàlà kasei ton asakklàma tùuselupatok kon yau molopai tùwelaikatok kon yau.

Revelation 9:21

Wàntok tùuya'nokon nonkappù tok uya pen nàlà, tipiyassanù kon nà, àli imakuyippù kuttok tùuya'nokon tesak kon ke nossan yamùk pokonpe wapùla kàyik yamùk pokonpe, wapùla amappe tùwettok kon nonkappù tok uya pen.