Ephesians 5:11 - Patamuna New Testament Revised

¹¹ Àli ku'nài nan kappon yamùk pùkkù pe kettàu, màlà yamùk ewalupà ponalok kon. Tùse làkku pùsamlo pàk ikasa pùla tok wechi yekamatàk kon.

Ephesians 5:11 ပူးပေါင်းရင်းမြစ်များ

Matthew 18:15

“Àtonpa kon uya àli kussak ewinàkài'nokon yau, ipyak mùtàtàik molopai ikasa pùla iwettok kon mekamatàik. Tùse ayupo pùla mùkuttàik ipokonpe neken. Eyeta kon ya yau, àtonpa mùnapposak auya'nokon màlà.

Luke 3:19

Tùse John uselupappù màlà Herod winàkàik, masapùla takon noppù Herodias mali'masak ya pàk, molopai nàlà tukke àli ton kussak ya pàk.

Yeunossak kon Wotokoyi 26:18

Àmàlà wechi màlà tok yenu yakkokanài pe molopai tok lattànài pe ewalupà winàpai akkwa winàkàik, molopai Settan meluntàlù winàpai Katù winàkàik, ailon tetok tùuya'nokon uyau yai tok uya usentuppantok tùmakuyi kon pàk yepotoppe molopai wakù ton yepotoppe tok uya Katù nanùmùssan kùlottau,’ teppù Jesus uya upàk,” teppù Paul uya tok pàk.

Romans 13:12

Ewalupà wenukassak lùiwa nen uchi man, wei welepansak lùiwa man. Ewalupà ponalok yà'làlà kupù pàk we'nàtok nokon yeleutanùppai'nokon man. Wepanta'mantok ike weinai yanùnpai'nokon man.

Romans 16:17

Apawanatàyataù Iulà utonpa yamùk, elanneppe ettàk kon mùkyamlo wepantakantok ku'nàinan, molopai kappon yamùk uya ailon tetok yaimelunpannan pàk. Mùkyamlo uya enupantok ananùmùppù kon kupù tùwakùli kon pe pùla màlà, tok tonpa pe kettàu.

Romans 6:21

Yà'là ken uchi wakù mepotantàu màlà yamùk sàlà pe ipàk mekkuli'mayatài'nùk kupù auya'nokon winàpai? Weli'nàtok yak anàinan.

Galatians 6:8

Mùkkàlà àli pe eppai tùwettok ke nàppànyai'nùk uya màlà àli teselu winàpai wettalumattàntok yepolo, tùse mùkkàlà Akkwalù wettok iche ke nàppànyai'nùk uya màlà Akkwalù winàpai tàwàlàlà wema'nàtok yepolo.

Ephesians 4:22

Apanamappù kon màlà penalok eyeselu kon nonka kon pa, ikasa pùla ewemapù kon pa àku'nàippù kon. Amattanù'nàippù lùppù enkuttànài ànkuppai we'nàtok kon winà.

Ephesians 5:12

Sàlà yamùk tok nùkussai'nùk amak yai tonantau kuli'mak man yekama yentai kulu.

Ephesians 5:7

Màlàpàk mùkyamlo yekkwa pokonpe kettàu.

Colossians 1:12

Molopai tenki tawonnan pe Kùkàipùnù kon pàk tùutachinpaik. mùkkàlà àku'nàippù'nokon tùnkupùppù tùponalok kon ponaloppe wakù akkwa pata yau ipùkkù pe ewechi kon pa.

1 Thessalonians 5:7

Kappon yamùk tùwe'nùnsan ewalupàttau, molopai nàlà kappon yamùk tùwetùnsan ewalupàttau.

2 Thessalonians 3:14

Molo ànù'là wechi màlà itekale, ina neunossai'nùk sàlà kaleta yau, maimu yawàlà tùwechi woton pen. Tùse meneik, sàlà kasa iwechi yau, tàwà nechii ipokonpe kechii, iwekkuli'matoppe.

2 Thessalonians 3:6

Itepulu Jesus Christ yesek yau meluntà pe eyelupayatàu ina, ina tonpa yamùk, mùkyamlo emya'neppe nai'nan nùk kùtonpa yamùk kùlottau kettàu, eyenupatok kon ina uya yawàlà pùla nai'nannùk kùlottau.

1 Timothy 5:20

Tùse àli ku'nài nan nùssan yàulàmakà molopai tok yekamappokà kappon yamùk yemloto po, amak yai pùla, tok tonpa yamùk yenu yappolù pe.

1 Timothy 5:22

Kesemittàpai eyemyatù tùlù auya ànù'là pona pàk Itepulu Jesus wotokoyi ponaloppe tok tùlù auya pàk. Tùulon kon uya àli kupù tonpa pe kechii; wakù pe esuken ekkà.

1 Timothy 6:5

Molopai mùkyamlo usàulàma echipalà uya tok usenumenkatok mattanùssak màlà, molopai ailon pùnon mùkyamlo. Tukke mamin yesappe wenantok iwinà pe sàlà enupantok maimu yawàlà we'nà wechi pe yekama tok uya màlà.

2 Timothy 3:5

polopon neken Katù yapulàtok yeselu kupù tok uya màlà, tùse iwalai kulu imeluntàlù nulunpa tok uya màlà. Pùsamlo kappon yamùk winàpai ekkà.

2 Timothy 4:2

Katù Maimu yekamakà, yekama pàk kulu ekkà, yekamatok yattai wechi ikasa tùse wapùla ikasa pùla tùse molopai tok imeluntàpakà, molopai tok makuyi yekamakà. Tùse nàlà tok yauchinpakà molopai tok panama auya yau kesemittàpai.

Titus 2:15

Sàlà yamùk ke kappon yamùk yenupakà, molopai tamù'nawàlà emeluntàlù, ayapàikketù yapulàkà tok meluntàpai'ma molopai eyetannan yàulàma auya yau. Màlàpàk ànù'là tùma'le eyentak.

Revelation 18:4

Màlàyau tùulon mayin yetappù uya epùn poi, “Epakkatàk kon yapai, uponalok kon kappon yamùk! Àli ton kuttok ya pùkkù pe kettàu, ipokonpe tùtalumattàssan pe!