Ephesians 5:1 - Patamuna New Testament Revised

¹ Katù munkà yamùk i'nùn ton pe kulu ewechi kon pàk, ikasa ettàk kon

Ephesians 5:1 ပူးပေါင်းရင်းမြစ်များ

Matthew 5:45

Sàlà kussak auya'nokon yau, àkàipùnù kon epùn pon munkà pe ewena kon màlà. Masapùla tùponalok wei ku'nài mùkkàlà iilenpantoppe, àli ton molopai wakù ton weyu pe ekkaichalà, molopai konok yeuno'nài wakù ku'nài nan ponaloppe molopai àli ku'nài nan ponaloppe.

Matthew 5:48

Màlàpàk wakù peichi ettàk kon, àkàipùnù kon epùn yau nai'nùk wechi wakù pe kasa.” teppù Jesus uya tok pàk.

John 1:12

Tùse tamù'nawolon kon kappon yamùk tanùnnài nan nùssan, molopai tesek pàk ailon tawonnan nùssan lepappù ya apàikkek ke Katù munkà yamùk pe tok wenatoppe.

Ephesians 4:32

Tùse làkku tùusentuppaik ettàk kon molopai sa'man pe pùla itewan echiwinàkàik, molopai esentuppatàk kon àpàkù'nokon Katù usentupasak àpàkù'nokon Christ yau kasa.

Philippians 2:15

Àli ku'nài nan pe pùla esuken Katù munkà pe, wakù pe tùwemassan pe ewechi kon pa. Molopai ikasa pùla àli pe kulu tùwemassan kappon yamùk wolù yawon kon kùlottau elenpantàk kon. Chilùkà yamùk ulenpansak kak yau kasa.

Colossians 3:12

Katù uya à'nùnma kon màlà molopai tùponalok kon pe kulu ayanùnsak kon ya. Màlàpàk esuken emattàk, tùusentuppaik, wakù pe, àssà'mùla, tenpe, molopai pàlikanài nan pe.

1 John 4:11

Utonpa yamùk kulu, sàlà kasaichi Katù uya kù'nùnma kon yau, echi'nùn pe we'nàpai man.