Ephesians 4:32 - Patamuna New Testament Revised

³² Tùse làkku tùusentuppaik ettàk kon molopai sa'man pe pùla itewan echiwinàkàik, molopai esentuppatàk kon àpàkù'nokon Katù usentupasak àpàkù'nokon Christ yau kasa.

Ephesians 4:32 ပူးပေါင်းရင်းမြစ်များ

Matthew 6:12

Ina makuyi pàk esentuppakà. Ina winàkàik iwemakuimassak kon pàk nàlà ina nùsentupayai'nùk kasa.

Mark 11:25

Àwàpùlema yau ànù'là uya àli kussak ewinàkàik ittu auya yau ipàk esentuppakà. Katù, Àkàipùnù epùn pon usentuppatoppe nàlà amakuyi pàk.

Luke 1:78

Masapùla Katù usentupassak pàkànsau wei ulenpansak wechi màlà kau pai kùponalok kon pe.

Luke 11:4

Ina makuyi pàk esentuppakà ina pàk, masapùla tamù'nawolon kon ina winàkàik iwemakuimasak kon nùssan pàk nàlà ina nùssentupayan. Molopai ina kùsalài sa'man ittuntok yak [tùse ina ikukkà Ene Makui winàpai].

Luke 17:4

Iwemakuimasak ewinàkàik 7 pe itekkwa tewin wei yau yattai, molopai màlà yattai'ne iyàppàtù apyak, ‘Usewankono'mayaik,’ kase yau, ipàk mesentuppatàik,” teppù ya.

Luke 6:35

Tùse làkku eyeyaton kon i'nùnmatàk kon, wakù ikuttàk kon tok winàkàik. Itesak pe ewettok kon itùtàk kon yapulà toppe molopai innappo pàk enpen kettàu. Eke pe iche ewettok kon yepolo auya'nokon màlà, molopai Eke Meluntà tùnamasen Katù ponalok kon pe ewechi kon màlà. Masapùla wakù mùkkàlà tenki tawonnan pen pàk molopai àli ton pàk.

Luke 6:37

“Ànù'là winàkàik àli pe kesenumenkatàu àli pe usenumenkan ewinàkàik tukaik. Ànù'là kùttalumattàtàu, Katù uya atalumattà kon tukaik ànù'là pàk mesentuppatàik molopai Katù usentuppa màlà àpàkù'nokon.

Yeunossak kon Wotokoyi 28:2

Molon kon nà wechippù màlà wakù pe ina pàk. Konok wepyattàppù tùutà pàk molopai iko pe iwechippù, màlàpàk apok pottàppù tok uya molopai tok uya ina yanùmùppù.

Romans 12:10

Echi'nùnmatàk kon eke pe tùuchinùnmaik we'nà Christ yau yenpoika pe kulu, molopai àtonpa kon tùnamaik ettàk kon.

1 Corinthians 13:4

Uchi'nùnmantok màlà pàlikanài, molopai tùusentuppasen. Tùkùlùmàlunsen pen màlà wapùla ànù'là yentai tùwekkussen pen wapùla tùutapulàsen pen.

2 Corinthians 2:10

Kappon pàk eusentuppa kon àli inkupùppù pàkànsau yau, ipàk nàlà usentuppa màlà. Usentuppasak ipàk lùppù wechi yau, usentuppasak màlà àpàkànsau'nokon Christ yemloto po.

2 Corinthians 2:7

Sàlà peichi, mesentuppatàik ipàk molopai itewan mipittàtàik, ippla kulu ichewankono'ma tukaik molopai iwe'nonka tukaik.

2 Corinthians 6:6

Wakù pe we'nàtok yau, pukkeppe we'nàtok yau, pàlikantok yau, molopai usentuppantok yau, Wakù Akkwalù yau, molopai ailon pùnùnmantok ina uya yau,

Ephesians 5:1

Katù munkà yamùk i'nùn ton pe kulu ewechi kon pàk, ikasa ettàk kon

James 5:11

Tùutauchinpasan tukaik tok yesa'nàinan kùmyamlo masapùla tok uya pàlikansak pàk. Job uya pàlikantok yetappù auya'nokon, molopai mùttuyatàik Itepulu uya Job pùikattàppù iwenukapù pe. Masapùla Itepulu Katù mùkkàlà usentuppantok yesak eke pe.

2 Peter 1:7

wakù pe esuken Katù kasa ewettok kon pona tonpa pàk usentupantok molopai tonpa pàk usentupan pona pùnùnmantok.

1 John 1:9

Tùse Katù pàk kùmakuyi kon yekama yau, ailon mùkkàlà molopai iwalai ku'nài. Màlàpàk kùmakuyi kon pàk ichentupa màlà kùpàkù'nokon molopai wakù pe kùma kon ya màlà tamù'nawolon àli winàpai.

1 John 2:12

Emenuka kon uya sàlà, umunkà yamùk, masapùla amakuyi kon pàk usentupantok yeposak auya'nokon Christ yesek pàkànsau pàk.