Ephesians 4:31 - Patamuna New Testament Revised

³¹ Tamù'nawolon àli pe usàulàmantok, molopai we'naikantok inonkatàk kon. Wentaimepà'nàtok wapùla wemottùnpantok nàlà inonkatàk kon! Esseyaton pàk we'nàtok pùla nechii àkklottau'nokon.

Ephesians 4:31 ပူးပေါင်းရင်းမြစ်များ

Yeunossak kon Wotokoyi 21:30

Utaimelunpantok wechippù màlà tamù'nawolon pata yawàlà, molopai kappon yamùk waplùmùppù tamù'nawàlà tamùkke molopai tok uya Paul yachippù, iwolokappù tok uya Katù yùwùk tapai. Màlàyau asse'ne Katù yùwùk mùlatta utakkoloppù.

Romans 3:14

Tok mùta wanùssak màlà pa'nù'nàtok ke molopai maik ton ke. {Psa 10.7}

1 Corinthians 14:20

Utonpa yamùk, mule yamùk lùkkwà mùkyamlo àli ittunnan pen. Tok kasa ettàk kon tùse eusenumenkatok kon yau tok kasa kettàu, tùse kàyippe ettàk kon eusenumenkatok kon yau.

1 Corinthians 5:8

Màlàpàk uchi uta'lettàntok ikuppai'nokon ipoippà apuluwetanù'nài pàk pùla, àli pe molopai wakù pe pùla we'nàtoppe ku'nài. Tùse làkku yapuluwetanù'nài pùn pùlomù pusak pàk, esuken we'nàtoppe molopai ailon pe we'nàtoppe kunài pùlomù pusak.

2 Corinthians 12:20

Masapùla usenalipayaik miyalà uyàssak yau eyepolo kon uya yeselùkek iwechi pàk eyiche'nokon wettok kasa pùla. Molopai uyepolo auya'nokon uyiche ewettok kon kasa pùla. Usenalipayaik usàulàmantok, kùlùmà, molopai we'naikantok, amlek we'nàtok, àli pe uselupantok, molopai tùulon kon yekale pàk uselupantok, utapulàntok molopai utaimelunpantok yepolo uya àklottau'nokon yeselùkek iwechi pàk.

Galatians 5:20

ikonekasak katù yemloto po wepeimantok, molopai meluntà àli akkwalù winàpai yeposak yapulàtok, tùulon kon yewanma'làtok, wakù pe tonpa pokonpe we'nà pùla we'nàtok, kùlùmàppe we'nàtok, we'naikantok, molopai amleppe we'nàtok. Tùusàulàmaik we'nàtok, iwepantapàssak pe'ne,

Ephesians 4:22

Apanamappù kon màlà penalok eyeselu kon nonka kon pa, ikasa pùla ewemapù kon pa àku'nàippù kon. Amattanù'nàippù lùppù enkuttànài ànkuppai we'nàtok kon winà.

Ephesians 4:25

Tàwà ichi kasei pe we'nàtok pùla nechii! Tàwà tamù'nawolon kon uselupatok ailon pe nechii tùtonpa kon pàk, masapùla tamù'nawolon kon kùmyamlo mùkyamlo tewinan itesak.

Ephesians 4:26

Tùwemakuimaik ke'naikatàu. Molopai tùwe'naikase kasapontàtàu.

Colossians 3:19

Tùnoppù kenan kon, ànoppù kon mù'nùnmatàik, molopai àsà pe tok pàk kettàu.

Colossians 3:8

Tùse sàlà pe sàlà yamùk inonkatàk kon: we'naikantok, tonpa yewan ma'làtok molopai àli pe we'nàtok, àsà wekkupù àtonpa winàkàik iche kettàu tùulon kon winàkàik. Kappon kù'mottùnpatàu, wapùla àli pe uselupantok kùsepakkatak anta kon yai.

1 Timothy 3:11

Tok noppù wechi nàlà màlà wakù pe, àli pe tùuselupasen tùtonpa pàk pe pùla; wakù pe tùttuik tùwemassen pe, ailon pe tamù'nawolon yau tùwessen pe.

1 Timothy 3:3

Tùwetùnsen pe pùla, wapùla àsà pe tùwessen pe pùla, tùse yà'làlà pàlikanài pe molopai echitonpa pe, pùlayatta pùnùnmanài pe pùla.

1 Timothy 5:13

Yà'là pàk pùla tùuko'manse tok usenupasak màlà, yakon tawàlà tùusalà kon ke; tùse nàlà tok uselupa là tùtonpa kon pàk echipalà molopai yauchin pe tok wechi yà'là pen pàk, yà'làlà yekamapaino kulu là pen nànen uchi yekama pàk.

2 Timothy 2:23

Tùse pakko pe molopai ittunài pe pùla usàulàmantok winàpai ekkukà, mùttuyaik iwenukapù we'naikantok yau.

2 Timothy 3:3

iichi'nùnmatok pùla, tùusentuppasan pe pùla, eimipponnan àli pe tùuselupa kon ke, tesak kon pen molopai àsà ton; wakù wechi tok yewanma pe màlà;

Titus 1:7

Masapùla Katù wotokoyi yesappe iwechi pàk, sochi yennài wechi màlà ikasa pùla là tùwemassen pe pùla. Yà'làlà ànkuppaino tùyiwalà teselu yau pe pùla iwechi màlà, wapùla asse'ne tùwe'naikasen pe pùla, wapùla tùwetùnsen pe pùla, wapùla àsà pe pùla, wapùla pùlayatta pàk tùuseka'nonkasen pe pùla.

Titus 2:3

Màlà kasa làma nossan yamùk lùiwa wettoppe tok yelupakà, wakù pe Katù tùnamaik tùwemassan pe. Eimiponnan pe pùla nàlà, wapùla tùwetùnsan pe pùla. Wakù pàk làkku enupannan pe tok nechiik

James 1:19

Sàlà ittutàk kon, utonpa yamùk kulu! Tàwà tamù'nawolon kon asse'ne yetanài nan pe nechii, tùse tànànpàk tùuselupasan pe, molopai asse'ne tùwe'naikasen pe pùla.

James 3:14

Tùse eyewan kon wechi kùlùmàppe àsà pe, molopai amleppe yau, katapulàtàu molopai ailon winàkàik kasei pe kettàu.

James 4:11

Àtonpa kon kùttalumattàtàu, utonpa yamùk. Ànù'là tùtonpa talumattatànài wapùla “Suwa messaik” tawon, uselupa màlà Law Katù winàpaino winàkàik molopai italumattà ya. Law Katù winàpaino talumattà auya'nokon yau, imaimu yawolon pe ewechi kon pen màlà, tùse imottùnpanài pe ewechi kon.

1 Peter 2:1

Màlàpàk uchi tamù'nawolon àli ton inonkatàk kon: kasei pe kettàu, tùulon kon kùsennakattàu, kùlùmàppe kettàu, wapùla mottùnpan pe uselupantok kùsapulàtàu!

1 John 3:12

Cain kasa we'nà kùsettak. Ene Makui winàpaino mùkkàlà, molopai takon wànàppù ya màlà. Yà'là pe ichi iwechi pàk Cain uya takon wànàppù? Masapùla yà'làlà inkupùppù wechippù àli pe, tùse yakon nùkupùppù wechippù ikasa màlàpàk iwànàppù ya.

1 John 3:15

Ànù'là tùtonpa ku'nài teyaton pe wechi màlà kappon wànài pe; molopai mùttuyatàik mùkkalà yekkwa yau tàwàlàlà wema'nàtok pùla iwechi.

Revelation 12:10

Màlàyau nen uchi eke mayin yetappù uya epùn po. “Sàlà pe Katù winàpaino wepùikattàntok molopai meluntà uyàssak man! Molopai Kùkatùyi wettok Itepulu pe! Molopai Kùlaik, ineunokoppù wettok apàikkeppe! Masapùla kùtonpa kon yamùk winàkàik àli pe ichelupasak kon Katù yemloto po wei kaichalà molopai ewalupà kaichalà, yenu'mappù man epùn yapai,” te ya.