Ephesians 4:28 - Patamuna New Testament Revised

²⁸ Amappe tùwessen pe ewechi yau amappe ewettok yeleutanùkkà. Ailon pe ekkà molopai sa'man pe e'wotokomakà yà'là pùnon kappon yamùk yemyak àntùlù woton wettoppe molo.

Ephesians 4:28 ပူးပေါင်းရင်းမြစ်များ

Luke 19:8

Zacchaeus wà'mùssakkappù molopai Itepulu pàk, “Yetakà, Itepulu! Itesak pe wettok pantaka uya màlà upyau iwechi kaichalà entuppa'nokon yemyak, molopai ànù'là yama'masak uya yau, ye'ma uya màlà asakùlà'ne itekkwa,” teppù ya.

Luke 3:8

“Amakuyi kon winàpai ewelattàsak kon yekama nài ikuttàk kon. Molopai, ‘Abraham mùkkàlà ina kàipùnù,’ kùkatàu eyiwalà'nokon. Yekama uya sàlà àpàkù'nokon, Katù uya màlà sà tàk yamùk yapai Abraham munkà koneka!

John 12:6

Judas uya wateppù màlà, entuppa'nokon pàk tùusentuppa pàk pùla, tùse amak pe tùwessen pe tùwechi pàk, molopai pùlayatta yen tùpyawon yapai tùwepùikattàsek pàk.

John 13:29

Tùulon kon usenumenkappù masapùla Judas wechi pùlayatta yen yesappe pàk, Jesus uya, “Yà'làlà ye'mata uta'lettàntok woton wapùla entuppa'nokon ilepata,” te pe tok uya yekamappù.

Romans 12:13

Yà'làlà pùla nai'nannùk Katù munkà tùmainanpaik ettàk kon, molopai kaklan yamùk yewonnùttàk àwùk kon tak.

1 Corinthians 4:12

Temyatù kon ke sa'man pe tùwe'wotokomasan ina. Tùpa'nùssak kon yau wakù pe tùwessan ina tùpa'nùnàippù kon pàk. Tùwettalumattà kon yau, ina ipàlikannan.

2 Corinthians 8:12

Masapùla e'lepapai kulu ewechi kon yau, Katù uya lepantok auya'nokon yanùmù màlà àntùlù itesappe ewettok kon yawà, itesappe pùla là ewettok pen.

2 Corinthians 8:2

Eke pe tok ittuppù màlà talumattàntok tok utàppù lùppù yawà ke, tùse tok utauchinpatok wechippù eke pe kulu. Màlàpàk alikyeppe tok wechippù tùwe'lepa kon pàk itesak pe tùwettok kon yapai, yà'là pùla lànen echii'ma'nokon.

Galatians 6:10

Màlàpàk uchi ikuttok yattai wechi molo kùlottau wakù ikuppai'nokon tamù'nawolon kon pàk, mùkyamlo kulu ailon tetok yau nai'nannùk.

1 Timothy 6:18

Wakù kuttoppe tok uya yekamakà, eke pe tùutauchinpaik tok wettoppe tùnkupù kon yau, alikyek pe tùwe'lepaik tok wettoppe ànù'là pokonpe.

Titus 3:14

Tonpa wannà yamùk uya wakù wotoko kuttok yak tùweyu kon tùlù iche we'nà man, yà'là pùnon kulu wettok iche yau pùikattàn pàk tok wettoppe; tapulàsen pe tok wemattok wettoppe.

Titus 3:8

Sàlà màlà ailon kulu uselupantok. Sàlà yamùk pàk meluntà peiwa euselupa iche wessaik, mùkyamlo Katù pàk ailon tawonnan wettoppe tùweyu kon tùnàinan pe wakù wotoko kuttok yak. Sàlà yamùk màlà wakù, kappon yamùk napulà pe iwechi.