Ephesians 4:24 - Patamuna New Testament Revised

²⁴ Emennak eyeselu kon pe yepotàk kon, Katù kasa ikonekasak lùppù, molopai tùusenpoikasen ailon wema'nàtok yau màlà iwalai molopai wakù esukenan.

Ephesians 4:24 ပူးပေါင်းရင်းမြစ်များ

John 17:17

Àponalok pe tok ikonekakà ailon winà. Masapùla amaimu màlà ailon.

Romans 12:2

Sàlà wolù yawon kon yeselu pàk làma kettàu, tùse tàwà Katù amyakanmatàu ayawà'nokon tamù'nawàlà eusenumenkatok kon wemyakanmatok winà. Màlà yattai nen uchi Katù yeselu ittu auya'nokon màlà, màlà wakù pe nai'nùk, molopai yauchinpanài pe nai'nùk, molopai màlà ikasa imaimu yailà neken nai'nùk.

Romans 13:12

Ewalupà wenukassak lùiwa nen uchi man, wei welepansak lùiwa man. Ewalupà ponalok yà'làlà kupù pàk we'nàtok nokon yeleutanùppai'nokon man. Wepanta'mantok ike weinai yanùnpai'nokon man.

Romans 13:14

Tùse Itepulu Jesus Christ ke epontàtàk kon, molopai àli ànkuppai ewettok kon yeselu pàk tùusenumenkaik molopai yawàlà kettàu.

Romans 6:4

Usenpataukantok kon winà uchi màlà, kùwu'nattàsakù'nokon ipokonpe molopai iwelittok pùkkù pe we'nà'nokon, Christ uluukappù nai'nùk weli'nàtok yapai wakù kulu kùkàipùnù kon meluntàlù winà, kasa làma kùmàlà nàlà , wemapù màlà emennak wema'nàtok yau.

Romans 7:6

Sàlà pe kùnonkasak Law uya man, masapùla weli'nàsakù'nokon màlà kùyachinàippù'nokon winàpai, yachichak kon patikichi tak kasa kùku'nàippù winàpai. màlàpàk imenukasak lùppù Law yeselu yawàlà tùwessan pe we'nà pen sàlà , tùse emennak Law Wakù Akkwalù yeselu yawàlà tùwessan.

Romans 8:29

Masapùla Katù uya màlà tùnanùmù woton kon ittukassak pena, tùmu kasa nen uchi tok wettoppe, ipùkkù pe tok wena wettoppe, Tùmu wettoppe wapiyaloppe tukkan kon tùtonpa yamùk kùlottau.

1 Corinthians 15:53

Masapùla tùukàtasen pe nai'nùk wemyakanma màlà tùukàtasen pen yak, molopai tùwelichen pe nai'nùk wemyakanma màlà tùwelichen pen yak.

2 Corinthians 3:18

Tamù'nawolon kon kùmyamlo uchi mùkyamlo Itepulu yakkwayi yenpoikannan itenpata wapu pùla echii'ma, molopai ikasa tùwemyakamasan tàwàlàlà tùwessen akkwa pokonpe. Itepulu winàpai nùyàssai'nùk, uchi mùkkàlà Akkwalù.

2 Corinthians 4:16

Màlàpàk ina we'nonka pen màlà. Polopo lànen ina ukàta tùse, tau'nokon ina wena màlà emennappe wei kaichalà.

2 Corinthians 5:17

Ànù'là wechi Christ ponaloppe yau emennappe iwechi màlà, tamù'nawàlà penalok utàppù màlà, emennak uyàssak màlà.

Galatians 3:27

Masapùla tamù'nawolon kon mùkyamlo iichenpataukasak nai'nannùk Christ yak, wepontàsak màlà Christ yak.

Galatians 6:15

Yà'là pe pùla kappon yattàsak Jew yamùk yattàtok yeselu yawàlà wechi màlà, wapùla yattàsak pùla là iwechi wechi. Tùse làkku emennappe ikonekasappe we'nàtok.

Ephesians 2:10

Katù mà mùkkàlà kùkonekanàippù kon tà. Molopai Christ Jesus yau emennak pe we'nàtoppe kùkonekappù kon ya màlà, wakù kùnkupù kon woton pe inkupùppù pena, kuttokkonpe wema'nà yawà.

Ephesians 2:15

Law, Moses winàpaino yeleutanùpùppù ya, inenupa molopai sà ikukkà tetok ya pokonpe, tùpatalon kon kappon yamùk konekappù ya tùmàlà tùyau tewin tok wettoppe, echitonpa pe.

Ephesians 6:11

Tamù'nawolon wepanta'man pon Katù uya elepatok kon itùtàk kon, meluntà pe ewechi kon pa, àli, Makui uya enkuttàntok yentaika kon pa.

Titus 2:14

Iwettùlùppù màlà kùponalok kon pe, kùpùikattàse tamù'nawolon àli winàpai molopai kùkonekase esukenan kon kappon yamùk tùponalok kon pe kulu neken molopai wakù ànkuppai nokon kulu pe neken.

Hebrews 1:8

Tùse Tùmu pàk tùuselupa yau, “Katù!Itepulu pe ewettok wechi màlà tàwàlàlà molopai tàwàlàlà, molopai itepulu pe ewettok woton ikasa,” teppù ya.

Hebrews 12:14

Ànùttu kon ikuttàk echitonpa pe ewemapùkonpa tamù'nawolon kon kappon yamùk pokonpe, molopai wakù pe esuken wema'nàtok iche ettàk kon, masapùla ànù'là wakù pe esuken wema'nàtok yawolonnà pen uya Itepulu yene pen màlà.

1 Peter 2:2

Entusan mule yamùk, manak iche tùwe'nakklipasan tàwàlà, màlà kasa wakù esukenan manak kappon winàpaino pen iche ettàk kon tàwàlà meluntà pe ewena kon pa iwinà molopai ewepùikattà kon pa.

2 Peter 1:4

Sàlà kasa lepansak kon ya màlà Katù yeselu wakù molopai eke ton kulu wakù pe we'nàtok itùlù tùuya teppù lùppù tùuya ke, màlà yanùmù auya'nokon winà mattanù'nài àli ànkuppai we'nàtok molo nai'nùk non po winàpai ewepe kon pa, molopai àuyàpù kon pa Katù yeselu pùkkù pe esse.