Ephesians 4:2 - Patamuna New Testament Revised

² Àssà'mùla ettàk kon, àsà pe pùla, molopai pàlikanài pe tàwàlà. Pùnùnmantok auya'nokon yenpoikatàk kon àtonpa kon yeselu pàlika auya'nokon winà.

Ephesians 4:2 ပူးပေါင်းရင်းမြစ်များ

Matthew 11:29

Uyapyoto pe ettàk kon, molopai uwinàpai esenupatàk kon. Masapùla tùusentupasen Iulà molopai àssà'mùn Iulà uyeselu yau. Molopai ayakkwalù kon wàlàkkattok yepolo auya'nokon màlà.

Mark 9:19

Jesus uya tok maimu yeikuppù, “Ailon tetok ya pùnon amyamlo! Yà'là pàkàlà ken uchi apyau'nokon wechi molopai uko'mamù àpàlika kon pàk? Walawok muleppù inettàk kon upyak,” tukaik.

Yeunossak kon Wotokoyi 20:19

Tamù'nawàlà àssà'mùla we'nàtok yau molopai eke pe itenu palu uwotokoyi kupùppù uya Itepulu Jesus yapyoto pe, sa'man ton uyàssak Jew yamùk wekkussak upàk winà.

Romans 15:1

Kùmyamlo meluntà pe nai'nannùk ailontetok yau, wechi màlà attu'mùn pùikattànnan pe molopai iche we'nàtok nokon neken kasa tùwessan pe pùla.

1 Corinthians 13:7

Tamù'nawolon pàlikanài, ailon tawon tàwàlàlà, enpen tùwessen tàwàlàlà, tùweleutasen pen.

Galatians 6:2

Àtonpa kon ipùikàttàtàk kon inalà yalà pàk. Molopai sàlà kasa màlà Christ law yawàlà ewechi kon.

Ephesians 1:4

Katù uya kùyanùnkassak kon wechippù màlà tùponaloppe Christ yau, wakù pe esuken we'nàtokkonpe temloto po. Pena wolù wessepolo wapiya pùnùnmantok tùuya pàkàlà,

Colossians 1:11

Imeluntàlùttàsappe tamù'nawolon itapàikketù ke, wakù imeluntalù yawàlà yà'làlà yentaika kon pa molopai ipàlika kon pa molopai tùutauchinpaik ewechi kon pa.

1 Timothy 6:11

Tùse àmàlà mùkkàlà, Katù ponalok kàyik, sàlà yekkwa ton winàpai ekkà. E'wotokomakà sàlà yamùk yepolo pa molopai ikasa, wakù pe, Katù yauchinpanài pe ewechi pa, ailon te toppe, àtonpa tù'nùnmaik, yà'làlà pàlika pa, molopai ten pe alomùla ewechi pa.

2 Timothy 2:25

àsà pe tùwessan tùwinàik panamai àssà'mùla, Katù uya tok lepa tok upokoitatok ke yakan pe molopai ailon ittutok tok uya winàkàik tok welattà yakan pe.

James 1:21

Màlàpàk uchi tamù'nawolon àli ton eyeselu kon inonkatàk kon Katù Maimu yawàlà ettàk kon àssà'mùla, àsà pe pùla molopai màlà imaimu inpàmàppù eyewan kon yak yanùntàk kon, màlà àpùikattànài'nokon yeppe nai'nùk.

1 Peter 3:15

Tùse Christ namatok auya'nokon yesappe ettàk kon eyewan kon yau molopai Eyepulu kon pe ikuttàk. Tùwekonekaik ettàk i'nai yattai là enpen we'nàtok ayau'nokon nai'nùk wenai ewettok kon yekama kon pa eyekamappo kon ànù'là uya yau.

1 Peter 3:8

Màlàyau sàlà yekama uya àpàkù'nokon: tamù'nawàlà tewin usenumenkantok yesappe mettàik molopai ekkaichalà usentupantok tùulon kon pàk; ànù'là kappon i'nùnmatàk kon àtonpa kon kulu pùnùnma auya'nokon kàsa, molopai tùusentuppasen pe ettàk kon molopai àsà'mùla, àsà pe pùla ànù'là kappon pokonpe.